പ്രമേഹമുള്ളവർക്ക് കഴിക്കാൻ പറ്റിയ ചില ഫ്രൂട്ട്സ്

മാതളം

ചർമ്മത്തിനും ആരോഗ്യത്തിനുമൊക്കെ ഏറെ നല്ലതാണ് മാതളം. മാതളം കഴിക്കുന്നത് പല തരത്തിലുള്ള ആരോഗ്യ ഗുണങ്ങൾ നൽകാറുണ്ട്. പൊതുവെ ഗ്ലൈസിമിക് ഇൻഡക്സ് മാതളത്തിൽ വളരെ കുറവാണ്. ഫ്രീ റാഡികലുകളിൽ നിന്ന് സംരക്ഷണം നൽകുന്ന ആൻ്റി ഓക്സിഡൻ്റുകൾ, ഫൈബർ എന്നിവയെല്ലാം ഇതിൽ ധാരാളമായി അടങ്ങിയിട്ടുണ്ട്. മാത്രമല്ല പ്രതിരോധ ശക്തി കൂട്ടുന്ന വൈറ്റമിൻ സിയാലും സമ്പുഷ്ടമാണ് മാതളം.

Fruits for Diabetes: പ്രമേഹമുണ്ടെങ്കിൽ കഴിക്കാം ഈ പഴങ്ങൾ

​

​

ബെറീസ്

ബ്ലൂബെറി, സ്ട്രോബറി, ബ്ലാക് ബെറി എന്നിവയ്ക്ക് എല്ലാം നല്ല രുചിയുണ്ടെങ്കിലും വളരെ കുറവ് മാത്രമാണ് ഇതിൽ എല്ലാം പഞ്ചസാര അടങ്ങിയിട്ടുള്ളത്. പഞ്ചസാര കുറവായത് കൊണ്ട് തന്നെ എപ്പോഴും പ്രമേഹ രോഗികൾക്ക് കഴിക്കാൻ പറ്റിയ മികച്ച ഓപ്ഷനാണ് ബെറീസ്. ഗ്ലൈസിമിക് ഇൻഡക്സും അതുപോലെ കാർബോഹൈഡ്രേറ്റ്സും പൊതുവെ വളരെ കുറവാണ് ബെറീസിൽ.

മുന്തിരിങ്ങ

പല നിറത്തിലുള്ള മുന്തിരങ്ങ വിപണിയിൽ ലഭ്യമാണ്. മുന്തിരിങ്ങയിൽ നാര് വളരെ കുറവാണ്. അതുപോലെ ആൻ്റി ഓക്സിഡൻ്റുകളാൽ സമ്പന്നമായത് കൊണ്ട് തന്നെ മുന്തിരി ഹൃദയത്തിനും ഏറെ നല്ലതാണ്. മാത്രമല്ല ഇതിൽ അടങ്ങിയിരിക്കുന്ന പോളിഫിനോൾസ്, ഫ്ലേവനോയ്ഡുകൾ എന്നിവ പ്രമേഹം നിയന്ത്രിക്കാൻ ഏറെ നല്ലതാണ്. പ്രമേഹ രോഗികൾക്ക് ഒരു പേടിയും കൂടാതെ ഇത് കഴിക്കാവുന്നതാണ്.

നേന്ത്രപ്പഴം

വാഴപ്പഴത്തിൽ ധാരാളം പൊട്ടാസ്യം അടങ്ങിയിട്ടുണ്ട്. പ്രമേഹമുള്ളവർക്ക് വാഴപ്പഴം ഏറെ അനുയോജ്യമാണ്. പൊട്ടാസ്യം, മഗ്നീഷ്യം മുതൽ ഫോസ്ഫറസ് കൂടാതെ മിതമായ അളവിൽ നാരുകൾ വരെയുള്ള പ്രധാന പോഷകങ്ങളുടെ ഉറവിടമാണ് വാഴപ്പഴം. രക്തത്തിലെ പഞ്ചസാര കൂടാതിരിക്കാൻ മറ്റ് ഭക്ഷണത്തിനൊപ്പം വാഴപ്പഴം കഴിക്കാൻ ശ്രമിക്കുക.

ഓറഞ്ച്

ഓറഞ്ച് ഇഷ്ടമില്ലാത്തവരായി ആരും കാണില്ല. പ്രമേഹ രോഗികൾക്ക് ഓറഞ്ച് കഴിക്കാമോ എന്നാണ് പലർക്കും സംശയം. ഇതിൽ ധാരാളം വൈറ്റമിൻ സിയും ആൻ്റി ഓക്സിഡൻ്റുകളും അടങ്ങിയിട്ടുണ്ട്. പഞ്ചസാര കുറവാണെങ്കിലും പ്രകൃതിദത്തമായ മധുരമുള്ളതിനാൽ കഴിക്കുമ്പോൾ അൽപ്പം ശ്രദ്ധിക്കണം. സ്നാക്സായിട്ടോ അല്ലെങ്കിൽ സാലഡിലോ ഓറഞ്ച് ഉൾപ്പെടുത്തി കഴിക്കാവുന്നതാണ്. പ്രമേഹമുള്ളവർക്ക് മധുരം കഴിക്കാൻ തോന്നുമ്പോൾ കഴിക്കാൻ പറ്റുന്നതാണ് ഓറഞ്ചുകൾ.