20നും 50നും ഇടയിൽ പ്രായമുള്ളവരെയാണ് മെഹർ കെണിയിൽപ്പെടുത്തിയിരുന്നത്. 30 വയസ്സിൽ താഴെയുള്ളവരാണ് തട്ടിപ്പിനിരയായവരിൽ കൂടുതലുമെന്നാണ് റിപ്പോർട്ട്. ടെലഗ്രാം വഴിയാണ് മെഹർ ഇവരുമായി പരിചയത്തിലാകുന്നത്. തുടർന്ന് ബന്ധം സ്ഥാപിച്ച് ജെപി നഗറിലുള്ള വസതിയിലേക്ക് ക്ഷണിക്കും. ഇവിടേക്കെത്തുന്ന യുവാക്കളുടെ ചിത്രം സംഘത്തിലെ മറ്റുള്ളവർക്കൊപ്പം പകർത്തുകയാണ് ഇവർ ചെയ്യുന്നത്.
Palakkad Well Chemical Change: പാലക്കാട് കിണറിനുള്ളിൽ സ്ഫോടനം
വീട്ടിലേക്കെത്തുന്നവർക്കൊപ്പം ബിക്കിനി ധരിച്ച് മെഹർ ആദ്യം സെൽഫിയെടുക്കും പിന്നാലെയാണ് സംഘത്തിലെ മറ്റുള്ളവർ ദൃശ്യം പകർത്തുന്നത്. ഇരയാക്കപ്പെടുന്നവരുടെ ഫോണിൽനിന്ന് അടുത്ത ബന്ധുക്കളുടെയും സുഹൃത്തുക്കളുടെയും നമ്പറും ഇവർ കൈക്കലാക്കും. തുടർന്ന് ഇതിലേക്ക് ചിത്രങ്ങൾ അയച്ച് കൊടുക്കുമെന്ന് പറഞ്ഞാണ് ഭീഷണിപ്പെടുത്തുന്നത്.
പറയുന്ന പണം നൽകിയില്ലെങ്കിൽ ചിത്രങ്ങൾ പുറത്തുവിടുമെന്നും യുവതിയെ വിവാഹം കഴിക്കണമെന്നുമെല്ലാമാകും ഭീഷണി. വിവാഹം കഴിക്കാൻ മതംമാറണമെന്നും ഇവർ ആവശ്യപ്പെടും. ഇതോടെ പലരും സംഘത്തിന് പണം നൽകും. അടുത്തിടെ തട്ടിപ്പിനിരയായ ഒരാൾ പോലീസിൽ പരാതി നൽകിയതോടെയാണ് ഇവർ പിടിയിലായത്.
പ്രാഥമിക അന്വേഷണത്തിൽ 12 പേർ തട്ടിപ്പിനിരയായതായി കണ്ടെത്തിയിട്ടുണ്ട്. കൂടുതൽ ആളുകൾ ഇരകളായിട്ടുണ്ടോ എന്ന കാര്യം പരിശോധിച്ചു വരികയാണ്. ബെംഗളൂരു പുട്ടനഹള്ളി പോലീസാണ് പ്രധാനപ്രതിയായ മെഹറിന്‍റെ അറസ്റ്റ് രേഖപ്പെടുത്തിയത്. മുംബൈ സ്വദേശിനിയാണ് ഇവർ.