Teena Mathew | Samayam Malayalam | Updated: Sep 22, 2022, 11:53 AM
ഫോട്ടോഗ്രാഫറായ സുസ്മിത ഡോറയാണ് ഈ വീഡിയോ പകര്‍ത്തി അവരുടെ ഇന്‍സ്റ്റഗ്രാമിലൂടെ പങ്കുവെച്ചത്. അഞ്ച് മില്യണിലധികം ആളുകളാണ് വീഡിയോ ഇതുവരെ കണ്ടത്.
ഹൈലൈറ്റ്:
- തമിഴ്‌നാട്ടില്‍ നിന്നുള്ള ദൃശ്യങ്ങളാണിത്
- ഇന്‍സ്റ്റഗ്രാമിലൂടെ ആണ് വീഡിയോ പുറത്ത് വന്നത്
എന്നാല്‍ ഇത് വെറും തോന്നലാണെന്ന് തെളിയിക്കുന്ന ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. മോട്ടോര്‍ സൈക്കിള്‍ ഓടിക്കുന്ന ഒരു സ്ത്രീയും അവരുടെ പുറകിലിരിക്കുന്ന ഭര്‍ത്താവുമാണ് വീഡിയോയിലുള്ളത്. ഒരു വശത്തേക്ക് കാലുകള്‍ രണ്ടും വച്ചാണ് ആ ഭര്‍ത്താവ് വണ്ടിയിലിരിക്കുന്നത്. ഏറെ ആത്മവിശ്വാസത്തോടെ ഭര്‍ത്താവുമായി യാത്ര ചെയ്യുന്ന ആ സ്ത്രീ എല്ലാ സ്ത്രീകള്‍ക്കും ഒരു പ്രചോദനമാണ്.
പ്രായമായാല്‍ പിന്നെ പഴയ കാലത്തെ പോലെ സന്തോഷങ്ങളൊന്നും പാടില്ല എന്ന് ചിന്തിക്കുന്നവര്‍ക്ക് കൂടി വേണ്ടിയാണ് ഈ വീഡിയോ. ജീവിതം ആസ്വദിക്കാനുള്ളതാണ്, അത് ഏത് പ്രായക്കാരായാലും സന്തോഷങ്ങളും സ്വപ്‌നങ്ങളുമൊക്കെ ആസ്വദിക്കണം. ഫോട്ടോഗ്രാഫറായ സുസ്മിത ഡോറയാണ് ഈ വീഡിയോ പകര്‍ത്തി അവരുടെ ഇന്‍സ്റ്റഗ്രാമിലൂടെ പങ്കുവെച്ചത്. അഞ്ച് മില്യണിലധികം ആളുകളാണ് വീഡിയോ ഇതുവരെ കണ്ടത്.
Also Read:Bride Photoshoot :റോഡിലെ കുഴിയിലൂടെ നടന്ന് വരുന്ന കല്യാണപെണ്ണ്; വൈറലായി വെഡ്ഡിങ് ഫോട്ടോഷൂട്ട്
‘ബൈക്കില്‍ യാത്ര ചെയ്യുന്ന ദമ്പതികള്‍ ഒരു സാധാരണ കാഴ്ച്ചയാണ്. എന്നാല്‍ ഇത്തരം യാത്രകളില്‍ വാഹനം ഓടിക്കുന്നത് പലപ്പോഴും പുരുഷന്‍മാരായിരിക്കും. ഈ പ്രായത്തിലുള്ളവരുടെ ഇങ്ങനെയൊരു കാഴ്ച്ച നിങ്ങള്‍ എപ്പോഴെങ്കിലും കണ്ടിട്ടുണ്ടോ?’-എന്ന കുറിപ്പോടെയാണ് സുസ്മിത വീഡിയോ പോസ്റ്റ് ചെയ്തിരിക്കുന്നത്. നിരവധി പേര്‍ വീഡിയോയ്ക്ക് താഴെ കമന്റുകളുമിട്ടിട്ടുണ്ട്. തമിഴ്‌നാട്ടില്‍ നിന്നുള്ള കാഴ്ചയാണിത്. ഇവിടെ ഇത് സാധാരണമാണെന്നാണ് പലരുടെയും കമന്റ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക