Teena Mathew | Samayam Malayalam | Updated: Sep 21, 2022, 2:44 PM
Viral Wedding Photoshoot Kerala : പൊതു സമൂഹത്തിന്റെ പ്രശ്‌നം ചൂണ്ടികാട്ടുന്ന രീതിയില്‍ ചെയ്ത ഫോട്ടോഷൂട്ടിനെ വളരെയധികം സ്വീകാര്യതയാണ് ലഭിച്ചത്. നിലമ്പൂര്‍ പൂക്കോട്ടുംപാടം എന്ന സ്ഥലത്തെ റോഡിന്റെ അവസ്ഥയാണ് ചിത്രത്തിലുള്ളത്.
ഹൈലൈറ്റ്:
- ഇന്‍സ്റ്റഗ്രാമിലൂടെ ആണ് വീഡിയോ പുറത്ത് വന്നത്
- നിരവധി പേരാണ് വീഡിയോ കണ്ടത്
കഴിഞ്ഞ കുറച്ച് ദിവസങ്ങളായി സോഷ്യല്‍ മീഡിയയില്‍ വൈറലാകുന്നത് റോഡിലെ കുഴിയുടെ മുന്നില്‍ നില്‍ക്കുന്ന ഒരു കല്യാണ പെണ്ണിന്റെ ചിത്രങ്ങളും വീഡിയോയുമാണ്. പൊതു സമൂഹത്തിന്റെ പ്രശ്‌നം ചൂണ്ടികാട്ടുന്ന രീതിയില്‍ ചെയ്ത ഫോട്ടോഷൂട്ടിനെ വളരെയധികം സ്വീകാര്യതയാണ് ലഭിച്ചത്. നിലമ്പൂര്‍ പൂക്കോട്ടുംപാടം എന്ന സ്ഥലത്തെ റോഡിന്റെ അവസ്ഥയാണ് ചിത്രത്തിലുള്ളത്.
പൊട്ടിപൊളിഞ്ഞ റോഡിലെ കുഴികളില്‍ മഴവെള്ളം നിറഞ്ഞ് ചെളിയായി കിടക്കുന്നത് വീഡിയോയില്‍ കാണാം. ചെളി നിറഞ്ഞ റോഡിലൂടെ കല്യാണപെണ്ണ് നടന്നത് വരുന്നതാണ് ചിത്രത്തിലുള്ളത്.
വിവാഹ സാരിയില്‍ അണിഞ്ഞൊരുങ്ങി അതിസുന്ദരിയായ വധു റോഡിലെ കുഴികള്‍ക്ക് ഇടയിലൂടെ നടന്ന് വരുന്നത് കൗതുകത്തോടെ ആണ് മറ്റ് ആളുകള്‍ നോക്കി നില്‍ക്കുന്നത്.
Also Read:ബസിന് മുന്നില്‍പ്പെട്ട് ആനക്കൂട്ടം; കുട്ടിയാനയെ രക്ഷിക്കാന്‍ തള്ള ആന ചെയ്തത് കണ്ടോ
കഷ്ടപ്പെട്ട് റോഡിലൂടെ വാഹനം ഓടിക്കുന്ന യാത്രക്കാരെയും വീഡിയോയില്‍ കാണാം. എന്തായാലും സംഗതി സോഷ്യല്‍ മീഡിയയില്‍ ഹിറ്റായി കഴിഞ്ഞു. ഇരുപതിനായിരത്തില്‍ അധികം പേരാണ് ഇതുവരെ വീഡിയോ കണ്ടത്. ആരോ (arrow) വെഡിങ് കമ്പനിയാണ് ഈ വ്യത്യസ്തമായ ഫോട്ടോഷൂട്ട് നടത്തി സോഷ്യല്‍ മീഡിയയില്‍ പങ്കുവെച്ചത്. റോഡിലെ കുഴികള്‍ മൂലം കേരളത്തിലെ ജനങ്ങള്‍ അനുഭവിക്കുന്ന ദുരിതത്തെ രസകരവും വ്യത്യസ്തവുമായ രീതിയില്‍ അവതരിപ്പിക്കുകയായിരുന്നു ഈ ഫോട്ടോഷൂട്ടിന്റെ ലക്ഷ്യം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക