ഇന്‍റർനെറ്റ് തകരാർ: പ്രമുഖ അന്താരാഷ്ട്ര വെബ്സൈറ്റുകൾ നിശ്ചലമായി

ന്യൂഡല്‍ഹി: അന്താരാഷ്ട്ര മാധ്യമങ്ങളുടേതുൾപ്പെടെ ലോകത്തെ പ്രമുഖ വെബ്സൈറ്റുകൾ പ്രവര്‍ത്തനരഹിതമായി. ന്യൂസ് വെബ്സൈറ്റുകൾക്ക് പുറമെ സമൂഹ മാധ്യമങ്ങളുടെയും പ്രവർത്തനമാണ് താറുമാറായത്. ഇവയിൽ പലതിന്‍റെയും പ്രവർത്തനം പുനരാരംഭിച്ചിട്ടുണ്ട്. ആമസോണിന്‍റെ വെബ്സൈറ്റുകളുൾപ്പെടെയാണ് പ്രതിസന്ധി നേരിട്ടതെന്നാണ് റോയിട്ടേഴ്സ് റിപ്പോർട്ട് ചെയ്യുന്നത്.

മാധ്യമ സ്ഥാപനങ്ങളായ ഫിനാൻഷ്യൽ ടൈംസ്, ദ ഗാർഡിയൻ, ന്യൂയോര്‍ക്ക് ടൈംസ് സിഎൻഎൻ ഉള്‍പ്പെടെ നിരവധി വാര്‍ത്താമാധ്യമ വെബ്‌സൈറ്റുകളുടെ പ്രവർത്തനത്തിനാണ് തടസം നേരിട്ടത്. സമൂഹ മാധ്യമമായ റെഡ്ഡിറ്റ് വീഡിയോ പ്ലാറ്റ്ഫോമുകളായ ട്വിച്ച് , വീമിയോ എന്നിവയും തടസം നേരിട്ടിരുന്നു.

Also Read : കുഴൽപ്പണ ആരോപണം, കോഴക്കേസ്; അധ്യക്ഷ സ്ഥാനം സുരേന്ദ്രന് നഷ്ടമാകുമോ? പകരക്കാരുടെ സാധ്യത പട്ടികയിൽ ഇ ശ്രീധരനും?

യുകെ സർക്കാർ വെബ്സൈറ്റായ gov.ukയും പ്രതിസിന്ധി നേരിടുന്നുണ്ടെന്നാണ് ബിബിസി റിപ്പോർട്ട് ചെയ്യുന്നത്. ‘Error 503 Service Unavailable” എന്നാണ് സൈറ്റുകൾ തുറക്കുമ്പോൾ വരുന്ന മെസേജ്.

Also Read : ‘വില്ലൻ’ വുഹാൻ ലാബ് തന്നെ? വൈറസ് വന്ന വഴി പറഞ്ഞ് യുഎസ്, കൂടുതൽ അന്വേഷണം വേണമെന്ന് റിപ്പോർട്ട്

യുഎസ് അധിഷ്ഠിത ക്ലൗഡ് കംപ്യൂട്ടിംഗ് സ‌ർവ്വീസായ ഫാസ്റ്റ്ലി നേരിട്ട സാങ്കേതിക പ്രശ്നമാണ് വെബ്സൈറ്റുകൾ നേരിട്ട പ്രതിസന്ധിയ്ക്ക് കാരണമെന്നാണ് റിപ്പോർട്ട്. പ്രശ്നം പരിശോധിക്കുകയാണെന്നും എത്രയും പെട്ടന്ന് തന്നെ പരിഹാരം ഉണ്ടാകുമെന്നും ഫാസ്റ്റ്ലി പ്രതികരിച്ചു.