Sumayya P | Samayam Malayalam | Updated: 09 Jun 2021, 09:41:03 AM
കുതിരകളുടെ പശ്ചാത്തലത്തിലാണ് ഹുസൈന് തന്റെ അവസാന സൃഷ്ടി രൂപകല്‍പ്പന ചെയ്തിരിക്കുന്നത്. അദ്ദേഹത്തിന് മൃഗങ്ങളോടുള്ള സ്‌നേഹവും ഖത്തറിന്റെ കുതിര പൈതൃകവും ഇത് പ്രതിഫലിപ്പിക്കുന്നു.
’റീഡിസ്‌കവറിംഗ് എം എഫ് ഹുസൈന്’- വെബിനാര്‍
പ്രദര്‍ശനത്തോടനുബന്ധിച്ച് ‘റീഡിസ്‌കവറിംഗ് എം എഫ് ഹുസൈന്’ എന്ന പേരില്‍ അന്താരാഷ്ട്ര വെബിനാറും ഖത്തര്‍ ഫൗണ്ടേഷന്‍ സംഘടിപ്പിക്കുന്നുണ്ട്. ഖത്തര്‍ ഫൗണ്ടേഷനിലെ സീനിയര്‍ ആര്‍ട്ട് സ്‌പെഷ്യലിസ്റ്റ് ലൈല ഇബ്രാഹിം ബച്ച, ഹുസൈന്റെ മകനും സിനിമാ സംവിധായകനുമായ മുസ്തഫ ഹുസൈന്, കൊച്ചി ബിനാലെ പ്രസിഡന്റും കലാകാരനും ക്യുറേറ്ററുമായ ബോസ് കൃഷ്ണമാചാരി, ഡയരക്ടര്‍ ദിമിത്രി യുറി തുടങ്ങി പ്രമുഖര്‍ വെബിനാറില്‍ പങ്കെടുക്കും. കവിയും കലാനിരൂപകനുമായ രഞ്ജിത് ഹോസ്‌കോട്ട് വെബിനാറില്‍ മോഡറേറ്ററാവും.
മനുഷ്യ നാഗരികതയുടെ ചരിത്രം പറയുന്ന കലാസൃഷ്ടി
അറബ് മേഖലയുടെ ചരിത്രത്തിലൂടെ മനുഷ്യ നാഗരികതയുടെ പുരോഗതിയെക്കുറിച്ച് ചിത്രീകരിക്കുന്നതാണ് ഹുസൈന് അവസാന കാലത്തെ കലാ സൃഷ്ടികളിലൊന്നായ സീറൂ ഫില്‍ അര്‍ദ് ഇന്‍സ്റ്റലേഷന്‍. യൂറോപ്യന്‍ നവോത്ഥാനത്തിനു മുമ്പും പിമ്പും അറബ് മേഖലയിലുണ്ടായ കണ്ടുപിടിത്തങ്ങളും പുരോഗതികളും പരീക്ഷണങ്ങളുമൊക്കെ ഇത് ചിത്രീകരിക്കുന്നു. അബ്ബാസ് ഇബ്‌നു ഫര്‍നാസിന്റെയും ലിയോനാര്‍ഡോ ഡാവിഞ്ചിയുടെയും സൃഷ്ടികള്‍ താരതമ്യം ചെയ്യുന്ന ഇന്‍സ്റ്റലേഷന്‍, മനുഷ്യ നാഗരിഗതയുടെ വിജയതൃഷ്ണയുടെ പ്രതിഫലനം കൂടിയാണ്. കുതിരകളുടെ പശ്ചാത്തലത്തിലാണ് ഹുസൈന് തന്റെ അവസാന സൃഷ്ടി രൂപകല്‍പ്പന ചെയ്തിരിക്കുന്നത്. അദ്ദേഹത്തിന് മൃഗങ്ങളോടുള്ള സ്‌നേഹവും ഖത്തറിന്റെ കുതിര പൈതൃകവും ഇത് പ്രതിഫലിപ്പിക്കുന്നു.
ഹുസൈന്റെ അപൂര്‍ണ കലാസൃഷ്ടി
2009ല്‍ കമ്മീഷന്‍ ചെയ്ത സീറൂ ഫില്‍ അര്‍ദിന്റെ ഒരു ഭാഗം മാത്രമേ 2011ല്‍ 95ാം വയസ്സില്‍ വിടപറയുന്നന്നതിനു മുമ്പ് ഹുസൈന് പൂര്‍ത്തിയാക്കാന്‍ സാധിച്ചിരുന്നുള്ളൂ. തുടര്‍ന്ന് ഖത്തര്‍ ഫൗണ്ടേഷനാണ് ഇത് പൂര്‍ത്തിയാക്കിയത്. ഖത്തര്‍ ഫൗണ്ടേഷന്‍ അധ്യക്ഷ ശെയ്ഖ മൗസയുടെ നേതൃത്വത്തിലായിരുന്നു ഇത്. ഹുസൈന് വിഭാവന ചെയ്തിരുന്ന മുഴുവന്‍ ആശയങ്ങളും ഉള്‍ക്കൊള്ളിച്ചാണ് സൃഷ്ടി പൂര്‍ത്തിയാക്കിയതെന്ന് അധികൃതര്‍ പറഞ്ഞു. ഖത്തര്‍ ഫൗണ്ടേഷനിലെ എജുക്കേഷന്‍ സിറ്റിക്കകത്തെ അല്‍ ശഖാബ് ഇക്വസ്ട്രിയന്‍ സെന്ററിനു സമീപത്തുള്ള കെട്ടിടത്തിലാണ് ഇന്‍സ്റ്റലേഷന്‍ സ്ഥാപിച്ചിരിക്കുന്നത്. ഇതിന്റെ പശ്ചാത്തലത്തില്‍ തയ്യാറാക്കിയ ഡോക്യുമെന്ററി ലോകത്തെ വിവിധ ചലചിത്ര മേളകളില്‍ നിരവധി അവാര്‍ഡുകള്‍ നേടിയിരുന്നു. ഹുസൈന്റെ മരുമകള്‍ നജ്മ ഹുസൈന്, ഖത്തരി കലാകാരന്‍ യു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar foundation documentary to celebrate inspirational artist mf husain
Malayalam News from malayalam.samayam.com, TIL Network