കഴിഞ്ഞ ദിവസം ചാനൽ ചർച്ചയ്ക്കിടെ ലക്ഷദ്വീപ് അഡ്മിനിസ്ട്രേറ്റർ പ്രഫുൽ കെ പട്ടേലിനെ ജൈവായുധം എന്നു വിശേഷിപ്പിച്ച സംഭവത്തിലാണ് നടപടി. ലക്ഷദ്വീപ് ബിജെപി പ്രസിഡന്റാണ് പരാതിക്കാരൻ.
ഐഷ സുൽത്താന |Facebook
ഹൈലൈറ്റ്:
- അഡ്മിനിസ്ട്രേറ്റർക്കെതിരെയുള്ള പരാമർശമാണ് കേസിനാധാരം
- ബിജെപിയാണ് പരാതി നൽകിയത്
- കവരത്തി സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്
കൊച്ചി: ലക്ഷദ്വീപ് അഡ്മിനിസ്ട്രേറ്ററുടെ ഭരണ പരിഷ്കാരങ്ങൾക്കെതിരെയുള്ള ജനവികാരം ലോകത്തെ അറിയിച്ച സിനിമാ പ്രവർത്തക ഐഷ സുൽത്താനയ്ക്കെതിരെ കേസ്. ബിജെപി ലക്ഷദ്വീപ് പ്രസിഡന്റിന്റെ പരാതിയെത്തുടർന്നാണ് നടപടി. കവരത്തി പോലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്.
കഴിഞ്ഞ ദിവസം ചാനൽ ചർച്ചയ്ക്കിടെ ലക്ഷദ്വീപ് അഡ്മിനിസ്ട്രേറ്റർ പ്രഫുൽ കെ പട്ടേലിനെ ജൈവായുധം എന്നു വിശേഷിപ്പിച്ച സംഭവത്തിലാണ് നടപടി. ചൈന ലോകത്തിനെതിരെ കൊറോണ വൈറസ് എന്ന ജൈവായുധം പ്രയോഗിച്ചപ്പോൾ കേന്ദ്രസർക്കാർ ലക്ഷദ്വീപിനെതിരെ പ്രഫുൽ കെ പട്ടേൽ എന്ന ജൈവായുധം പ്രയോഗിച്ചുവെന്നായിരുന്നു പരാമർശം.
താൻ പ്രഫുൽ കെ പട്ടേലിനെ ഉദ്ദേശിച്ചാണ് പരാമർശം നടത്തിയതെന്നും രാജ്യത്തെയോ സർക്കാരിനെയോ ഉദ്ദേശിച്ചിട്ടില്ലെന്നും ഐഷ പറഞ്ഞു. പ്രഫുൽ കെ പട്ടേൽ വന്നതിനു ശേഷമാണ് ലക്ഷദ്വീപിൽ കൊവിഡ് പടർന്നതെന്നും ഈ സാഹചര്യത്തിലാണ് പ്രഫുൽ കെ പട്ടേലിനെ ജൈവായുധം എന്ന് വിശേഷിപ്പിച്ചതെന്നും ഐഷ ഫേസ്ബുക്ക് പോസ്റ്റിൽ പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kavaratti police registered case against aisha sultana
Malayalam News from malayalam.samayam.com, TIL Network