ആരോഗ്യകരമായ ഭക്ഷണശീലത്തിന് ഈ 6 കാര്യങ്ങൾ ഒഴിവാക്കാം

ഭക്ഷണം കഴിച്ച ഉടനെ ഉറങ്ങുകയോ കുളിക്കുകയോ വ്യായാമം ചെയ്യുകയോ അമിതമായി വെള്ളം കുടിക്കുകയോ ചെയ്യരുത്. ആരോഗ്യകരമായ ഭക്ഷണക്രമം പിന്തുടരാൻ ഒരാൾ പാലിക്കേണ്ട ഏറ്റവും അടിസ്ഥാന മാർഗ്ഗനിർദ്ദേശങ്ങളാണ് ഇവ. എന്നാൽ തികഞ്ഞ ഡയറ്റ് പ്ലാനിനായുള്ള തിരച്ചിലിനിടയിൽ നമ്മൾ ഈ ശീലങ്ങളിൽ ശ്രദ്ധ ചെലുത്താൻ പലപ്പോഴും മറക്കുന്നു. മാത്രമല്ല, നല്ലതിനേക്കാൾ കൂടുതൽ ദോഷം ചെയ്യുന്നതിന് അത് വഴിവയ്ക്കുകയും ചെയ്യുന്നു.

അതുകൊണ്ട്, നിങ്ങളുടെ ഭക്ഷണക്രമത്തിൽ ആരോഗ്യകരമായ ചില മാറ്റങ്ങൾ വരുത്താൻ നിങ്ങൾ തയ്യാറാണോ? ഉണ്ടെങ്കിൽ, ആയുർവേദമാണ് അതിനുള്ള ഏറ്റവും നല്ല ഉത്തരം. ആ അധിക ഭാരം കുറയ്ക്കാൻ നിങ്ങൾ ആഗ്രഹിക്കുന്നുണ്ടോ അല്ലെങ്കിൽ ആരോഗ്യകരമായ ഒരു ജീവിതരീതി സ്വീകരിക്കാൻ ആഗ്രഹിക്കുന്നുണ്ടോ, എങ്കിൽ ഈ പുരാതന വൈദ്യശാസ്ത്ര രീതി അതിന് നിങ്ങളെ വലിയ തോതിൽ സഹായിക്കും.

ആയുർ‌വേദം അനുസരിച്ച് നിങ്ങൾ‌ ഒഴിവാക്കേണ്ട ഭക്ഷണ ശീലങ്ങൾ അറിഞ്ഞിരിക്കാം.

1. തണുത്ത വെള്ളം കുടിക്കുന്നത്

നിങ്ങളുടെ ദാഹം ശമിപ്പിക്കാൻ തണുത്ത വെള്ളം കുടിക്കാൻ നിങ്ങൾ ആഗ്രഹിക്കുന്നുണ്ടോ? നമ്മളിൽ മിക്കവരും ഇത് ഇഷ്ടപ്പെടുന്നു. എന്നാൽ ഭക്ഷണത്തിനിടയിലോ ഭക്ഷണം കഴിച്ച് ഉടനടിയോ തണുത്ത വെള്ളം കുടിക്കുന്നത് അനാവശ്യ കൊഴുപ്പുകൾ ഇല്ലാതാക്കാനുള്ള നിങ്ങളുടെ ശരീരത്തിന്റെ കഴിവിനെ തടസ്സപ്പെടുത്തുകയും ദഹനത്തെ പ്രതികൂലമായി ബാധിക്കുകയും ചെയ്യും. ആയുർവേദം അനുസരിച്ച്, ഭക്ഷണത്തിന് ശേഷം ഒരു കവിൾ വെള്ളം മാത്രം കുടിക്കുക, പക്ഷേ അതിന്റെ താപനില സാധാരണമായിരിക്കണം. അതിലൂടെ ഇത് ശരീരത്തിലെ എല്ലാ അവയവങ്ങളിലും എത്തുന്നു.
സിങ്ക് അടങ്ങിയ ഈ ഭക്ഷണങ്ങൾ പ്രതിരോധശേഷി കൂട്ടാൻ മികച്ചത്!
2. ആവശ്യത്തിന് കൊഴുപ്പ് ഇല്ലാത്തത്

മിക്ക ഡയറ്റ് പ്ലാനുകളും കൊഴുപ്പ് ഒഴിവാക്കാൻ നിങ്ങളോട് ആവശ്യപ്പെടുന്നു. എന്നാൽ, കൊഴുപ്പ് ഒരിക്കലും ഒരു പ്രശ്നമല്ല. വാസ്തവത്തിൽ, ആയുർവേദം അനുസരിച്ച്, ശരീരം ശരിയായി പ്രവർത്തിക്കാനും ശരീരഭാരം കുറയ്ക്കാനും നമ്മുടെ ശരീരത്തിന് ആരോഗ്യകരമായ ചില കൊഴുപ്പുകൾ ആവശ്യമാണ്.

