ഗൗതം ഖതാന എന്ന സിവില്‍ എഞ്ചിനീയര്‍ക്ക് നേരെയാണ് വെടിയുതിര്‍ത്തത്. സംഭവസമയത്ത് അക്രമി മദ്യ ലഹരിയില്‍ ആയിരുന്നെന്ന് പോലീസ് പറഞ്ഞു. വെള്ളിയാഴ്ച വൈകിട്ട് സോഹ്ന മേഖലയിലെ ഒരു കഫേയ്ക്ക് മുന്നില്‍ വെച്ചാണ് വെടിവെപ്പ് നടന്നത്. ഒരു കഫേയില്‍ നിന്ന് പുറത്തിറങ്ങിയപ്പോള്‍ മദ്യപിച്ച് ലക്കുകെട്ട അവസ്ഥയില്‍ 10 ലധികം ആളുകള്‍ അടുത്തുവരികയും കാര്‍ പാര്‍ക്ക് ചെയ്തതിനെ ചൊല്ലി വഴക്കുണ്ടാക്കുകയും ചെയ്തതായി ഗൗതം ഖതാന പരാതിയില്‍ പറയുന്നു. പ്രകോപിതരായ സംഘത്തിലെ രണ്ട് പേര്‍ തോക്കെടുത്ത് വെടിയുതിര്‍ക്കുകയായിരുന്നെന്ന് ഗൗതം പരാതിയില്‍ വ്യക്തമാക്കി.
‘ഇവിടെ കാര്‍ പാര്‍ക്ക് ചെയ്യാന്‍ ആര് പറഞ്ഞു, ഇത് ഞങ്ങളുടെ വാഹനം മാത്രം പാര്‍ക്ക് ചെയ്യാനുള്ള സ്ഥലമാണെന്ന് പറഞ്ഞ് അസഭ്യം പറഞ്ഞു’, ഗൗതം ഖതാന പറഞ്ഞു. മറ്റ് വാഹനങ്ങളൊന്നും ഇല്ലാത്തതുകൊണ്ടാണ് താന്‍ കാര്‍ പാര്‍ക്ക് ചെയ്തതെന്ന് പറഞ്ഞപ്പോള്‍ മര്‍ദിച്ച ശേഷം തനിക്ക് നേരെ വെടിയുതിര്‍ക്കുകയായിരുന്നെന്ന് ഗൗതം ഖതാന വ്യക്തമാക്കി. രണ്ട് പേരുടെ കൈയ്യില്‍ തോക്കുകള്‍ ഉണ്ടായിരുന്നു.
വെടിവെപ്പിന് ശേഷം അക്രമി സംഘം കാറിന് കേടുപാടുകള്‍ വരുത്തുകയും കഫേയില്‍ കയറി പണം തട്ടിയെടുത്തതായും ഗൗതം ആരോപിച്ചു. വിവരമറിഞ്ഞ് പോലീസ് സ്ഥലത്തെത്തിയപ്പോഴേക്കും സംഘം വാഹനങ്ങളില്‍ രക്ഷപെട്ടിരുന്നു. കഫേയ്ക്ക് മുന്നിലുള്ള സിസിടിവി ദൃശ്യങ്ങള്‍ പരിശോധിച്ച് പ്രതികളെ എത്രയും വേഗം പിടികൂടുമെന്നും പോലീസ് അറിയിച്ചു.
Read Latest National News and Malayalam News
നേര്യമംഗലത്ത് കെഎസ്ആര്‍ടിസി അപകടം