വിവാഹ നിശ്ചയിക്കുമ്പോള്‍ മുതല്‍ എങ്ങനെ അത് വ്യത്യസ്തമായി സോഷ്യല്‍ മീഡിയയില്‍ വൈറലാക്കാമെന്നാണ് പലരും ചിന്തിക്കുന്നത്. അത്തരത്തിലൊരു ദമ്പതികളുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. വളരെ വ്യത്യസ്തമായ ഫോട്ടോഷൂട്ട് നടത്തിയിരിക്കുകയാണ് ഈ ദമ്പതികള്‍.
വളരെ മികച്ചൊരു നൂതന ആശയമാണ് ഈ ദമ്പതികള്‍ ഫോട്ടോഷൂട്ടിനായി നടത്തിയിരിക്കുന്നത്. 13 സെക്കന്‍ഡ് മാത്രം ദൈര്‍ഘ്യമുള്ള ഈ വീഡിയോയില്‍ വധുവും വരനും ഒരു ബൈക്കിലിരുന്ന് സ്റ്റണ്ട് കാണിക്കുന്നതാണ് കാണാന്‍ സാധിക്കുന്നത്. ബൈക്ക് വായുവിലേക്ക് എടുത്ത് ഉയര്‍ത്തിയ ശേഷം മറ്റൊരു ജീപ്പിന് മുകളിലൂടെ പറന്ന് മറുവശത്ത് എത്തുന്നതാണ് വീഡിയോ.
Also Read: നെഞ്ചത്ത് അടിക്കാൻ ശ്രമിച്ച കുട്ടി ഗൊറില്ലയ്ക്ക് സംഭവിച്ചത് കണ്ടോ? ചിരി അടക്കാൻ ആകാതെ സോഷ്യൽ മീഡിയ
കയറില്‍ തൂക്കിയാണ് ബൈക്ക് ജീപ്പിന് മുകളിലൂടെ ഫോട്ടോഗ്രാഫര്‍മാര്‍ പറത്തുന്നത്. ക്രെയ്ന്‍ ഉപയോഗിച്ചാണ് ബൈക്ക് പറത്തുന്നത്. ആവശ്യമായ സുരക്ഷ മുന്‍കരുതലുകള്‍ എടുത്താണ് ഇവര്‍ ഈ സാഹസം ചെയ്യുന്നതെങ്കിലും ഇത്തരം പ്രവര്‍ത്തികള്‍ അപകങ്ങളിലേക്ക് നയിക്കാനും സാധ്യതയുണ്ട്. ബൈക്ക് ബാലന്‍സ് ചെയ്യുന്നതിനായി പിന്നിലെ മഡ്ഗാര്‍ഡും കയറില്‍ ബന്ധിച്ചിട്ടുണ്ട്.
നിരവധി പേരാണ് വീഡിയോയ്ക്ക് താഴെ കമന്റുകളിട്ടിരിക്കുന്നത്. വരന്‍ സ്റ്റണ്ട് മാസ്റ്ററാണെന്ന് പലരും തമാശയായി കമന്റുകളിട്ടിട്ടുണ്ട്. 3 ലക്ഷത്തിലധികം പേരാണ് വീഡിയോ ഇതുവരെ കണ്ടത്.
ഈ വര്‍ഷം മെയിലും വ്യത്യസ്തമായ ഫോട്ടോഷൂട്ട് നടത്തിയ മറ്റൊരു വരന്റെയും വധുവിന്റെയും വീഡിയോയും സോഷ്യല്‍ മീഡിയയില്‍ വൈറലായിരുന്നു. തീ കൊളുത്തിയ ശേഷം കൈ പിടിച്ച് വധുവും വരനും നടക്കുന്നതായിരുന്നു ആ വീഡിയോ. ഏറെ അപകടം നിറഞ്ഞ സോഷ്യല്‍ മീഡിയയില്‍ വലിയ ചര്‍ച്ചയായിരുന്നു.