ചെന്നൈ: ബാഹുബലിയിലെ കട്ടപ്പ ഉൾപ്പടെ ക്യാരക്റ്റർ റോളുകളിൽ ശ്രദ്ധ കേന്ദ്രീകരിച്ചിരുന്ന സത്യരാജ്‌ ഒരിടവേളക്ക്‌ ശേഷം നായകനായി അഭിനയിക്കുന്ന “തീർപ്പുകൾ വിർക്കപ്പെടും” (Judgment for sale) എന്ന തമിഴ്‌ ഫാമിലി ആക്ഷൻ ചിത്രത്തിൻ്റെ ഫസ്റ്റ് ലുക്ക് പോസ്റ്റർ എത്തി.അൽതാരി മൂവീസിൻ്റെ ബാനറിൽ സി. ആർ. സലിം നിർമ്മിക്കുന്ന ചിത്രം ധീരൻ തിരക്കഥ എഴുതി സംവിധാനം ചെയ്യുന്നു.
നളൻകുമാർ എന്ന സർക്കാർ ഗൈനക്കോളജിസ്റ്റിനെയാണ് സത്യരാജ്‌ അവതരിപ്പിക്കുന്നത്. സ്മൃതി വെങ്കട്‌ , ഗോലിസോഡ മധൂസൂദനൻ, ഹരീഷ്‌ ഉത്തമൻ, ചാർലി , യുവൻ , യാസി ,കാലൈ , ലൊല്ലുസഭ മനോഹർ , സഞ്ജീവി, രേണുക , ശ്രീരഞ്ജിനി, ജോർജ്ജ്‌ , ജീവ രവി തുടങ്ങിയവർ കഥാപാത്രങ്ങളാകുന്നു.
പൂർണ്ണമായും 8k യിൽ ഷൂട്ട്‌ ചെയ്ത ചിത്രത്തിന്റെ ക്യാമറമാൻ തെലുങ്കിൽ ഗരുഡവേഗ ഉൾപ്പടെ നിരവധി ഹിറ്റ്‌ ചിത്രങ്ങൾക്ക്‌ ഛായഗ്രഹണം നിർവ്വഹിച്ച ആഞ്ജിയാണ്‌ . സൗത്ത്‌ ഇന്ത്യയിൽ ആദ്യമായി റെഡ്‌ മോൻസ്ട്രോ ക്യാമറയിൽ ഷൂട്ട്‌ ചെയ്ത ചിത്രത്തിന്റെ ആക്ഷൻ കൊറിയോഗ്രാഫർ ദിലീപ്‌ സുബ്ബരായനും എ റഫീഖ് ക്രിയേറ്റീവ് ഡയറക്ടറുമാണ് . പ്രസാദ്‌ സംഗീതവും നൗഫൽ എഡിറ്റിംഗും നിർവ്വഹിക്കുന്ന ചിത്രത്തിലെ സത്യരാജിന്റെ സാൾട്ട്‌ ആന്റ്‌ പെപ്പർ ലുക്ക് തമിഴകത്ത്‌ ശ്രദ്ധ നേടിക്കഴിഞ്ഞു. 2021 ആഗസ്റ്റിൽ ഒ ടി ടി പ്ലാറ്റഫോമിൽ ചിത്രം റിലീസ് ചെയ്യും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..