കൊല്ലത്ത് പിപിഇ കിറ്റ് ധരിച്ചെത്തി ബൈക്ക് മോഷ്‌ടിച്ചു; സ്‌റ്റാർട്ട് ചെയ്യാൻ കഴിയാതെ വന്നതോടെ വാഹനം ഉപേക്ഷിച്ച് രക്ഷപ്പെട്ടു

കൊല്ലം: പിപിഇ കിറ്റ് ധരിച്ചെത്തിയ മോഷ്‌ടാക്കൾ ബൈക്ക് മോഷ്‌ടിച്ചു. കൊല്ലം ചിതറയിൽ വെള്ളിയാഴ്‌ച പുലർച്ചെയാണ് മോഷണം നടന്നത്. വീടിൻ്റെ പോർച്ചിൽ നിന്നും സാഹസികമായ രീതിയിൽ ബൈക്ക് പുറത്തിറക്കാൻ കഴിഞ്ഞെങ്കിലും സ്‌റ്റാർട്ടാക്കാൻ കഴിയാതെ വന്നതോടെ പ്രതികൾ ബൈക്ക് വഴിയിൽ ഉപേക്ഷിച്ച് രക്ഷപ്പെട്ടു.

ടിക് ടോക് താരം വിഘ്നേഷ് പീഡനക്കേസിൽ അറസ്റ്റിൽ; പ്രായപൂര്‍ത്തിയാകാത്ത പെൺകുട്ടിയെ ഗ‍ര്‍ഭിണിയാക്കിയെന്ന് കേസ്
സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. പിപിഇ കിറ്റ് ധരിച്ചിരുന്നതിനാൽ പ്രതികളുടെ മുഖം സിസിടിവിയിൽ പതിഞ്ഞിട്ടില്ല. സ്ഥലത്തെത്തി പരിശോധന നടത്തിയ ചിതറ പോലീസ് സമീപത്തെ വീട്ടിൽ നിന്നുള്ള ദൃശ്യങ്ങൾ പോലീസ് ശേഖരിച്ചു.

ചിതറ കിഴക്കും ഭാഗം ബൗണ്ടർമുക്കിൽ സുധീറിൻ്റെ ബൈക്കാണ് പുലർച്ചെ മൂന്ന് മണിയോടെ കടത്തിക്കൊണ്ട് പോകാൻ ശ്രമിച്ചത്. സുഹൃത്തിൻ്റെ വീട്ടിലാണ് ബൈക്ക് സൂക്ഷിച്ചിരുന്നത്. വീടിൻ്റെ ഗേറ്റ് തകർത്ത് ബൈക്ക് വഴിയിൽ ഇറക്കിയെങ്കിലും സ്‌റ്റാർട്ട് ചെയ്യാൻ കഴിയാതെ വന്നു. ഇതോടെ വീടിൻ്റെ 200 മീറ്റർ അകലെയുള്ള ആളൊഴിഞ്ഞ സ്ഥലത്ത് ബൈക്ക് ഉപേക്ഷിച്ച് പ്രതികൾ രക്ഷപ്പെട്ടു. രാവിലെ ബൈക്ക് കാണാതായതോടെ നടത്തിയ പരിശോധനയിലാണ് മോഷണ വിവരം വ്യക്തമായത്.

10വയസുകാരിയെ പീഡിപ്പിച്ച് ദൃശ്യങ്ങള്‍ പകര്‍ത്തി; 7 പ്രതികൾക്ക് പ്രായം 15 വയസിൽ താഴെ
വീടിന് അകലെ നിന്നും ബൈക്ക് കണ്ടെത്തിയെങ്കിലും പോലീസിൽ പരാതി നൽകുകയായിരുന്നു. സമീപത്തെ വീട്ടിൽ നിന്നുള്ള സിസിടിവി ദൃശ്യങ്ങളിൽ നിന്ന് പ്രതികളെ തിരിച്ചറിയാൻ കഴിയാത്തതിനാൽ റോഡിനോട് ചേർന്നുള്ള കൂടുതൽ സിസിടിവി ദൃശ്യങ്ങൾ പരിശോധിക്കാനാണ് പോലീസിൻ്റെ തീരുമാനം. പ്രദേശവാസികളയവർ തന്നെയാണ് മോഷണ ശ്രമത്തിന് പിന്നിലെന്നാണ് റിപ്പോർട്ട്.