മുടി വളരാനും വയര്‍ ക്ലീനാകാനും കരിഞ്ചീരകം ഇങ്ങനെ കഴിയ്ക്കാം….

ഇതുപോലെ മുടി പോകുന്നതും മുടി വളരാത്തതും പലരേയും അലട്ടുന്ന പ്രധാനപ്പെട്ട പ്രശ്‌നമാണ്. ഇതിനും കാരണങ്ങള്‍ പലതുണ്ടാകാം. നാം കഴിയ്ക്കുന്ന ഭക്ഷണത്തിന്റെ പോരായ്മകള്‍ അടക്കം പലതും ഇതിനു പ്രശ്‌നമാണ്. മുടിയുടെ പല പ്രശ്‌നങ്ങള്‍ക്കും കൃത്രിമ വഴികള്‍ ഗുണം നല്‍കില്ലെന്നതാണ് വാസ്തവം. മുടി പ്രശ്‌നങ്ങള്‍ക്കും വയറിന്റെ ആരോഗ്യത്തിനും, അതായത് വയറ്റിലെ നല്ല ബാക്ടീരിയകളുടെ വളര്‍ച്ചയ്ക്കുമെല്ലാം ഏറെ ഗുണം നല്‍കുന്ന ഒന്നാണ് കരിഞ്ചീരകം അഥവാ കലോഞ്ചി അഥവാ ബ്ലാക് സീഡ്‌സ്.

കൈകളിലെ കരുവാളിപ്പിന് പരിഹാരം

ഏറെ ആരോഗ്യ ഗുണങ്ങള്‍ ഉള്ള ഒന്നാണ് കരിഞ്ചീരകം. പല രോഗങ്ങള്‍ക്കുമുള്ള മരുന്നാണ് ഇത്. കൊളസ്‌ട്രോള്‍, പ്രമേഹ രോഗങ്ങള്‍ക്കുള്ള നല്ലൊരു മരുന്നാണ് ഇത്. കരള്‍ ആരോഗ്യത്തിന് ഏറെ നല്ലതാണ്. കാൽസ്യത്തിന്റെ നല്ല ഉറവിടം കൂടിയാണ്, ഇത്. ആരോഗ്യകരമായ ഭാരം നിലനിർത്താനും അമിതവണ്ണത്തിനെതിരെ പോരാടാനും സഹായിക്കുന്നു. കുടലിലെ നല്ല ബാക്ടീരിയകളുടെ വളര്‍ച്ചയ്ക്ക് ഇതേറെ നല്ലതാണ്.

ഇത് ചര്‍മത്തിനും മുടിയുടെ ആരോഗ്യത്തിനുമെല്ലാം ഏറെ ഗുണകരമാണ്. മുടി വളരാനും നര ഒഴിവാക്കാനും ഇതേറെ നല്ലതാണ്. കരിഞ്ചീരകം ഇട്ട് എണ്ണ കാച്ചിത്തേയ്ക്കുന്നത് പണ്ടു മുതല്‍ തന്നെയുളള പതിവാണ്. ഇത് ചർമ്മത്തെ മോയ്സ്ചറൈസ് ചെയ്യുകയും വരണ്ട ചർമ്മത്തിന് ആവശ്യമായ ജലാംശം നൽകുകയും ചെയ്യുന്നു. ആൻറി ബാക്ടീരിയൽ ഗുണങ്ങൾ നമ്മുടെ മുഖത്തെ മുഖക്കുരുവിന് കാരണമാകുന്ന ബാക്ടീരിയകളെ അകറ്റാൻ സഹായിക്കുന്നു, അതിനാൽ മുഖക്കുരു ഇല്ലാതാവുന്നു.

വയറിന്റെ ആരോഗ്യത്തിനും മുടി വളരാനും കൊഴിയാതിരിയ്ക്കാനുമെല്ലാം കരിഞ്ചീരകം പ്രത്യേക രീതിയില്‍ ഉപയോഗിയ്ക്കുന്നത് ഗുണം നല്‍കും. ഒരു ഗ്ലാസ് ചൂടുവെള്ളത്തില്‍ ഒരു ടീസ്പൂണ്‍ കരിഞ്ചീരകം ഇട്ട് അടച്ച് വയ്ക്കുക. അര മണിക്കൂര്‍ ശേഷം ഇത് ഇളംചൂടാകുമ്പോള്‍ എടുത്ത് കുടിയ്ക്കാം. ഇത് ഏറെ ഗുണം നല്‍കും. കരിഞ്ചീരകം ചവച്ചരച്ച് കഴിയ്ക്കുന്നതും ഏറെ നല്ലതാണ്. ഇതിന് സാധിയ്ക്കാതെ വരുന്നവര്‍ ഈ വെള്ളം മാത്രം കുടിച്ചാലും മതിയാകും. ഇത് ആഴ്ചയില്‍ രണ്ട് മൂന്നു ദിവസം രാത്രിയില്‍ കഴിച്ചാല്‍ മതിയാകും.