കുങ്കുമഭംഗിയിൽ തിളങ്ങും രണ്ടാം വന്ദേ ഭാരത്, സാധ്യത മം​ഗലാപുരം – എറണാകുളം റൂട്ടിന്, റേക്ക് ഉടൻ എത്തും

തിരക്കുള്ള തിരുവനന്തപുരം – മംഗളൂരു റൂട്ടിലെ ചില ട്രെയിനുകളുടെ സമയക്രമം റെയിൽവേ മാറ്റിയിരുന്നു. പുതിയ വന്ദേ ഭാരത് എത്തുന്നതിൻ്റെ ഭാഗമാണ് ഈ സമയമാറ്റം. സർവീസ് ആരംഭിക്കുന്നതിന് മുന്നോടിയായി ലോക്കോ പൈലറ്റുമാർ ഉൾപ്പെടെയുള്ള ജീവനക്കാർക്ക് ചെന്നൈയിൽ പരിശീലനം നൽകിത്തുടങ്ങി. മംഗളൂരുവിൽ പിറ്റ്‌ലൈനും സജ്ജമാക്കി. കേരളത്തിന് രണ്ടാം വന്ദേ ഭാരത് ട്രെയിൻ ലഭിക്കുമെന്ന റിപ്പോർട്ടുകൾ ശക്തമായിരുന്നു. ഇതിന് പിന്നാലെയാണ് സംസ്ഥാനത്തിന് രണ്ടാമതും വന്ദേ ഭാരത് അനുവദിച്ചിരിക്കുന്നത്.

നിലവിൽ വന്ദേ ഭാരത് (20634) തിരുവനന്തപുരത്തുനിന്ന് പുലർച്ചെ 5.20നാണ് പുറപ്പെടുന്നത്. ഉച്ചയ്ക്ക് 1.20ന് ട്രെയിൻ കാസർകോട്ട് എത്തും. രണ്ടാമത്തെ വന്ദേഭാരത് ട്രെയിനിന് ഈ സമയം നൽകാനാണ് ആലോചന. ഉച്ചയ്ക്ക് തിരുവനന്തപുരത്ത് എത്തുന്ന ട്രെയിൻ രണ്ടുമണിയോടെ പുറപ്പെട്ട് രാത്രി 11 മണിയോടെ മംഗളൂരുവിലെത്തും.

Also Read: ഇത്തവണ പുലിക്കളിയില്‍ അഞ്ച് ടീമുകള്‍; വിവിധ ദേശക്കാരുടെ ചമയ പ്രദര്‍ശനം; സമ്മാനത്തുക ഇങ്ങനെ

രണ്ടാം വന്ദേ ഭാരത് ട്രെയിൻ എത്തുന്നതിൻ്റെ മുന്നോടിയായി തിരുവനന്തപുരം – കണ്ണൂർ ജനശതാബ്ദി (12082), ആലപ്പുഴ – കണ്ണൂർ എക്സിക്യൂട്ടീവ് (16307) ട്രെയിനുകളുടെ സമയക്രമമാണ് പുനഃക്രമീകരിച്ചത്. കേരളത്തിന് രണ്ടാം വന്ദേഭാരത് ട്രെയിൻ അനുവദിക്കുമെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ് ഉറപ്പ് നൽകിയതായി ബിജെപി സംസ്ഥാന അധ്യക്ഷൻ കെ സുരേന്ദ്രൻ മുൻപ് വ്യക്തമാക്കിയിരുന്നു. ട്വിറ്ററിലൂടെയായിരുന്നു സുരേന്ദ്രൻ ഇക്കാര്യം വ്യക്തമാക്കിയിരുന്നത്.

Read Latest Kerala News and Malayalam News