ശരീരത്തിലെ യൂറിക് ആസിഡ് കുറയ്ക്കാനുള്ള ചില വഴികൾ

ധാരാളം വെള്ളം കുടിക്കുക

ശരീരത്തിലെ വിഷാംശങ്ങളും യൂറിക് ആസിഡും പുറന്തള്ളുക എന്നതാണ് വൃക്കകളുടെ ജോലി. ശരീരത്തിന്റെ 70% വെള്ളത്താൽ നിറഞ്ഞിരിക്കുകയാണ്. എന്നിരുന്നാലും, വൃക്കകൾ നന്നായി പ്രവർത്തിക്കാൻ ഡോക്ട‍ർമാർ നിർദേശിക്കുന്നത് പോലെ എല്ലാ ദിവസവും കുറച്ച് അധികം വെള്ളം കുടിക്കുന്നത് നല്ലതാണ്. ഇത് വൃക്കകളുടെ പ്രവർത്തനം വർദ്ധിപ്പിക്കുകയും ആരോഗ്യകരമായ രീതിയിൽ ശരീരത്തിൽ നിന്ന് അനാവശ്യമായ യൂറിക് ആസിഡ് നീക്കം ചെയ്യുകയും ചെയ്യുന്നു. ഇത് വൃക്കയിലെ കല്ലുകൾ ഉണ്ടാകുന്നത് തടയുന്നു.

തൈര് കഴിച്ചാൽ ലഭിക്കുന്ന ഗുണങ്ങൾ ഇവയാണ്

​

​

മധുരം

പഴങ്ങളിലും തേനിലും സ്വാഭാവിക മധുരം അടങ്ങിയിട്ടുണ്ട്. ഇവ കഴിക്കുന്നത് നിങ്ങൾക്ക് പ്യൂരിനുകൾ നൽകുകയും യൂറിക് ആസിഡ് ഉത്പാദിപ്പിക്കുകയും ചെയ്യും. അതുകൊണ്ട് ഇത്തരക്കാർ പ്രകൃതിദത്തമായ പഞ്ചസാര അടങ്ങിയ ഭക്ഷണങ്ങളിൽ നിന്ന് വിട്ടുനിൽക്കുന്നത് വളരെ നല്ലതാണ്. മധരും കഴിക്കുന്നത് നിയന്ത്രിക്കാൻ ശ്രമിക്കേണ്ടതും വളരെ പ്രധാനമാണ്.

പ്യൂരിൻ കുറഞ്ഞ ഭക്ഷണങ്ങൾ

കുറഞ്ഞ പ്യൂരിൻ അടങ്ങിയ ഭക്ഷണങ്ങൾ കഴിക്കാൻ ശ്രമിക്കുക. ശരീരത്തിൽ നടക്കുന്ന രാസപ്രക്രിയയുടെ ഫലമായാണ് യൂറിക് ആസിഡ് ഉണ്ടാകുന്നത്. പ്യൂരിൻ അടങ്ങിയ ഭക്ഷണങ്ങൾ കുറയ്ക്കുകയാണ് ഇതിൽ ഏറ്റവും നല്ല മാർഗം. മാംസം, മത്സ്യം, ചില പച്ചക്കറികൾ എന്നിവയിൽ പ്യൂരിൻ വളരെ കൂടുതലാണ്. അത്തരം ഭക്ഷണങ്ങൾ കഴിച്ചതിനുശേഷം, അവ ദഹിക്കുകയും യൂറിക് ആസിഡ് നിങ്ങളുടെ ശരീരത്തിൽ ഉത്പാദിപ്പിക്കപ്പെടുകയും ചെയ്യുന്നു. അതുകൊണ്ട് ഇത്തരം ഭക്ഷണങ്ങൾ പരമാവധി ഒഴിവാക്കുക.

മദ്യം ഒഴിവാക്കുക

മദ്യം കഴിക്കുന്നത് ശരീരത്തിലെ ജലാംശം കുറയ്ക്കുകയും നിർജ്ജലീകരണത്തിലേക്ക് നയിക്കുകയും ചെയ്യുന്നു. കൂടാതെ, ചില പാനീയങ്ങളിൽ പ്യൂരിൻ അടങ്ങിയിട്ടുണ്ട്. മദ്യം പതിവായി കഴിക്കുന്നത് ശരീരത്തിൽ കൂടുതൽ യൂറിക് ആസിഡ് ഉണ്ടാക്കുന്നു എന്നാണ്. പ്യൂരിനുകൾ കുറവുള്ള മദ്യം കഴിച്ചാലും അത് നിങ്ങളുടെ ശരീരത്തിൽ അടിഞ്ഞുകൂടാൻ സാധ്യതയുണ്ട്. അതുകൊണ്ട് പരമാവധി മദ്യത്തിൽ നിന്ന് വിട്ടുനിൽക്കുക.