ജിമ്മിലെ കണ്ണാടിയുടെ മുന്നില്‍ നിന്നുള്ള ഈ ചിത്രങ്ങള്‍ എന്തായാലും ആരാധകരെ ഞെട്ടിച്ച് കളഞ്ഞെന്ന് തന്നെ പറയാം. കറുത്ത ടീ ഷര്‍ട്ട് ഉയര്‍ത്തി പിടിച്ച് ആബ്‌സ് കാണുന്ന തരത്തിലുള്ള ചിത്രങ്ങളാണിത്. ദീപിക പദുകോണിനൊപ്പമുള്ള ഫൈറ്റര്‍ എന്ന സിനിമയുടെ ചിത്രീകരണത്തിലാണ് താരം ഇപ്പോള്‍. സിദ്ധാര്‍ത്ഥ് ആനന്ദ് സംവിധാനം ചെയ്യുന്ന ചിത്രത്തില്‍ എയര്‍ഫോഴ്‌സ് പൈലറ്റുമാരായിട്ടാണ് ഇരുവരും അഭിനയിക്കുന്നത്.
താരത്തിന്റെ ലുക്ക്
എപ്പോഴും ഫിറ്റ്‌നെസ് കാത്തു സൂക്ഷിക്കുന്ന താരമാണ് ഹൃത്വിക് റോഷന്‍ (Hrithik roshan). മേക്ക് ഓവര്‍ ചിത്രങ്ങള്‍ പലപ്പോഴും ആരാധാകരെ ഞെട്ടിക്കാറുണ്ട്. 48ാം വയസിലും ഇത്തരത്തില്‍ ശരീരം കാത്തു സൂക്ഷിക്കുന്ന താരം പലര്‍ക്കുമൊരു പ്രചോദനം കൂടിയാണ്. ക്രിസ്തുമസ് ന്യൂ ഇയര്‍ അവധി ആഘോങ്ങള്‍ കഴിഞ്ഞാണ് താരം ചിത്രങ്ങള്‍ പങ്കുവെച്ചത്. ഏറെ പ്രശസ്തമാണ് താരത്തിന്റെ ഫിറ്റ്‌നെസിന് വേണ്ടിയുള്ള സമ്മര്‍പ്പണം. തലമുറകളെ ഫിറ്റ്‌നെസിലേക്ക് എത്തിക്കാനുള്ള പ്രചോദനം കൂടിയാണിത്.
48ാം വയസിലെ ആബ്‌സ്
ഈ അടുത്ത കാലത്തായി വര്‍ക്കൗട്ട് ചെയ്യാന്‍ ആളുകള്‍ക്കിടയില്‍ ആവേശം അല്‍പ്പം കൂടിയിട്ടുണ്ട്. പുതുവത്സരം പ്രമാണിച്ച് നിരവധി പേരാണ് ജിമ്മില്‍ വര്‍ക്കൗട്ടുകള്‍ ആരംഭിക്കുന്നത്. 40 വയസ് കഴിഞ്ഞ് സിക്‌സ് പാക്ക് നേടാന്‍ ജിമ്മില്‍ എത്തുന്നവര്‍ ഏറ്റവും പ്രധാനമായി ശ്രദ്ധിക്കേണ്ടത് ഭക്ഷണക്രമമാണ്. ഹൃത്വിക് റോഷനെ പോലെ 48ാം വയസില്‍ എയ്റ്റ് പായ്ക്ക് വയ്ക്കാന്‍ സാധാരണക്കാര്‍ക്കും കഴിയും. പക്ഷെ ഭക്ഷണത്തില്‍ കൃത്യമായ നിയന്ത്രണം വേണമെന്നാണ് ഫിറ്റ്‌നെസ് ട്രെയ്‌നര്‍മാര്‍ അഭിപ്രായപ്പെടുന്നത്.
വര്‍ക്കൗട്ടുകളും ഭക്ഷണവും കൃത്യമായി തുടര്‍ന്നാല്‍ മാത്രമേ ഇത്തരത്തിലുള്ള ശരീരം കാത്തു സൂക്ഷിക്കാന്‍ സാധിക്കൂ. സിക്‌സ്-പാക്ക് അല്ലെങ്കില്‍ എയ്റ്റ്-പാക്ക് ആബ്‌സ് ലഭിക്കുന്നതിന് ശരീരത്തിലെ കൊഴുപ്പ് കുറഞ്ഞ ശതമാനം ആയിരിക്കണമെന്ന് രോഗ്യ വിദഗ്ധര്‍ അഭിപ്രായപ്പെടുന്നത്. ശരീരത്തിലെ കൊഴുപ്പ് കുറഞ്ഞ ശതമാനം നേടാന്‍, നിങ്ങള്‍ കര്‍ശനമായ ഭക്ഷണക്രമവും വ്യായാമ ഷെഡ്യൂളും പാലിക്കേണ്ടതുണ്ട്.
