പ്രഭാതഭക്ഷണം ഒരിക്കലും മുടക്കരുത്, കാരണം

രാജാവിനെപ്പോലെ പ്രഭാതഭക്ഷണം; ഒരു രാജകുമാരനെപ്പോലെ ഉച്ചഭക്ഷണം; ഒരു ദരിദ്രനെ പോലെ അത്താഴം – എന്നാണ് ഭക്ഷണം കഴിക്കുന്നതിനെ പറ്റി പറയാറുള്ളത്. ഭാരം കുറയ്ക്കാൻ ശ്രമിക്കുമ്പോൾ മിക്ക ആളുകളും പ്രഭാതഭക്ഷണം ഒഴിവാക്കി കലോറി കുറയ്ക്കാൻ ശ്രമിക്കുന്നു. എന്നാൽ ഈ രീതി ശരീരഭാരം കുറയ്ക്കുന്നതിനുള്ള പ്രക്രിയയെ വേഗത്തിലാക്കില്ല, പകരം നിങ്ങളുടെ പുരോഗതി തടയുന്നു. അധികഭാരം കുറയ്ക്കുവാൻ ശ്രമിക്കുമ്പോൾ നിങ്ങളുടെ പ്രഭാതഭക്ഷണം ഒഴിവാക്കാതിരിക്കാനുള്ള ചില കാരണങ്ങൾ ഇതാ.

ഇത് നിങ്ങളുടെ മെറ്റബോളിസത്തിന് തുടക്കമിടുന്നു

നിങ്ങൾ രാവിലെ ഉണരുമ്പോൾ, രാത്രി മുഴുവൻ നീണ്ടുനിൽക്കുന്ന ഉപവാസം കാരണം നിങ്ങളുടെ മെറ്റബോളിസം മന്ദഗതിയിലാകുന്നു. ഇത് കൊഴുപ്പ് എരിച്ച് കളയുന്ന പ്രക്രിയയെ മന്ദഗതിയിലാക്കുന്നു. അതിനാൽ, എഴുന്നേറ്റ് ഒരു മണിക്കൂറിനുള്ളിൽ എന്തെങ്കിലും ഭക്ഷണം കഴിക്കുക എന്നത് നിർണായകമാണ്. ആരോഗ്യകരവും പോഷകസമൃദ്ധവുമായ ഭക്ഷണം ഒരു പ്ലേറ്റ് കഴിക്കുന്നത് നിങ്ങളുടെ മെറ്റബോളിസം വർദ്ധിപ്പിക്കാനും ദിവസം മുഴുവൻ കലോറി കത്തിക്കാനും സഹായിക്കും. മുട്ട, സ്മൂത്തി, ഓട്സ്, പഴങ്ങൾ, ഉപ്പുമാവ്, ഇഡ്ലി എന്നിവ ആരോഗ്യകരമായ പ്രഭാതഭക്ഷണങ്ങളാണ്.

ഇത് രാത്രി സമയത്തെ ഭക്ഷണത്തോടുള്ള ആസക്തി കുറയ്ക്കുന്നു

പോഷകസമൃദ്ധവും ആരോഗ്യകരവും ഫൈബർ അടങ്ങിയതുമായ പ്രഭാതഭക്ഷണം കഴിക്കുന്നത് രാത്രികാലത്ത് ഭക്ഷണത്തോട് ഉണ്ടാവുന്ന അനാവശ്യ ആസക്തിക്കുള്ള സാധ്യത കുറയ്ക്കുമെന്ന് പഠനങ്ങൾ സൂചിപ്പിക്കുന്നു. രാവിലെ ആവശ്യത്തിന് ഭക്ഷണം കഴിക്കാത്തവർ പിന്നീടുള്ള സമയത്ത് കാർബോഹൈഡ്രേറ്റുകൾ കൊതിക്കുന്നു. കാർബോഹൈഡ്രേറ്റുകൾ കൂടുതലുള്ള ഒരു പ്രഭാതഭക്ഷണം നിങ്ങളുടെ രക്തത്തിലെ പഞ്ചസാരയുടെ അളവ് നിയന്ത്രിക്കാനും പിന്നീട് ഭക്ഷണത്തോടുള്ള അമിത ആസക്തി ഒഴിവാക്കാനും സഹായിക്കുന്നു. രാവിലെ കാർബോഹൈഡ്രേറ്റ് ഒഴിവാക്കുന്ന ആളുകൾ മിക്കവാറും വൈകുന്നേരങ്ങളിൽ അത് അമിതമായി കഴിക്കുന്നു.
അത്താഴം നേരത്തെ കഴിക്കണമെന്ന് പറയുന്നത് വെറുതെയല്ല!
വയർ നിറഞ്ഞിരിക്കാൻ

രാവിലെ ഫൈബർ അടങ്ങിയ പ്രഭാതഭക്ഷണം കഴിക്കുന്നത് ഉച്ചതിരിഞ്ഞ് നിങ്ങളുടെ അടുത്ത ഭക്ഷണം കഴിക്കുന്നത് വരെ നിങ്ങളുടെ വയർ നിറച്ച് പൂർണ്ണമായി നിലനിർത്തുന്നു. ഇത് അനാരോഗ്യകരവും പഞ്ചസാരയുള്ളതുമായ ഭക്ഷ്യവസ്തുക്കളോടുള്ള ആസക്തി കുറയ്ക്കുന്നു. നിങ്ങളുടെ ശരീരഭാരം കുറയ്ക്കുന്നതിനുള്ള പദ്ധതി അട്ടിമറിക്കാൻ കഴിയുന്ന ഒരു പ്രധാന കുറ്റവാളിയാണ് അനാരോഗ്യകരമായ ഭക്ഷണ ശീലം. നിങ്ങൾ പ്രഭാതഭക്ഷണം ഒഴിവാക്കുമ്പോൾ, നിങ്ങളുടെ ഭക്ഷണത്തോടുള്ള ആസക്തി പകൽ സമയത്ത് വർദ്ധിക്കാനുള്ള സാധ്യത വർദ്ധിക്കുന്നു. ഇത് നിങ്ങളുടെ ശരീരഭാരം കുറയ്ക്കാനുള്ള എല്ലാ ശ്രമങ്ങളെയും എളുപ്പത്തിൽ നശിപ്പിക്കും.

ഇത് നിങ്ങൾക്ക് അധിക പ്രോട്ടീൻ നൽകുന്നു

രാവിലെ പ്രഭാതഭക്ഷണം ഒഴിവാക്കുന്നത് പ്രോട്ടീൻ ഉൾപ്പെടെയുള്ള അവശ്യ പോഷകങ്ങൾ നിങ്ങൾ നഷ്‌ടപ്പെടുത്തുന്നു എന്നതാണ് വ്യക്തമാക്കുന്നത്. നിങ്ങൾ വളരെക്കാലമായി അധികഭാരം കുറയ്ക്കാൻ ശ്രമിക്കുകയാണെങ്കിൽ, ആവശ്യത്തിന് പ്രോട്ടീൻ കഴിക്കുന്നത് എത്ര പ്രധാനമാണെന്ന് നിങ്ങൾ അറിഞ്ഞിരിക്കണം. കേടുവന്ന കോശങ്ങൾ നന്നാക്കാനും പേശികളുടെ വളർച്ചയ്ക്കും സഹായിക്കുന്ന ജീവിതത്തിന്റെ നിർമാണ ഘടകമാണ് ഇത്. പ്രഭാതഭക്ഷണം നിങ്ങൾക്ക് പ്രോട്ടീന്റെ അധിക മൂല്യം നൽകുന്നു.