അമിതഭാരം മുതൽ പ്രമേഹം വരെ പിടിച്ച് കെട്ടാൻ കുമ്പളങ്ങ ജ്യൂസ് മതി

വിഷാംശം പുറന്തള്ളുന്നു

നമ്മൾ അറിയാതെ തന്നെ ശരീരത്തിൽ ധാരാളം ടോക്സിനുകൾ അടിഞ്ഞ് കൂടാറുണ്ട്. ധാരാളം വെള്ളം കുടിക്കുന്നതിലൂടെ ഇവയെ ഒക്കെ പുറന്തള്ളാൻ സാധിക്കുമെന്ന് എല്ലാവർക്കുമറിയാം. അതുപോലെ കുമ്പളങ്ങ ജ്യൂസ് കുടിക്കുന്നത് ശരീരത്തിലെ മാലിന്യത്തെയും മൂത്രത്തിലൂടെ ടോക്സിനുകളെയും പുറന്തള്ളാൻ ഏറെ സഹായിക്കും. ശരീരത്തിലെ ജലാംശം നിലനിർത്താനും ഇതൊരു മികച്ച മാർഗമാണ്. പകുതിയോളം രോഗങ്ങളെ ചെറുക്കാൻ ശരീരത്തിൽ ജലാംശം ഉണ്ടെങ്കിൽ സാധിക്കും.

​Fruits for Diabetes: പ്രമേഹമുണ്ടെങ്കിൽ കഴിക്കാം ഈ പഴങ്ങൾ

​

​

പ്രമേഹം നിയന്ത്രിക്കാൻ

​പ്രമേഹം നിയന്ത്രിക്കാനുള്ള നല്ലൊരു മരുന്നാണ് കുമ്പളങ്ങ ജ്യൂസ് എന്ന് തന്നെ പറയാം. പ്രമേഹ രോഗികൾക്ക് ധൈര്യമായി ഇത് കഴിക്കാവുന്നതാണ്. പ്രവർത്തനം നിലച്ചു പോയ ഇൻസുലിൻ ഉല്പാദന കോശങ്ങളെ പുനർജ്ജീവിപ്പിക്കുന്നതിനും കുമ്പളങ്ങ ജ്യൂസ് ഏറെ നല്ലതാണ്. ഇൻസുലിൻ കുത്തിവയ്പ്പ് കുറയ്ക്കാനും ഇത് സഹായിക്കും. ഇതിൽ അടങ്ങിയിരിക്കുന്ന പ്രകൃതിദത്തമയാ മധുരം ദിവസം മുഴുവൻ ഊർജ്ജസ്വലരായി ഇരിക്കാനും ഏറെ സഹായിക്കും എന്നതാണ് മറ്റൊരു പ്രത്യേകത.

ദഹന പ്രശ്നങ്ങൾ

ദഹന പ്രശ്നങ്ങൾ ഇല്ലാതാക്കാനുള്ള മികച്ച വഴിയാണ് കുമ്പളങ്ങ ജ്യൂസ് കുടിക്കുന്നത്. വള്ളി സസ്യങ്ങളിലെ ഏറ്റവും കേമനാണ് കുമ്പളങ്ങ എന്ന് തന്നെ പറയാം. രാവിലെ വെറും വയറ്റിൽ കുമ്പളങ്ങ ജ്യൂസ് കുടിക്കുന്നത് ദഹന പ്രശ്നങ്ങൾ, മലബന്ധം പോലെയുള്ളവ ഇല്ലാതാക്കാൻ ഏറെ സഹായിക്കും. ആമാശയത്തിൻ്റെ പ്രവർത്തനങ്ങളെ സുഗമമാക്കാൻ ഏറെ നല്ലതാണ് കുമ്പളങ്ങ ജ്യൂസ്. ഇതിലെ ഫൈബറിൻ്റെ ഗുണങ്ങളാണ് മലബന്ധ പ്രശ്നങ്ങൾ ഇല്ലാതാക്കാൻ സഹായിക്കുന്നത്.

ഭാരം നിയന്ത്രിക്കാം

ശരീരത്തിലെ കൊഴുപ്പ് നീക്കം ചെയ്യാൻ ഏറെ നല്ലതാണ് കുമ്പളങ്ങ ജ്യൂസ്. അമിതഭാരം നിയന്ത്രിക്കാൻ ഏറെ നല്ലതാണ് കുമ്പളങ്ങ ജ്യൂസ്. കുറഞ്ഞ കലോറിയും ഉയർന്ന ജലാംശവും കാരണം ശരീരഭാരം നിയന്ത്രിക്കാനുള്ള ശ്രമങ്ങളെ ഇത് ഏറെ സഹായിക്കും. രാവിലെ എഴുന്നേൽക്കുമ്പോൾ വെറും വയറ്റിൽ ഇത് കുടിക്കുന്നതാണ് ശരീരഭാരം നിയന്ത്രിക്കാൻ ഏറ്റവും നല്ലത്. മാത്രമല്ല ശരീരത്തിലെ എൽഡിഎൽ കൊളസ്ട്രോൾ കുറച്ച് എച്ഡിഎൽ കൊളസ്ട്രോൾ നിലനിർത്താനും ഇത് ഏറെ നല്ലതാണ്.