നിലവില്‍, കൊറോണ വൈറസിന്റെ ഗുരുതരമായ അവസ്ഥയാണ് ചൈനയില്‍ പൊട്ടി പുറപ്പെടുന്നത്. ആശുപത്രികളും ആരോഗ്യ കേന്ദ്രങ്ങളും രോഗികളാല്‍ തിങ്ങിനിറഞ്ഞിരിക്കുന്നു, കവിഞ്ഞൊഴുകുന്ന ശ്മശാനങ്ങളുടെയും ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലായി മാറുകയാണ്.
ചൈനയില്‍ കൊവിഡ് സ്ഥിതി രൂക്ഷമായിരിക്കെ, ചൈനയിലെ പച്ചക്കറി മാര്‍ക്കറ്റില്‍ നിന്നുള്ള ദമ്പതികളുടെ വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുകയാണ്.
വീഡിയോയില്‍, ദമ്പതികള്‍ പലചരക്ക് സാധനങ്ങള്‍ വാങ്ങുന്നത് കാണാം, അവര്‍ ഒരു വലിയ റെയിന്‍കോട്ട് പോലെ അവരെ പൊതിഞ്ഞ ഒരു സംരക്ഷിത പ്ലാസ്റ്റിക് ഷീറ്റ് കൊണ്ട് തല മുതല്‍ കാല്‍ വരെ പൂര്‍ണ്ണമായും മറച്ചിരിക്കുന്നു. ആ മനുഷ്യന്‍ ഷീറ്റിനെ അതിന്റെ പിടിയില്‍ കുട പോലെ പിടിച്ചിരിക്കുന്നതും വീഡിയോയില്‍ കാണാം.
തല മുതല്‍ പാദം വരെ അവര്‍ മൂടിയിരിക്കുന്നത് വീഡിയോയില്‍ കാണാം. ഷീറ്റ് ചെറുതായി മാറ്റിയാണ് ഓരോ സാധനങ്ങളും വാങ്ങുന്നതും. മറ്റുള്ളവരുമായി യാതൊരു വിധത്തിലും ഇടപഴകാതിരിക്കാനുള്ള ദമ്പതികളുടെ ബുദ്ധിപരമായ നീക്കമാണിതെന്ന് തോന്നുന്നു. സാധനം വാങ്ങാനും പൈസ് നല്‍കാനുമൊക്കെ അവര്‍ ഈ രീതിയാണ് പിന്തുടരുന്നത്.
Also Read: Tata Nano Helicopter: ഇത് കാർ ആണോ ഹെലികോപ്റ്ററാണോ? യുപി സ്വദേശിയുടെ കണ്ടുപിടിത്തം വൈറലാകുന്നു
മാര്‍ക്കറ്റിലെ ആളുകളെല്ലാം ഏറെ അത്ഭുതത്തോടെ അവരെ നോക്കുന്നതും വീഡിയോയില്‍ കാണാം. വളരെ സിമ്പിളായി നടന്ന് പോകുന്നതും കൗതുകം ഉണര്‍ത്തുന്ന കാഴ്ചയാണ്. ചൈനയിലെ പീപ്പിള്‍സ് ഡെയ്‌ലി ചൈനയാണ് ഇവരുടെ വീഡിയോ പുറത്ത് വിട്ടത്. ഇത്രയും വലിയ പ്രതിരോധമാണ് ചൈന കോവിഡിനെ ചെറുക്കാന്‍ തീര്‍ക്കുന്നതെന്നാണ് വീഡിയോയ്ക്ക് നല്‍കിയിരിക്കുന്ന തലക്കെട്ട്.
നിരവധി പേരാണ് വീഡിയോയ്ക്ക് താഴെ കമൻ്റുകളിട്ടിരിക്കുന്നത്.
അല്ലെങ്കിലും ചൈനക്കാർ ഇത്തരത്തിലുള്ള കണ്ടുപിടിത്തത്തിന് മുൻപന്തിയിലാണെന്ന് എല്ലാവർക്കുമറിയാം. കൊറണയെ ചെറുക്കാനും അത്തരത്തിലൊരു കണ്ടുപിടിത്തം തന്നെയാണ് ഇവർ ഇപ്പോൾ നടത്തിയിരിക്കുന്നത് എന്ന് വേണമെങ്കിൽ പറയാം. കാണാൻ കൗതുകമായി തോന്നുമെങ്കിലും സംഗതി എന്തായാലും ബുദ്ധിപരമായ ഒരു നീക്കം തന്നെയാണ്