3. നിന്നുകൊണ്ട് ഭക്ഷണം കഴിക്കുന്ന ശീലം

നിങ്ങൾ നിന്നുകൊണ്ട് ഭക്ഷണം കഴിക്കുമ്പോൾ, അമിതമായി ഭക്ഷണം കഴിക്കാനുള്ള സാധ്യത കൂടുതലാണ്. എന്തിനധികം, ഇത് നിങ്ങളുടെ വിശപ്പ് വർദ്ധിപ്പിക്കുകയും, ഒപ്പം വായുകോപം ഉണ്ടാക്കുകയും ചെയ്യും. ആയുർവേദം അനുസരിച്ച്, നിങ്ങൾ കഴിക്കുമ്പോൾ ഉള്ള ശരീരഭാവം ദഹന പ്രക്രിയയിൽ നിർണായക പങ്ക് വഹിക്കുന്നു. അതിനാൽ ശരിയായ നിലപാട് നിലനിർത്തേണ്ടത് അത്യാവശ്യമാണ്, അതിനാലാണ് നിങ്ങൾ ഒരിക്കലും നിന്നുകൊണ്ട് വെള്ളം കുടിക്കുകയോ ഭക്ഷണം കഴിക്കുകയോ ചെയ്യരുത് എന്ന് പറയുന്നത്.

4. വളരെ വേഗത്തിൽ കഴിക്കുന്നത്

വളരെ വേഗത്തിൽ കഴിക്കുന്നത് ശരീരഭാരം കൂട്ടാനുള്ള സാധ്യത വർദ്ധിപ്പിക്കുക മാത്രമല്ല, ഇൻസുലിൻ പ്രതിരോധം ഉൾപ്പെടെയുള്ള മറ്റ് ആരോഗ്യ പ്രശ്നങ്ങളുമായിട്ടും ബന്ധപ്പെട്ടിരിക്കുന്നു. ആയുർവേദം അനുസരിച്ച്, നിങ്ങൾ ഭക്ഷണം ശരിയായി ചവയ്ക്കുമ്പോൾ അത് ചെറിയ കഷണങ്ങളായി വിഘടിച്ച് പോഷകങ്ങൾ ആഗിരണം ചെയ്യുന്നത് നിങ്ങളുടെ ശരീരത്തിന് കൂടുതൽ എളുപ്പമാക്കുന്നു. അതിനാൽ, പയ്യെ തിന്നാൽ പനയും തിന്നാം എന്ന പഴഞ്ചൊല്ല് പ്രാവർത്തികമാക്കുക.
മുറിവുകൾ വേഗം സുഖപ്പെടുത്താം ഈ ഭക്ഷണശീലങ്ങളിലൂടെ
5. ചില ഭക്ഷണങ്ങൾ ഒരുമിച്ച് കഴിക്കുന്നത്

ചിലതരം ഭക്ഷണങ്ങൾ സംയോജിപ്പിച്ച് കഴിക്കുന്നത് ശരീരത്തിന്റെ പിത്തത്തെയും കഫത്തെയും തടസ്സപ്പെടുത്തുന്നു, ഇത് നിങ്ങളുടെ വയറിനെ കൂടുതൽ അസ്വസ്ഥമാക്കും. തെറ്റായ ഭക്ഷണങ്ങൾ ഒരുമിച്ച് കഴിക്കുന്നത് ഒഴിവാക്കി നിങ്ങൾ ജാഗ്രത പാലിക്കണമെന്ന് ആയുർവേദം പറയുന്നു. അല്ലാത്തപക്ഷം നിങ്ങൾക്ക് ദഹനക്കേട്, വായുകോപം എന്നിവ നേരിടേണ്ടിവരും. ചില തെറ്റായ ഭക്ഷണ ശീലങ്ങളിൽ നെയ്യും തേനും, വാഴപ്പഴത്തിനും പാലിനുമൊപ്പം തണ്ണിമത്തൻ എന്നിവ ഉൾപ്പെടുന്നു.

6. മിതമായി കഴിക്കാതിരിക്കുന്നത്

നിങ്ങൾ പതിവായി വ്യായാമം ചെയ്യുന്നുണ്ടെങ്കിലും മിതമായി കഴിക്കാതെ അമിത ഭക്ഷണം കഴിക്കുന്നത് ശരീരഭാരം വർദ്ധിപ്പിക്കും. ആയുർവേദം അനുസരിച്ച്, അമിതമായി ഭക്ഷണം കഴിക്കുന്നത് നിങ്ങളുടെ ശരീരത്തിലെ വിഷവസ്തുക്കളെ വർദ്ധിപ്പിക്കും, മാത്രമല്ല അത് നിങ്ങളെ അസ്വസ്ഥരാക്കുകയും ചെയ്യും.

അതിനാൽ ഇത്തരം അനാരോഗ്യ ശീലങ്ങൾ ഒഴിവാക്കിയാൽ നിനങ്ങൾക്കും ആരോഗ്യത്തോടെ തുടരാം.