കുതിർത്ത അത്തിപ്പഴം കഴിച്ചാൽ പലതുണ്ട് ഗുണങ്ങൾ

അമിതവണ്ണം കുറയ്ക്കാൻ

ശരീരഭാരം കുറയ്ക്കാൻ പലരും ധാരാളം കഷ്ടപ്പെടാറുണ്ട്. ഭക്ഷണക്രമവും വ്യായാമവും പിന്തുടരുന്നതിന് അമിതവണ്ണം കുറയ്ക്കാൻ ഏറെ നല്ലതാണ്. ഫൈബർ ധാരാളമായി അടങ്ങിയിരിക്കുന്ന അത്തിപ്പഴം കഴിക്കുന്നത് അമിതവണ്ണം കുറയ്ക്കാൻ ശ്രമിക്കുന്നവർക്ക് ഏറെ നല്ലതാണ്. കൃത്യമായൊരു അളവിൽ വേണം അത് കഴിക്കാൻ അല്ലാത്ത പക്ഷം അമിതവണ്ണം കൂടാനുള്ള സാധ്യത വളരെ വലുതാണ്.

​ഭാരം കുറക്കുന്നത് സംബന്ധിച്ച ചില കെട്ടുകഥകളും അവയുടെ സത്യവും നോക്കാം

​

​

ചർമ്മത്തിന് നല്ലതാണ്

അത്തിപ്പഴം രാത്രി കുതിർത്ത വെള്ളം രാവിലെ കുടിക്കുന്നത് നമ്മുടെ ശരീരത്തിലെ വിഷാംശം നീക്കം ചെയ്യുന്നു.
ഇത് നമ്മുടെ ചർമ്മത്തിന് തിളക്കം വർദ്ധിപ്പിക്കുകയും നമ്മുടെ പല ചർമ്മ പ്രശ്നങ്ങൾക്കും പരിഹാരം കാണുകയും ചെയ്യുന്നു. അങ്ങനെ നിങ്ങളുടെ സൗന്ദര്യം വർദ്ധിക്കും

മലബന്ധം പ്രതിരോധിക്കുന്നു

അത്തിപ്പഴത്തിൻ്റെ പ്രധാന ഗുണങ്ങളിലൊന്നാണ് മലബന്ധം ഇല്ലാതാക്കുന്നത്. രാവിലെ വെറും വയറ്റിൽ അത്തിപ്പഴം കുതിർത്ത വെള്ളം കുടിക്കുന്നത് മലബന്ധം ഒഴിവാക്കും. ഇതിൽ അടങ്ങിയിരിക്കുന്ന വ്യത്യസ്ത തരത്തിലുള്ള ഫൈബറാണ് ഇതിന് സഹായിക്കുന്നത്. ചിലർ അമിതമായി ദഹന പ്രശ്നങ്ങൾ അനുഭവിക്കാറുണ്ട് അത് മാറ്റാൻ അത്തിപ്പഴം ഏറെ സഹായിക്കും.

പ്രമേഹം നിയന്ത്രിക്കും

അത്തിപ്പഴത്തിൽ ധാരാളമായി പൊട്ടാസ്യം അടങ്ങിയിട്ടുണ്ട്. ഇത് ആരോഗ്യത്തിന് ഏറെ നല്ലതാണ്. രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഈ പൊട്ടാസ്യം വളരെയധികം സഹായിക്കും. പ്രത്യേകിച്ച് ടൈപ്പ് 2 പ്രമേഹം നിയന്ത്രിക്കാൻ ഇത് ഏറെ നല്ലതാണ്. മാത്രമല്ല ഇതിൽ അടങ്ങിയിരിക്കുന്ന ഒമേഗ 6 ഫാറ്റി ആസിഡും ഫീനോളും ഹൃദയാരോഗ്യത്തിന് ഏറെ നല്ലതാണ്.

പ്രത്യുത്പാദന ശേഷി കൂട്ടും

സ്ത്രീകളുടെ പ്രത്യുത്പാദന ശേഷി കൂട്ടാൻ ഏറെ നല്ലതാണ് അത്തിപ്പഴം. ആർത്തവ വിരാമത്തിന് ശേഷം നേരിടുന്ന പല പ്രശ്നങ്ങളും എളുപ്പത്തിൽ മാറ്റാൻ അത്തിപ്പഴം സഹായിക്കും. ഇതിൽ സിങ്ക്, മഗ്നീഷ്യം, ഇരുമ്പ് തുടങ്ങിയവയെല്ലാം ധാരാളമായി അടങ്ങിയിട്ടുണ്ട്. മാത്രമല്ല ഹോർമോൺ വ്യതിയാനങ്ങൾ മാറ്റാനും കുതിർത്ത അത്തിപ്പഴം കഴിക്കുന്നത് ഏറെ നല്ലതാണ്.