തേ​വ​ല​ക്ക​ര കൊലപാതകം;അന്വേഷണ ഉദ്യോഗസ്ഥനെ മാറ്റി.

കൊല്ലത്ത് പ്ലസ് ടു വിദ്യാര്‍ത്ഥി മര്‍ദ്ദനമേറ്റ് മരിച്ച സംഭവത്തെ കുറിച്ച്‌ അ​ന്വേ​ഷി​ക്കു​ന്ന എ​സ്‌ഐ​യെ മാ​റ്റി.തെ​ക്കും​ഭാ​ഗം പോ​ലീ​സ് സ്റ്റേ​ഷ​ന്‍ എ​സ്‌ഐ ജ​യ​കു​മാ​റി​നെ അന്വേഷണത്തിൽ നിന്നും മാറ്റി. പകരം ച​വ​റ സി​ഐ ച​ന്ദ്ര​ദാ​സി​നാ​ണ് കേ​സ് അ​ന്വേ​ഷ​ണ​ത്തി​ന്‍റെ ചു​മ​ത​ല ന​ല്‍​കി​യി​രി​ക്കു​ന്ന​ത്.

കേസിൽ പോലീസ് ഒത്തുതീർപ്പിനു ശ്രമിച്ചെന്ന ആരോപണത്തെ തുടർന്നാണ് നടപടി.ആ​ളു​മാ​റി​യു​ള്ള ആ​ക്ര​മ​ണ​ത്തി​ല്‍ ഗു​രു​ത​ര പ​രി​ക്കേ​റ്റ വി​ദ്യാ​ര്‍​ഥി തേ​വ​ല​ക്ക​ര അ​രി​ന​ല്ലൂ​ര്‍ ചി​റ​ക്കാ​ല​ക്കോ​ട്ട് കി​ഴ​ക്ക​തി​ല്‍ ര​ഞ്ജി​ത്ത് പ​ത്ത് ദി​വ​സ​ത്തോ​ളം ചി​കി​ത്സ​യി​ല്‍ ക​ഴി​ഞ്ഞ ശേ​ഷ​മാ​ണ് മ​രി​ച്ച​ത്.

ഫെ​ബ്രു​വ​രി 14-ന് വീട്ടിൽ ഇരുന്നു പഠിക്കുകയായിരുന്നു രഞ്ജിത്തിനെ ജയിൽ വാർഡൻ വിനീതിന്റെ നേതൃത്വത്തിലുള്ള സംഘം വിളിച്ചിറക്കി മർദിക്കുകയായിരുന്നു.വിനീതിന്റെ ബന്ധുവായ പെൺകുട്ടിയെ കമന്റടിച്ചെന്നു ആരോപിച്ചായിരുന്നു മർദനം.എന്നാൽ സംഭവത്തിൽ രഞ്ജിത്തിന് പങ്കില്ലായിരുന്നു.

മർദ്ദനത്തെ തുടർന്ന് ആ​ശു​പ​ത്രി​യി​ലെ​ത്തി​ച്ചു ചി​കി​ത്സ ന​ട​ത്തി വീ​ട്ടി​ല്‍ കൊണ്ട് വന്നെങ്കിലും അ​സ്വ​സ്ഥ​ക​ള്‍ അ​നു​ഭ​വ​പ്പെ​ട്ട​തി​നെ തു​ട​ര്‍​ന്ന് സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചു. വെ​ന്‍റി​ലേ​റ്റ​റി​ല്‍ ചി​കി​ത്സ​യി​ലി​രി​ക്കെ വ്യാ​ഴാ​ഴ്ച മ​ര​ണം സം​ഭ​വി​ക്കു​ക​യാ​യി​രു​ന്നു.

Be the first to comment on "തേ​വ​ല​ക്ക​ര കൊലപാതകം;അന്വേഷണ ഉദ്യോഗസ്ഥനെ മാറ്റി."

Leave a comment

Your email address will not be published.


*