ചൈനീസ് സഹോദരങ്ങളാണ് വീഡിയോയിലുള്ളത്. അനിയത്തിയെ കണക്ക് പഠിപ്പിക്കുന്ന സഹോദരനാണ് വീഡിയോയിലെ താരം. രസകരമായ ഈ വീഡോയ സോഷ്യൽ മീഡിയയിൽ നിമിഷ നേരം കൊണ്ട് വൈറലായി.
ഹൈലൈറ്റ്:
- ഇൻസ്റ്റഗ്രാമിലൂടെ ആണ് വീഡിയോ പുറത്ത് വന്നത്
- 10 മില്യൺ ആളുകളാണ് വീഡിയോ കണ്ടത്
ചൈനീസ് സഹോദരങ്ങളാണ് വീഡിയോയിലുള്ളത്. അനിയത്തിയെ കണക്ക് പഠിപ്പിക്കുന്ന സഹോദരനാണ് വീഡിയോയിലെ താരം. അനിയത്തിയ്ക്ക് നേരത്തെ ഉത്തരം പറഞ്ഞ് കൊടുത്തിട്ടും അവള്‍ തെറ്റ് ഉത്തരമാണ് പറയുന്നത്. ഇതിനാണ് ആണ്‍കുട്ടി കരയുന്നത്. ഈ രസകരമായ സംഭവം കുട്ടികളുടെ അമ്മ തന്നെയാണ് വീഡിയോ എടുത്തത്.
നിനക്കൊന്നും കണക്ക് ടീച്ചറാവാനേ പറ്റില്ലെന്ന് വീഡിയോയില്‍ കുട്ടിയുടെ അമ്മ പറയുന്നുണ്ട്. തന്റെ കണക്കുകൂട്ടലൊക്കെ തെറ്റി എന്നറിഞ്ഞായിരുന്നു കുട്ടിയുടെ കരച്ചില്‍. ഞാനവള്‍ക്ക് നേരത്തെ തന്നെ ഉത്തരം പറഞ്ഞ് നല്‍കിയിട്ടും അവള്‍ തെറ്റുത്തരമാണ് പറയുന്നതെന്ന് കരച്ചിലിനിടെ കുട്ടി പറയുന്നുണ്ട്. മൂന്ന് സമകോണങ്ങള്‍ ചിത്രത്തിലുണ്ടെന്ന് പൊട്ടിക്കരഞ്ഞ് കൊണ്ട് കുട്ടി പറയുന്നു. എന്നാല്‍ അനിയത്തിന് അടിക്കാനോ വഴക്ക് പറയാനോ അവന് കഴിയുന്നില്ല. കരയുക മാത്രമാണ് അവന് ചെയ്യുന്നത്.
ചേട്ടന്‍ കരയുന്നത് ഇടയ്ക്ക് അനിയത്തി നോക്കുന്നതും വീഡിയോയില്‍ കാണാം. തന്റെ ഉത്തരം ശരിയാണോ തെറ്റാണോ എന്ന സംശയവും ആണ്‍കുട്ടിക്കുണ്ട്. ചൈനിയില്‍ നിന്നുള്ള വീഡിയോയാണിത്. ഏറെ രസകരമായ വീഡിയോ എന്തായാലും സോഷ്യല്‍ മീഡിയ ഏറ്റെടുത്ത് കഴിഞ്ഞു. നിരവധി പേരാണ് വീഡിയോയ്ക്ക് താഴെ കമന്റുകളിട്ടിരിക്കുന്നത്. 10 മില്യ്ണ്‍ ആളുകളാണ് ഈ വീഡിയോ ഇതുവരെ കണ്ടത്. പല സഹോദരങ്ങളും അവരുടെ ഇത്തരത്തിലുള്ള അവസ്ഥയെപ്പറ്റി വീഡിയോയ്ക്ക് താഴെ കമന്റുകളിട്ടിട്ടുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക