ഭാരം നിയന്ത്രിക്കാനും ഹൃദയാരോഗ്യം മെച്ചപ്പെടുത്താനുമെല്ലാം സഹായിക്കുന്ന വ്യായാമങ്ങളാണ് ഓട്ടവും ജോഗിങ്ങും. ഏറ്റവും കൂടുതൽ നേട്ടങ്ങൾ കൊയ്യാനുള്ള വഴികൾ ഇതാ…
ഭാരം കുറയ്ക്കാൻ ഓടി തുടങ്ങാം, ഈ കാര്യങ്ങൾ മറക്കല്ലേ
ഹൈലൈറ്റ്:
- ശരീരഭാരം കുറയ്ക്കാൻ മികച്ച കാർഡിയോ വ്യായാമങ്ങൾ
- ഓടുമ്പോൾ ശ്രദ്ധിക്കേണ്ട ചില കാര്യങ്ങൾ
ശരിയായ രീതിയിൽ വാം അപ്പ് ചെയ്യാം
നമ്മളിൽ ഭൂരിഭാഗവും ഇത് തിരിച്ചറിയുന്നില്ലെങ്കിലും, ഓടുന്നതിന് വേണ്ടി ശരീരം തയ്യാറാക്കുന്നത് വളരെ പ്രധാനമാണ്. ഓടുമ്പോൾ, ശരീരത്തിലും പ്രത്യേകിച്ച് കാലുകളുടെ പേശികളിലും ധാരാളം ചലനങ്ങൾ ഉണ്ടാകുന്നതിനാൽ, കഠിനമായ പേശികളുമായി ഓടുന്നത് പരിക്കുകൾക്ക് കാരണമാകും. വാംഅപ്പിന്റെ ഭാഗമായി ഒരു കാൽ ഉപയോഗിച്ചുള്ള സിംഗിൾ ലെഗ് എക്‌സ്‌റ്റൻഷൻ ചെയ്യുന്നത് ശരീരത്തിന്റെ മുകൾഭാഗം സുസ്ഥിരമാക്കാനും ബാലൻസ് നഷ്ടപ്പെടുന്നത് തടയാനും സഹായിക്കും. ലഞ്ചസ്, ഹീൽ ലിഫ്റ്റ് സ്റ്റാൻഡ് തുടങ്ങിയ വ്യായാമങ്ങൾ മുതുകിനെയും വയറിലെ പേശികളെയും ശക്തിപ്പെടുത്താനും ഓടുമ്പോൾ ശരീരത്തെ സന്തുലിതമാക്കാനും സഹായിക്കുന്നു.
പതുക്കെ ആരംഭിക്കുക
നേരത്തെ സൂചിപ്പിച്ചത് പോലെ, ഓടുമ്പോൾ ശരീരത്തിലും പ്രത്യേകിച്ച് കാലുകളുടെ പേശികളിലും ധാരാളം ചലനങ്ങൾ ഉണ്ടാകുകയും കഠിനമായ പേശികളുമായി ഓടുന്നത് പരിക്കുകൾക്ക് കാരണമാകും എന്നതിനാൽ, പതുക്കെ ഓടിക്കൊണ്ട് വേണം വ്യായാമം.ആരംഭിക്കുവാൻ. ക്രമേണ മാത്രമേ ഓട്ടത്തിന്റെ വേഗം വർദ്ധിപ്പിക്കുവാൻ പാടുകയുള്ളൂ.
ഓട്ടവും ജോഗിംഗും മാറിമാറി ചെയ്യുക
ഫിറ്റ്‌നസിനായി ഓടുന്നതിന്റെ പ്രാഥമിക ലക്ഷ്യം പരമാവധി ദൂരം ഓടുക എന്നതാണ്. പരമാവധി ദൂരം മറികടക്കാൻ, സ്ഥിരത പുലർത്തേണ്ടത് പ്രധാനമാണ്, ഓട്ടവും നടത്തവും മാറിമാറി ചെയ്യുന്നതിലൂടെ അത് നേടാനാകും. തീവ്രമായ ഓട്ടത്തിനിടയിൽ, ഹൃദയമിടിപ്പ് ഉയരുന്നു, കുറച്ച് നേരം നടക്കുന്നത് ഹൃദയമിടിപ്പ് സ്ഥിരപ്പെടുത്താൻ സഹായിക്കുകയും വിശ്രമത്തിനും വീണ്ടെടുക്കലിനും സമയം നൽകുകയും ഓട്ടക്കാരനെ കൂടുതൽ ദൂരം പിന്നിടാൻ പ്രാപ്തനാക്കുകയും ചെയ്യുന്നു.
മുന്നോട്ട് ആഞ്ഞ് ഓടരുത്
നല്ല ആസനം യോഗയ്ക്ക് മാത്രമല്ല, കാർഡിയോയ്ക്കും പ്രധാനമാണെന്ന് ഓർമ്മിക്കേണ്ടതാണ്. ഓട്ടത്തിനിടയിൽ മുന്നോട്ട് ചായുന്നത് അമിതമായ ആയാസം മൂലം പരിക്കേൽക്കാനുള്ള സാധ്യത വർദ്ധിപ്പിക്കുമെന്ന് വിദഗ്ധർ കണ്ടെത്തിയിട്ടുണ്ട്. നടുവ് നിവർത്തി മുന്നോട്ട് നോക്കി ഒടുന്നത് ശരീരത്തിന്റെ സന്തുലിതാവസ്ഥ വർദ്ധിപ്പിക്കാനും ശരീരത്തിന് ആവശ്യമുള്ളതിനേക്കാൾ കഠിനമായി പ്രവർത്തിക്കേണ്ട സാഹചര്യം ഒഴിവാക്കാനും സഹായിക്കുന്നു.
ശരിയായ രീതിയിലുള്ള ഭക്ഷണം
ഓട്ടത്തിന്റെ പ്രയോജനങ്ങൾ വർദ്ധിപ്പിക്കുന്നതിന്, നിങ്ങൾ ശരിയായ ഭക്ഷണം കഴിക്കുന്നത് പ്രധാനമാണ്. ദഹനത്തെ തടസ്സപ്പെടുത്തുകയും പേശികളുടെ പോഷണത്തെ തടസ്സപ്പെടുത്തുകയും ചെയ്യുന്ന കൊഴുപ്പുള്ള ഭക്ഷണങ്ങൾ കഴിക്കുന്ന ശീലം ഒഴിവാക്കേണ്ടത് അത്യാവശ്യമാണ്. എളുപ്പത്തിൽ ഊർജ്ജമാക്കി മാറ്റാൻ കഴിയുന്ന ലളിതമായ കാർബോഹൈഡ്രേറ്റ് അടങ്ങിയ ഭക്ഷണങ്ങൾ കഴിക്കുന്നത് നല്ലതാണെന്ന് വിദഗ്ധർ ശുപാർശ ചെയ്യുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : running or jogging which one is the best to lose weight
Malayalam News from Samayam Malayalam, TIL Network