സീസണല്‍ പഴങ്ങള്‍, പച്ചക്കറികള്‍, ധാന്യങ്ങള്‍, ആരോഗ്യകരമായ കൊഴുപ്പുകള്‍, ഉയര്‍ന്ന പ്രോട്ടീന്‍ ഇനങ്ങള്‍ എന്നിവ പോലുള്ള പോഷകസമൃദ്ധമായ, മുഴുവന്‍ ഭക്ഷണങ്ങളും നിങ്ങളുടെ ഭക്ഷക്രമത്തിൽ ഉൾപ്പെടുത്തേണ്ടത് വളരെ പ്രധാനമാണ്. മൈക്രോ ന്യൂട്രിയന്റുകളും ആന്റിഓക്സിഡന്റുകൾ കൂടുതലുള്ളതും കലോറി കുറഞ്ഞതുമാണ് ഈ ഭക്ഷണങ്ങള്‍. അങ്ങനെ ശരീരഭാരം കുറയ്ക്കാനും കൊഴുപ്പ് കത്തുന്നത് വര്‍ദ്ധിപ്പിക്കാനും കഴിയും. കൂടാതെ ആവശ്യമായ നാരുകള്‍, പ്രോട്ടീന്‍, ആരോഗ്യകരമായ കൊഴുപ്പുകള്‍ എന്നിവ ഇവയിലൂടെ ലഭിക്കുന്നു. ഇവയെല്ലാം ശരീരഘടന മെച്ചപ്പെടുത്തുന്നതില്‍ പ്രധാന പങ്ക് വഹിക്കുന്നുണ്ട്.
വ്യയാമം
നല്ലൊരു ശരീരഘടന അല്ലെങ്കില്‍ സിക്‌സ് പാക്കും എയ്റ്റ് പാക്കുമൊക്കെ സ്വന്തമാക്കാന്‍ വ്യായാമം വളരെ പ്രധാനമാണ്. 40കളുടെ അവസാനത്തില്‍ എത്തുമ്പോള്‍ മെറ്റബോളിസം ഗണ്യമായി കുറയുന്നു. കൊഴുപ്പ് ഇല്ലാതാക്കുന്നത് വര്‍ധിപ്പിക്കുമ്പോള്‍ പേശികളെ നിലനിര്‍ത്താന്‍ സഹായിക്കുന്ന വ്യായാമങ്ങളാണ് ഫിറ്റ്‌നെസ് വിദഗ്ധര്‍ ശുപാര്‍ശ ചെയ്യുന്നത്. ജോഗിംഗ്, ബൈക്കിംഗ്, ബോക്‌സിംഗ് അല്ലെങ്കില്‍ നീന്തല്‍ കാര്‍ഡിയോ എയ്‌റോബിക് എന്നിവയിലൂടെ ഹൃദയമിടിപ്പ് വര്‍ധിപ്പിക്കുന്നു.
കാര്‍ഡിയോയും എയറോബിക്‌സും ഉള്‍പ്പെടുത്തുന്നത് ആബ്‌സ് ലഭിക്കാനും ഭാരം കുറയ്ക്കാനും സഹായിക്കും. ഭാരം എടുക്കുക, പുഷ് അപ്പുകള്‍, സ്‌ക്വാറ്റുകള്‍ എന്നിവ പോലുള്ള ബോഡി വെയ്റ്റ് ബോഡി വെയ്റ്റ് വ്യായാമങ്ങള്‍ ചെയ്യുന്നതും ഒരു നല്ല മാര്‍ഗമാണ്. കോര്‍ പേശികളെ ടോണ്‍ ചെയ്യാന്‍ ഉപയോഗിക്കുന്ന വ്യായാമങ്ങളും ആബ്‌സ് ലഭിക്കാന്‍ സഹായിക്കും. ക്രഞ്ചുകള്‍, പ്‌ളാക്‌സ്, സിറ്റ്-അപ്പുകള്‍ എന്നിവ ഇതില്‍ ഉള്‍പ്പെടുന്നുണ്ട്.
പിന്നെ ശ്രദ്ധിക്കേണ്ട മറ്റൊരു കാര്യം ഏത് പുതിയ വ്യായാമം ആരംഭിക്കുന്നിന് മുൻപും ആരോഗ്യ വിദഗ്ധരുടെ അഭിപ്രായം തേടേണ്ടത് വളരെ പ്രധാനമാണ്. നിങ്ങളുടെ ശരീരത്തിൻ്റെ അവസ്ഥ മനസിലാക്കി വേണം വ്യായാമം ആരംഭിക്കാൻ. മറ്റ് ശാരീരിക ബുദ്ധിമുട്ടുള്ളവർ കഠിനമായ വ്യായാമങ്ങളിൽ ഏർപ്പെടാതിരിക്കുകയോ അല്ലെങ്കിൽ കൃത്യമായ നിരീക്ഷണത്തിലൂടെ വ്യായാമം ചെയ്യുകയോ വേണം.