ഇൻസ്റ്റഗ്രാമിലെ ഗിന്നസ് വേൾഡ് റെക്കോർഡ് പേജിലൂടെ ആണ് ഈ വീഡിയോ പുറത്ത് വന്നത്. നിരവധി പേർ വീഡിയോയിൽ കമൻ്റുകളിട്ടിട്ടുണ്ട്.
ഹൈലൈറ്റ്:
- ഈജിപ്തുക്കാരനാണ് ഈ യുവാവ്
- പല്ല് കൊണ്ടാണ് ട്രക്ക് വലിച്ച് നീക്കുന്നത്
കേള്‍ക്കുമ്പോള്‍ അത്ഭുതം തോന്നുമെങ്കിലും സംഗതി സത്യമാണ്. പല്ല് കൊണ്ട് ഇത്രയും വലിയ സാഹസം ചെയ്ത അദ്ദേഹത്തിന് ഗിന്നസ് വേള്‍ഡ് റെക്കോര്‍ഡും ലഭിക്കും. ഗിന്നസ് വേള്‍ഡ് റെക്കോര്‍ഡിന്റെ ഇന്‍സ്റ്റഗ്രാം പേജിലൂടെ ആണ് ഈ വീഡിയോ പുറത്ത് വന്നതും. ഗിന്നസ് വേള്‍ഡ് റെക്കോര്‍ഡ് പ്രകാരം, അഷ്റഫ് മഹ്റൂസ് മുഹമ്മദ് സുലിമാന്‍ 2021 ജൂണ്‍ 13 ന് ഈജിപ്തിലെ ഇസ്മയിലിയയിലാണ് ഈ റെക്കോര്‍ഡ് സൃഷ്ടിത്. ‘വ്യക്തിഗത നേട്ടം’ എന്ന നിലയിലാണ് സുലിമാന്‍ ഈ റെക്കോര്‍ഡിന് ശ്രമിച്ചത്.
റോഡിലെ ഏറ്റവും ഭാരമേറിയ വാഹനം 15,730 കിലോഗ്രാം (34.678.714 പൗണ്ട്) അഷ്റഫ് സുലിമാന്‍ പല്ല് ഉപയോഗിച്ച് വലിക്കുന്നു എന്ന അടിക്കുറിപ്പോടെയാണ് വീഡിയോ പങ്കുവെച്ചിരിക്കുന്നത്.
എന്തായാലും സംഗതി സോഷ്യല്‍ മീഡിയയില്‍ വൈറലായിട്ടുണ്ട്. നിഷ്പ്രയാസമാണ് അഷ്റഫ് തന്റെ പല്ലുകള്‍ ഉപയോഗിച്ച് ട്രക്ക് വലിച്ച് നീക്കുന്നത്.
നിരവധി പേരാണ് വീഡിയോയ്ക്ക് താഴെ ഈ യുവാവിനെ അഭിനന്ദിച്ച് കമന്റുകളിട്ടിരിക്കുന്നത്. പലരും ഇദ്ദേഹത്തിന്റെ ദന്ത ഡോക്ടറെ അഭിനന്ദിക്കുന്നതും കമന്റുകളില്‍ കാണാം. ചുവന്ന നിറത്തിലുള്ള വലിയൊരു ട്രക്കാണ് അഷ്റഫ് വലിച്ച് നീക്കുന്നത്. നിരവധി പേര്‍ ഈ കാഴ്ച കാണാന്‍ കൂട്ടം കൂടി നില്‍ക്കുന്നതും വീഡിയോയില്‍ കാണാം. ഇടയ്ക്ക് റോഡിലൂടെ മറ്റ് വാഹനങ്ങളും കടന്ന് പോകുന്നുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക