മലപ്പുറം ജില്ലയിലെ പന്തല്ലൂര്‍ ഹയര്‍ സെക്കന്‍ഡറി സ്കൂളിലെ ഒരു മിടുക്കനാണ് വീഡിയോയിലെ താരം. ഭിന്നശേഷിക്കാരനായ അന്‍ഷിഫ് സ്‌കൂള്‍ കായികമേളയില്‍ ഓടി വിജയിച്ചതാണ് വീഡിയോ.
ഹൈലൈറ്റ്:
- മന്ത്രിയുടെ ഫേസ്ബുക്കിലൂടെയാണ് വീഡിയോ പങ്കുവെച്ചത്
- നിരവധി പേരാണ് അൻഷിഫിനെ അഭിനന്ദിച്ചത്
ഭിന്നശേഷിക്കാരനായ അന്‍ഷിഫ് സ്‌കൂള്‍ കായികമേളയില്‍ ഓടി വിജയിച്ചതാണ് വീഡിയോ.
വിദ്യാഭ്യാസ മന്ത്രി വി.ശിവന്‍കുട്ടി ഫേസ്ബുക്കിലൂടെ വീഡിയോ പങ്കുവെച്ചതോടെ അന്‍ഷഫ് താരമായി മാറി. സ്കൂളിലെ കായികമേളയ്ക്കിടെ അന്‍ഷഫ് ട്രാക്കിന്റെ അരികിലൂടെ ഓടുന്നത് കണ്ടതോടെ അധ്യാപകര്‍ അന്‍ഷിഫിനെ ട്രാക്കിലൂടെ ഓടിക്കുകയായിരുന്നു.
Also Read: Viral Video: ഈ ചേട്ടൻ്റെയും അനിയത്തിയുടെയും പാട്ട് എന്തായാലും നിങ്ങളെ ചിരിപ്പിക്കും; വൈറലായി വീഡിയോ
അത് കഴിഞ്ഞ ശേഷം വിക്ടറി സ്റ്റാന്‍ഡില്‍ നിര്‍ത്തി സമ്മാനം കൂടി നല്‍കിയതോടെ അന്‍ഷിഫ് ഫുള്‍ ഹാപ്പിയായി. മാറ്റി നിര്‍ത്തപ്പെടേണ്ടവരല്ല ഭിന്നശേഷിക്കാരായ കുഞ്ഞുങ്ങള്‍. അവര്‍ക്കും അവസരങ്ങള്‍ നല്‍കി സമൂഹത്തിന്റെ മുന്‍നിരയിലേക്ക് എത്തിക്കേണ്ടതിന്റെ ആവശ്യകത കൂടിയാണ് ഈ വീഡിയോ ചൂണ്ടിക്കാട്ടുന്നത്. മന്ത്രിയുടെ ഫേസ്ബുക്ക് പോസ്റ്റിന്റെ പൂര്‍ണരൂപം:
മലപ്പുറം ജില്ലയിലെ പന്തല്ലൂര്‍ ഹയര്‍സെക്കന്‍ഡറി സ്‌കൂളില്‍ പത്താം ക്ലാസില്‍ പഠിക്കുന്ന ഭിന്നശേഷി വിഭാഗത്തില്‍ പെടുന്ന വിദ്യാര്‍ഥിയായ അന്‍ഷഫിനെ പരിചയപ്പെടുക. കഴിഞ്ഞ ദിവസം സ്‌കൂള്‍ കായികമേളയില്‍ ഓട്ടമത്സരങ്ങള്‍ നടക്കുമ്പോള്‍ ട്രാക്കിന് അരികിലൂടെ ഓടുന്ന അന്‍ഷിഫിനെ ശ്രദ്ധിച്ച അധ്യാപകര്‍ ട്രാക്കിലൂടെ ഓടാന്‍ അവസരം നല്‍കുകയായിരുന്നു. വിക്ടറി സ്റ്റാന്‍ഡില്‍ അന്‍ഷിഫിന് സമ്മാനദാനവും നടത്തി. ആ മുഖത്ത് വിരിഞ്ഞ സന്തോഷം ഈ വിഡിയോയില്‍ വ്യക്തമാണ്. കുഞ്ഞുങ്ങളെ മുന്നേറുക. എല്ലാവര്‍ക്കും ഉള്ളതാണ് ഈ ലോകം. അന്‍ഷിഫിന് അഭിനന്ദനങ്ങള്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക