അയ്യപ്പന് ഒരു വോട്ട് എന്ന് അച്ചടിച്ച സ്ലിപ്പ് മണ്ഡലത്തിൽ വിതരണം ചെയ്തുവെന്നാണ് ആരോപണം. കെ ബാബുവിന്റെ വിജയം അസാധുവായി പ്രഖ്യാപിക്കണമെന്നും തന്നെ വിജയിയായി പ്രഖ്യാപിക്കണമെന്നും സ്വരാജ് ആവശ്യപ്പെട്ടു.
എം സ്വരാജ്, കെ ബാബു |Facebook
ഹൈലൈറ്റ്:
- ബാബു അയ്യപ്പന്റെ പേര് പറഞ്ഞ് വോട്ടു പിടിച്ചെന്നാണ് ആരോപണം
- ബാബുവിന്റെ വിജയം റദ്ദാക്കണമെന്ന് ആവശ്യം
- അയ്യപ്പനും സ്വരാജും തമ്മിലാണ് മത്സരമെന്ന് പ്രചരിപ്പിച്ചു
കൊച്ചി: തൃപ്പൂണിത്തുറയിൽ കെ ബാബുവിന്റെ വിജയം അസാധുവാക്കണമെന്ന് ആവശ്യപ്പെട്ട് എം സ്വരാജ് ഹൈക്കോടതിയിൽ. ബാബു ശബരിമല അയ്യപ്പന്റെ പേരു പറഞ്ഞ് വോട്ടു പിടിച്ചെന്നാണ് സ്വരാജ് ഹർജിയിൽ ആരോപിക്കുന്നത്.
അയ്യപ്പന് ഒരു വോട്ട് എന്ന് അച്ചടിച്ച സ്ലിപ്പ് മണ്ഡലത്തിൽ വിതരണം ചെയ്തുവെന്നാണ് ആരോപണം. സ്ലിപ്പിൽ ശബരിമല അയ്യപ്പന്റെ ചിത്രവും കെ ബാബുവിന്റെ പേരും കൈപ്പത്തി ചിഹ്നവും ഉണ്ടായിരുന്നു. ശബരിമല അയ്യപ്പനും സ്വരാജും തമ്മിലാണ് മത്സരമെന്ന് ബാബു പ്രചരണം നടത്തി. സ്വരാജ് ജയിച്ചാൽ അയ്യപ്പന്റെ തോൽവിയാണെന്ന് ബാബു പ്രചരിപ്പിച്ചെന്നും ചുവരെഴുത്തിൽ അയ്യപ്പന്റെ പേര് ഉപയോഗിച്ചെന്നും സ്വരാജ് ഹർജിയിൽ പറയുന്നു.
അയ്യനെ കെട്ടിക്കാൻ വന്നവനെ അയ്യന്റെ നാട്ടിൽ നിന്നും കെട്ടുകെട്ടിക്കണമെന്ന് ചുവരെഴുത്ത് നടത്തി വോട്ട് പിടിച്ചു. 992 വോട്ടുകൾ ഭൂരിപക്ഷം ലഭിച്ചത് തെരഞ്ഞെടുപ്പ് അഴിമതി നടത്തിയാണെന്നും സ്വരാജ് ആരോപിച്ചു.
കെ ബാബുവിന്റെ വിജയം അസാധുവായി പ്രഖ്യാപിക്കണമെന്നും തന്നെ വിജയിയായി പ്രഖ്യാപിക്കണമെന്നും സ്വരാജ് ആവശ്യപ്പെട്ടു. അഡ്വ കെഎസ് അരുൺ കുമാർ, പികെ വർഗീസ് എന്നിവരാണ് സ്വരാജിനായി ഹർജി കോടതിയിൽ സമർപ്പിച്ചത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : m swaraj approached kerala high court seeking annulment of k babu s victory
Malayalam News from malayalam.samayam.com, TIL Network