തുമ്മുമ്പോഴും ചുമയ്ക്കുമ്പോഴും മൂത്രം പോകുന്ന അവസ്ഥ പലര്‍ക്കുമുണ്ടാകാറുണ്ട്. ഇതെക്കുറിച്ചറിയൂ.
വയറ്റിലുണ്ടാകുന്ന മര്‍ദം
വയറ്റിലുണ്ടാകുന്ന മര്‍ദം കാരണം സംഭവിയ്ക്കുന്ന ഒന്നാണിത്. മൂത്രം പിടിച്ചു നിര്‍ത്താന്‍ ആവശ്യമായ മര്‍ദത്തിനേക്കാള്‍ കൂടുതല്‍ ആകുമ്പോള്‍ സ്വാഭാവികമായും ലീക്കുണ്ടാകുന്നു. ചുമ, തുമ്മല്‍, ചിരി, കുനിയുക, സാധനങ്ങള്‍ എടുത്തുയര്‍ത്തുക, ചാടുക എന്നിവയെല്ലാം തന്നെ സ്‌ട്രെസ് യൂറിനറി കോണ്ടിസെന്‍സ് കാരണമാകുന്നു. ഇത്തരം അവസ്ഥയില്‍ അല്‍പം, ചിലപ്പോള്‍ ഏതാനും തുള്ളി മൂത്രം മാത്രമേ പോകുന്നുള്ളൂ. ഇതിനാല്‍ തന്നെ പലരും ഇത് വലിയ കാര്യമായി എടുക്കുകയുമില്ല.
സ്ത്രീകളിലാണ്
പുരുഷന്മാരേക്കാള്‍ സ്ത്രീകളിലാണ് ഇതു കൂടുതല്‍ കണ്ടു വരുന്നത്. 19-44 വയസു പ്രായമുള്ള 13 ശതമാനം സ്ത്രീകളിലും ഇത് കണ്ടു വരുന്നതായി പഠനങ്ങള്‍ സൂചിപ്പിയ്ക്കുന്നു. 45-64 പ്രായത്തിലെ 22 ശതമാനം സ്ത്രീകള്‍ക്കും ഇതുണ്ടാകുന്നുണ്ട്. ഗര്‍ഭവും പ്രസവവുമെല്ലാം പല സ്ത്രീകളിലും സ്‌ട്രെസ് യൂറിനറി കോണ്ടിസെന്‍സ് എന്ന അവസ്ഥയുണ്ടാക്കും. സിസേറിയനേക്കാള്‍ സാധാരണ രീതിയില്‍ പ്രസവിച്ചവര്‍ക്ക് ഇത്തരം അവസ്ഥയ്ക്കുള്ള സാധ്യത കൂടുതലാണ്.
ഇതിന്
പുകവലി, പെല്‍വിക് സര്‍ജറി, മലബന്ധം, കാര്‍ബോണേറ്റഡ് പാനീയങ്ങള്‍ കുടിയ്ക്കുന്നത്, ചില മെഡിക്കല്‍ കണ്ടീഷനുകള്‍, ഇടുപ്പു വേദന, പെല്‍വിക് ഓര്‍ഗനുകള്‍ക്ക് തകരാറ് എന്നിവയെല്ലാം തന്നെ ഇത്തരം അവസ്ഥയുണ്ടാകാനുള്ള കാരണമാണ്. ഇതിന് പരിഹാരവുമുണ്ട്. പെല്‍വിക് പ്രദേശം ശക്തിപ്പെടുത്തുകയെന്നതാണ് പ്രധാനപ്പെട്ട ഒന്ന്. പെല്‍വിക് ഫ്‌ളോര്‍ തെറാപ്പി എന്ന ഒന്നുണ്ട്. ഇതിന് ഡോക്ടര്‍മാര്‍ക്ക് നിര്‍ദേശം നല്‍കാന്‍ സാധിയ്ക്കും. പല സ്ഥലങ്ങളിലും പ്രസവ, ഗര്‍ഭാകാലത്തോട് അനുബന്ധിച്ച് ഇത്തരം നിര്‍ദേശങ്ങള്‍ നല്‍കാറുമുണ്ട്.
വീട്ടില്‍ തന്നെ
നമുക്ക് വീട്ടില്‍ തന്നെ ചെയ്യാവുന്ന പെല്‍വിക് ഫ്‌ളോര്‍ വ്യായാമങ്ങളുണ്ട്. ഇതില്‍ ഏറ്റവും സിംപിളായത് മൂത്രമൊഴിയ്ക്കുമ്പോഴും മറ്റും പെട്ടെന്ന് പിടിച്ചു നിര്‍ത്തുക, പിന്നീട് വീണ്ടും ഒഴിയ്ക്കുക എന്നതാണ്. ഇത് ആവര്‍ത്തിച്ചു ചെയ്യുന്നത് ഒരു പരിധ വരെ ഗുണംനല്‍കും. മസിലുകള്‍ ടൈറ്റാകാന്‍ ഇത് സഹായിക്കും. ഇതു പോലെ മൂത്രമൊഴിക്കാതെ ഏറെ നേരം പിടിച്ചു വയ്ക്കാതിരിയ്ക്കുക. കാപ്പി പോലുളളവ കുറയ്ക്കുക. ഇത് ഗുരുതരമായ പ്രശ്‌നമായി തോന്നുന്നുവെങ്കില്‍ മെഡിക്കല്‍ സഹായം തേടുക.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : urinating while sneezing
Malayalam News from malayalam.samayam.com, TIL Network