പാകിസ്ഥാനിലെ കറാച്ചിയില്‍ നിന്നുള്ള യൂട്യൂബർ അസ്ലന് ഷായാണ് തന്റെ പ്രിയതമയ്ക്ക് കഴുത കുട്ടിയെ സമ്മാനമായി നല്‍കിയത്
ഹൈലൈറ്റ്:
- ഇൻസ്റ്റഗ്രാമിലൂടെ ആണ് വീഡിയോ പുറത്ത് വന്നത്
- കാരണം അറിഞ്ഞതോടെ ആളുകൾ പിന്തുണച്ചു
പാകിസ്ഥാനിലെ കറാച്ചിയില്‍ നിന്നുള്ള യൂട്യൂബർ അസ്ലന് ഷായാണ് തന്റെ പ്രിയതമയ്ക്ക് കഴുത കുട്ടിയെ സമ്മാനമായി നല്‍കിയത്. വധുവായ വാരിഷയ്ക്ക് കഴുത കുട്ടികളെ വളരെയധികം ഇഷ്ടമാണ് അതുകൊണ്ടാണ് ഇങ്ങനെയൊരു സമ്മാനം നല്‍കാന്‍ തീരുമാനിച്ചതെന്നാണ് അസ്ലന് പറയുന്നത്. ഇന്‍സ്റ്റഗ്രാമിലൂടെ പങ്കുവെച്ച വീഡിയോ നിമിഷ നേരം കൊണ്ടാണ് വൈറലായത്.
വീഡിയോ പുറത്ത് വന്നപ്പോള്‍ ആദ്യം രൂക്ഷ വിമര്‍ശനമാണ് ഉയര്‍ന്നതെങ്കിലും ഇതിന് പിന്നിലെ കാരണമറിഞ്ഞതോടെ എല്ലാവരും ദമ്പതികളെ അഭിനന്ദിക്കുകയായിരുന്നു. കഴുത കുട്ടിയെ അമ്മയുടെ അടുത്ത് നിന്ന് വേര്‍പ്പെടുത്തിയിട്ടില്ലെന്നും കഴുതയുടെ അമ്മയും ഒപ്പമുണ്ടെന്നും യൂട്യുബര്‍ വ്യക്തമാക്കിയിട്ടുണ്ട്.
വൈറല്‍ ആകാന്‍ വേണ്ടിയാണ് ഇവര്‍ ഇങ്ങനെ ചെയ്തതെന്നാണ് ആദ്യം വീഡിയോയ്ക്കും ചിത്രങ്ങള്‍ക്കും വന്ന കമന്റുകള്‍. വധുവിനെ കഴുതയാക്കിയെന്ന് പോലും പലരും പറഞ്ഞു. സംഭവം വൈറലായതോടെ ദമ്പതികള്‍ തന്നെ ഇതിന് വിശദീകരണവുമായി രംഗത്ത് എത്തി. വൈറലാകാന്‍ ചെയ്തത് അല്ലെന്നും ഇരുവര്‍ക്കും മൃഗങ്ങളെ വളരെയധികം ഇഷ്ടമാണെന്നുമായിരുന്നു വിശദീകരണം. വിവാഹ വേദിയില്‍ അസ്‌ലാന്‍ ഷാ സര്‍പ്രൈസായി കഴുത കുട്ടിയെ കൊണ്ടുവരുന്നത് വീഡിയോയില്‍ കാണാം.
കഴുത കുട്ടിയെ കണ്ടതോടെ വധുവിന്റെ മുഖത്തുണ്ടാകുന്ന സന്തോഷവും കൗതുകവുമൊക്കെ എല്ലാവരെയും ആകര്‍ഷിക്കുന്നുണ്ട്. എന്താണ് നടക്കുന്നത് ആദ്യം വധുവിന് മനസിലായില്ലെങ്കിലും പിന്നീട് ഏറെ സന്തോഷത്തോടെ കഴുതക്കുട്ടിയെ വധു ലാളിക്കുന്നതും കാണാം. മൃഗ സ്നേഹിയായ തൻ്റെ പ്രിയതമയ്ക്ക് ഇതിലും വലിയൊരു സമ്മാനം അസ്ലാമിന് ചിലപ്പോൾ ചിന്തിക്കാൻ പോലും സാധിക്കില്ലായിരിക്കും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക