മൂന്ന് ദിവസത്തെ സന്ദര്‍ശനത്തിനായി ഇന്ത്യന്‍ വിദേശകാര്യ മന്ത്രി ഇന്ന് കുവൈറ്റിലെത്തും

കുവൈറ്റ് സിറ്റി: ഇന്ത്യന്‍ വിദേശകാര്യ വകുപ്പ് മന്ത്രി എസ് ജയശങ്കര്‍ ഇന്ന് കുവൈറ്റ് സന്ദര്‍ശനം തുടങ്ങും. ജൂണ്‍ ഒന്‍പത് മുതല്‍ 11 വരെ നീളുന്ന സന്ദര്‍ശനത്തിനായാണ് വിദേശകാര്യ മന്ത്രി ഇവിടെ എത്തുന്നത്. എസ് ജയ്ശങ്കറിന്റെ കുവൈത്തിലേക്കുള്ള ആദ്യ ഔദ്യോഗിക സന്ദര്‍ശനമാണിത്. കുവൈറ്റ് വിദേശകാര്യ വകുപ്പ് മന്ത്രി ശെയ്ഖ് അഹമ്മദ് നാസര്‍ അല്‍ മുഹമ്മദ് അല്‍ സബാഹിന്റെ ക്ഷണം സ്വീകരിച്ചാണ് അദ്ദേഹം ഇവിടെ എത്തുന്നത്.സന്ദര്‍ശന വേളയില്‍ പ്രധാനമന്ത്രി നരേന്ദ്ര മേഡിയുടെ കത്ത് കുവൈറ്റ് അമീര്‍ ശെയ്ഖ് നവാഫ് അല്‍ അഹ്മദ് അല്‍ ജാബിര്‍ അല്‍ സബാഹിന് മന്ത്രി കൈമാറും. മൂന്ന് ദിവസം നീളുന്ന സന്ദര്‍ശനത്തിനിടയില്‍ കുവൈറ്റ് വിദേശകാര്യ വകുപ്പ് മന്ത്രിയുമായും മറ്റ് മുതിര്‍ന്ന ഭരണാധികാരികളുമായും ചര്‍ച്ചകള്‍ നടത്തും. കുവൈറ്റിലെ ഇന്ത്യന്‍ സമൂഹത്തെ അദ്ദേഹം അഭിസംബോധന ചെയ്യുകയും ചെയ്യും. കൊവിഡ് പ്രതിസന്ധി ഘട്ടത്തില്‍ കുവൈത്ത് ഇന്ത്യയ്ക്ക് നല്‍കിയ സഹായങ്ങള്‍ക്ക് നന്ദി പ്രകാശിപ്പിക്കാനും അദ്ദേഹം ഈ സന്ദര്‍ശനം ഉപയോഗപ്പെടുത്തും.

Also Read: ഒ​മാ​നി​ൽ മൊ​ബൈ​ൽ ഉ​പ​ഭോ​ക്​​താ​ക്ക​ളു​ടെ എ​ണ്ണ​ത്തി​ൽ 3.3ശ​ത​മാ​ന​ത്തിന്‍റെ കു​റ​വ്
ഇന്ത്യ-കുവൈത്ത് നയതന്ത്ര ബന്ധത്തിന്റെ 60ാം വാര്‍ഷികത്തോട് അനുബന്ധിച്ചാണ് സന്ദര്‍ശനം എന്ന പ്രത്യേകതയുമുണ്ട്. 10 ലക്ഷത്തിലേറെ ഇന്ത്യന്‍ പ്രവാസികള്‍ കുവൈറ്റിലുണ്ടെന്നാണ് കണക്ക്. കുവൈറ്റാവട്ടെ, ഇന്ത്യയിലേക്ക് എണ്ണ കയറ്റുമതി ചെയ്യുന്നതില്‍ മുന്‍പന്തിയിലുള്ള രാജ്യങ്ങളിലൊന്നുമാണ്. ഇരു രാജ്യങ്ങളും തമ്മില്‍ തുടരുന്ന ശക്തമായ ബന്ധം അരക്കിട്ടുറപ്പിക്കാന്‍ ഇന്ത്യന്‍ വിദേശകാര്യമന്ത്രിയുടെ സന്ദര്‍ശനം സഹായകമാവുമെന്നാണ് വിലയിരുത്തപ്പെടുന്നത്.

പെട്രോള്‍ വിലയില്‍ ഇനി പേടിയില്ല; ടിന്‍സിന് ചുക്കുടു വണ്ടിയുണ്ട്‌

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

Web Title : s jaishankar to visit kuwait today
Malayalam News from malayalam.samayam.com, TIL Network