ക്ഷേത്രഭണ്ഡാരത്തിൽ 100 കോടിയുടെ ചെക്ക്; ബാലൻസ് കണ്ട് ഞെട്ടി അധികൃതർ, നടപടിക്ക് സാധ്യത

ക്ഷേത്രഭണ്ഡാരത്തിൽ-100-കോടിയുടെ-ചെക്ക്;-ബാലൻസ്-കണ്ട്-ഞെട്ടി-അധികൃതർ,-നടപടിക്ക്-സാധ്യത

Edited by ജിബിൻ ജോർജ് | Samayam Malayalam | Updated: 25 Aug 2023, 10:08 am

ക്ഷേത്രഭണ്ഡാരത്തിൽ 100 കോടി രൂപയുടെ ചെക്ക് നിക്ഷേപിച്ച ക്ഷേത്രം അധികൃതരെ കമ്പളിപ്പിച്ച ഭക്തനെതിരെ നിയമനടപടിക്കൊരുങ്ങി ക്ഷേത്രഭാരവാഹികൾ. അക്കൗണ്ട് വിവരങ്ങൾ തേടി അധികൃതർ

100 crore cheque in temple

ഹൈലൈറ്റ്:

  • ക്ഷേത്രഭണ്ഡാരത്തിൽ 100 കോടി രൂപയുടെ ചെക്ക്.
  • പരിശോധിച്ചപ്പോൾ അക്കൗണ്ടിൽ 17 രൂപ മാത്രം.
  • അക്കൗണ്ട് വിവരങ്ങൾ തേടി അധികൃതർ.
വിശാഖപട്ടണം: ക്ഷേത്രഭണ്ഡാരത്തിൽ 100 കോടി രൂപയുടെ ചെക്ക് നിക്ഷേപിച്ച് ക്ഷേത്രം അധികൃതരെ കമ്പളിപ്പിച്ച് ഭക്തൻ. ആന്ധ്രപ്രദേശിലെ പ്രശസ്തമായ സിംഹാചലം ശ്രീ വരാഹലക്ഷ്മി നരസിംഹ സ്വാമി ക്ഷേത്രത്തിലാണ് ചെക്ക് ലഭിച്ചത്. ചെക്ക് മാറ്റാൻ ബാങ്കിൽ എത്തിയപ്പോഴാണ് കമ്പളിപ്പിക്കപ്പെട്ടതായി ക്ഷേത്രഭാരവാഹികൾ മനസിലാക്കിയത്. അക്കൗണ്ടിൽ 17 രൂപ മാത്രമാണുണ്ടായിരുന്നത്.

കേരളത്തിന് ഓണസമ്മാനം; രണ്ടാമത്തെ വന്ദേ ഭാരത് ഉടൻ എത്തിയേക്കും, ട്രെയിനുകളുടെ സമയക്രമത്തിൽ മാറ്റംവരുത്തി റെയിൽവേ
ക്ഷേത്രഭണ്ഡാരത്തിൽ നിന്ന് ലഭിച്ച ചെക്കിൻ്റെ ചിത്രങ്ങൾ സമൂഹമാധ്യമങ്ങളിൽ വൈറലാണ്. കൊട്ടക് മഹീന്ദ്രയുടെ ബാങ്കിൻ്റെ പേരിലുള്ള ചെക്കാണ് ഭണ്ഡാരത്തിൽ നിന്ന് ലഭിച്ചത്. ബൊഡ്ഡെപള്ളി രാധാകൃഷ്ണ എന്നയാളാണ് 100 കോടി രൂപയുടെ ചെക്കിൽ ഒപ്പിട്ടിരിക്കുന്നത്. ചെക്കിൽ ഭക്തൻ തീയതി എഴുതിയിരുന്നില്ല. മഹീന്ദ്രയുടെ വിശാഖപട്ടണം ബ്രാഞ്ചിൽ നിന്നാണ് ഇയാൾ അക്കൗണ്ട് എടുത്തതെന്നാണ് റിപ്പോർട്ട്.

Bus strike in kozhikode: വടകര, തൊട്ടിൽപ്പാലം, തലശ്ശേരി റൂട്ടിൽ സ്വകാര്യ ബസ് പണിമുടക്ക്

100 കോടി രൂപയുടെ ചെക്കുമായി ബാങ്കിൽ എത്തിയപ്പോഴാണ് കമ്പളിപ്പിക്കപ്പെട്ടതായി ക്ഷേത്രഭാരവാഹികൾ മനസിലാക്കിയത്. ചെക്ക് സ്വീകരിച്ച ബാങ്ക് അധികൃതർ അക്കൗണ്ട് പരിശോധിച്ചപ്പോഴാണ് അക്കൗണ്ടിലുള്ളത് 17 രൂപ മാത്രമാണുള്ളതെന്ന് മനസിലായത്. അക്കൗണ്ട് വിവരങ്ങൾ പരിശോധിച്ച് ചെക്ക് നിക്ഷേപിച്ചയാളെ കണ്ടെത്താനുള്ള ശ്രമത്തിലാണ് ക്ഷേത്രഭാരവാഹികൾ.

ക്ഷേത്രം ഭാരവാഹികളെ കമ്പളിപ്പിക്കാൻ ബോധപൂർവം നടത്തിയ ശ്രമം ആണെന്ന് വ്യക്തമായാൽ ഇയാൾക്കെതിരെ ചെക്ക് മടങ്ങിയതിന് കേസെടുക്കും. ചെക്കിലെ അക്കൗണ്ട് നമ്പർ ഉടമയെ കണ്ടെത്താൻ ബാങ്കിന് കത്തെഴുതാനൊരുങ്ങുകയാണ് ക്ഷേത്രം അധികൃതർ. കമ്പളിപ്പിക്കാൻ ബോധപൂർവം ശ്രമം നടത്തിയതാണെന്ന് വ്യക്തമായാൽ ചെക്ക് മടങ്ങിയതിന് നടപടി സ്വീകരിക്കാൻ ബാങ്കിനോട് ആവശ്യപ്പെടും.

പ്രദേശത്ത് ഓറഞ്ച് നിറത്തിൽ പുക, 18 പേരെ ആശുപത്രിയിൽ പ്രവേശിപ്പിച്ചു; വാതകം ചോർന്നത് കെമിക്കൽ ഫാക്ടറിയിൽ നിന്ന്
ക്ഷേത്രഭണ്ഡാരത്തിലെ ചെക്കിൻ്റെ ചിത്രങ്ങൾ സമൂഹമാധ്യമങ്ങളിൽ വൈറലായതോടെ പരിഹാസവുമായി നിരവധിയാളുകൾ രംഗത്തുവന്നു. ഈ നടപടി ദൈവകോപം ക്ഷണിച്ചുവരുത്തുമെന്ന് ചിലർ അഭിപ്രായപ്പെട്ടപ്പോൾ കാര്യം സാധിക്കുന്നതിന് ദൈവത്തിന് മുൻകൂറായി പണം നൽകിയതാണെന്ന് പരിഹസിച്ചു. തുറമുഖ നഗരത്ത് സ്ഥിതി ചെയ്യുന്ന ശ്രീ വരാഹലക്ഷ്മി നരസിംഹ സ്വാമി ക്ഷേത്രം ആന്ധ്രപ്രദേശിലെ പ്രശസ്തമായ ക്ഷേത്രങ്ങളിൽ ഒന്നാണ്.

Read Latest National News and Malayalam News

ജിബിൻ ജോർജ് നെ കുറിച്ച്

ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ

ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

Exit mobile version