മുടി നരയ്ക്കുന്നത് പലരേയും അലട്ടുന്ന പ്രശ്‌നമാണ്. ഇതിന് പരിഹാരമായി വീട്ടില്‍ തന്നെ തയ്യാറക്കാവുന്ന ഹെയര്‍ ഡൈ ഉണ്ട്. ഇതിന് മുഖ്യ ചേരുവയായി ഉപയോഗിയ്ക്കുന്നത് കരിഞ്ചീരകമാണ്.
മുടി സംരക്ഷണത്തിന്
ഇതിനായി വേണ്ട പ്രധാന ചേരുവ കരിഞ്ചീരകമാണ്. മുടി സംരക്ഷണത്തിന് ഏറെ നല്ലതാണ് ഇത്.കരിഞ്ചീരകം എന്ന ചെറിയ വിത്ത് ആരോഗ്യ ഗുണങ്ങളാല്‍ കേമനാണ്. ഇതു പോലെ തന്നെ ഇത് ചര്‍മ, മുടി സംരണത്തിനും ഏറെ മികച്ചതാണ്. കരിഞ്ചീരക എണ്ണ മുടിയില്‍ പുരട്ടുന്നത് മുടി നല്ല ഉള്ളോടെ, ആരോഗ്യത്തോടെ വളരാന്‍ സഹായിക്കുന്നു.കരിഞ്ചീരകം പ്രകൃതിദത്ത മോയ്‌സ്ചുറൈസറായി പ്രവർത്തിക്കുകയും തലയോട്ടിയിലെ വരൾച്ച കുറയ്ക്കുകയും അതിനാൽ മുടി കൊഴിച്ചിൽ തടയുകയും ചെയ്യുന്നു.
നെല്ലിക്കാപ്പൊടി
നെല്ലിക്കാപ്പൊടിയും മുടിയുടെ വളര്‍ച്ചയ്ക്ക് ഏറെ നല്ലതാണ്. ഇത് പ്രകൃതിദത്ത കണ്ടീഷനറായി പ്രവർത്തിക്കുകയും കട്ടിയുള്ളതും ശക്തവുമായ മുടി നൽകുകയും ചെയ്യും. ഒരു നെല്ലിക്കയിൽ 81.2 ശതമാനം ഈർപ്പം അടങ്ങിയിരിക്കുന്നു. ശിരോചർമ്മത്തിലേക്കുള്ള രക്തചംക്രമണം വർദ്ധിപ്പിക്കുന്നതിലൂടെ ഇതിൽ അടങ്ങിയിരിക്കുന്ന പോഷകങ്ങൾ മുടിയുടെ വളർച്ചയെ ഉത്തേജിപ്പിക്കും. രോമകൂപങ്ങളുടെ മൃതകോശങ്ങളെ പുതിയ കോശങ്ങൾ ഉപയോഗിച്ച് മാറ്റിസ്ഥാപിക്കാൻ സഹായിക്കുന്ന കൊളാജൻ എന്ന പ്രോട്ടീൻ ഉത്പാദിപ്പിക്കാൻ നെല്ലിക്കയിൽ അടങ്ങിയിട്ടുള്ള വിറ്റാമിൻ സി സഹായിക്കുന്നു. വിറ്റാമിൻ സി ഉള്ളത് കൊണ്ടുതന്നെ, നെല്ലിക്ക നീര് പുരട്ടുന്നത് തലയിലെ വരൾച്ചയെ സുഖപ്പെടുത്തുകയും താരൻ അടിഞ്ഞുകൂടുന്നത് തടയുകയും ചെയ്യും. ഇതിനുപുറമെ, താരനും അത് മൂലമുണ്ടാകുന്ന ചൊറിച്ചിലും ഒഴിവാക്കുന്ന ആൻറി ബാക്ടീരിയൽ ഗുണങ്ങളും ഇതിൽ ഉണ്ട്.
ഹെന്ന, നെല്ലിക്കാ പൊടി
ഇതില്‍ ഒരു ടീസ്പൂണ്‍ ഹെന്ന, നെല്ലിക്കാ പൊടി എന്നിവയും ചേര്‍ക്കും. മുടിയുണ്ട് വിവിധ പ്രശ്നങ്ങൾ പരിഹരിക്കാൻ പല രീതികളിൽ ഹെന്ന ഉപയോഗിക്കാവുന്നതാണ്. ഉദാഹരണത്തിന്, നര അകറ്റാൻ ഹെന്ന ഉപയോഗിക്കുന്ന രീതിയല്ല താരന്റെ പ്രശ്നം തീർക്കാൻ ഉപയോഗിക്കേണ്ടത്. പല പ്രശ്നങ്ങൾക്കും പല വസ്തുക്കളാണ് ഹെന്നയിൽ ചേർക്കേണ്ടത്. മുടിയുടെ ആവശ്യത്തിന് അനുസരിച്ച് തൈര്, മുട്ടയുടെ വെള്ള, തേൻ, നാരങ്ങാനീര്, തേയിലപ്പൊടി തുടങ്ങിയവ ഹെന്നയിൽ ചേർക്കാറുണ്ട്.
കരിഞ്ചീരകം
ഇതിനായി കരിഞ്ചീരകം പൊടിച്ചെടുക്കുക. ഇതിലേയ്ക്ക് നെല്ലിക്കാപ്പൊടി, ഹെന്ന എന്നിവ ചേര്‍ത്തിളക്കണം. ഇതില്‍ തേയില വെള്ളവും ചേര്‍ക്കാം. ഇത് നല്ലതു പോലെ ചേര്‍ത്തിളക്കി മുടിയില്‍ പുരട്ടാം. പിന്നീട് ഉണങ്ങുമ്പോള്‍ കഴുകാം. ഷാംപൂ ഇട്ട് കഴുകരുത്. പിറ്റേന്ന് ഒലീവ് ഓയില്‍, ബദാം ഓയില്‍, വെളിച്ചെണ്ണ എന്നിവ കലര്‍ത്തി മുടിയില്‍ പുരട്ടി പിന്നീട് ഷാംപൂ ചെയ്തു കഴുകാം. അടുത്ത ദിവസം വീണ്ടും ഡൈ കൂട്ട് പുരട്ടണം. പിറ്റേന്ന് വീണ്ടും എണ്ണയും. ഇത് തുടര്‍ച്ചയായി 7 ദിവസം ആവര്‍ത്തിയ്ക്കുക. Also read: ചൂട് പാലിൽ ഉണക്കമുന്തിരി; ആർത്തവം നേരത്തേയാക്കാൻ ഇനിയുമുണ്ട് വഴികൾ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : blackseed dye for hair
Malayalam News from malayalam.samayam.com, TIL Network