ചെങ്കണ്ണ് മാറ്റാൻ ആയുർവേദം പറയുന്ന ചില പരിഹാര മാർഗങ്ങൾ

മഞ്ഞൾ

അടുക്കളയിൽ കറിക്ക് ഉപയോഗിക്കുന്ന മഞ്ഞൾ ആളൊരു കേമനാണെന്ന് തന്നെ പറയാം. പല രോഗങ്ങൾക്കും അതുപോലെ ചർമ്മം സംരക്ഷണത്തിനും മഞ്ഞൾ ഏറെ നല്ലതാണ്. മഞ്ഞളിന് ആൻ്റി ഇൻഫ്ലമേറ്ററി ആൻ്റി മൈക്രോബയൽ ഗുണങ്ങൾ ധാരാളമുണ്ട്. അൽപ്പം വെള്ളത്തിൽ മഞ്ഞൾ കലക്കിയ ശേഷം ഒരു നല്ല വ്യത്തിയുള്ള കോട്ടൺ തുണി ഇതിൽ മുക്കി വയ്ക്കുക. ഈ തുണി ഉപയോഗിച്ച് കണ്ണും അതിന് ചുറ്റ്പാടും തുടയ്ക്കുന്നത് ഇൻഫെക്ഷൻ കുറയ്ക്കാൻ സഹായിക്കും.

കണ്ണിനെ കാക്കാന്‍ ഈ ആഹാരങ്ങള്‍ കഴിക്കണം

​

​

കോൾഡ് കംപ്രസ്

പൊതുവെ കണ്ണിന് അസുഖങ്ങൾ വരുമ്പോൾ എല്ലാവരും ചെയ്യുന്നതാണ് തണുപ്പ് വയ്ക്കുന്നത്. കണ്ണിന് മുകളിൽ തണുത്ത തുണിയോ അല്ലെങ്കിൽ തുണിയിൽ പൊതിഞ്ഞ് ഐസ് പായ്ക്കോ വയ്ക്കുന്നതിനെയാണ് കോൾഡ് കംപ്രസ് എന്ന് പറയുന്നത്. കണ്ണുകൾക്ക് നല്ല സുഖവും അതുപോലെ റിലാക്സേഷനും നൽകാൻ ഈ രീതി വളരെ മികച്ചതാണ്. തണുപ്പിച്ച വെള്ളരിക്ക കണ്ണിന് മുകളിൽ വയ്ക്കുന്നതും നല്ലതാണ്.

റോസ് വാട്ടർ

കണ്ണ് കഴുകാൻ റോസ് വാട്ടർ ഉപയോഗിക്കുന്നതും ഏറെ നല്ലതാണ്. നല്ല തണുപ്പ് കിട്ടാനും അതുപോലെ ആശ്വാസം നൽകാനും റോസ് വാട്ടർ ഏറെ സഹായിക്കും. ചെങ്കണ്ണ് മൂലം ഉണ്ടാകുന്ന കണ്ണിലെ തടിപ്പ് മാറ്റാൻ ഇത് ഏറെ നല്ലതാണ്. കോട്ടൺ ബോളുകൾ റോസ് വാട്ടറിൽ മുക്കി വച്ച ശേഷം കണ്ണിന് മുകളിൽ വയ്ക്കാവുന്നതാണ്. കണ്ണ് അടച്ചിട്ട് വേണം ഇത് വയ്ക്കാൻ. ദിവസവും രണ്ടോ മൂന്നോ പ്രാവശ്യം ഇത് ചെയ്യാവുന്നതാണ്.

ത്രിഫല

ആയുർവേദത്തിൽ പല രോഗങ്ങൾക്കുമുള്ള പരിഹാരമാണ് ത്രിഫല. കണ്ണ് കഴുകാൻ ത്രിഫല ഉപയോഗിക്കുന്നത് ഏറെ നല്ലതാണ്. ഒരു ഗ്ലാസ് വെള്ളത്തിൽ അര സ്പൂൺ ത്രിഫല പൊടിയിട്ട് കലക്കി ഒരു രാത്രി വയ്ക്കുക. അടുത്ത ദിവസം രാവിലെ ഈ വെള്ളം അരിച്ച് എടുത്ത് കണ്ണ് കഴുകുന്നത് കൂടുതൽ ഗുണം ചെയ്യും.

ആവണക്കെണ്ണ

മുടി വളരാൻ ആവണക്കെണ്ണ ഏറെ നല്ലതാണെന്ന് എല്ലാവർക്കുമറിയാം. എന്നാൽ മുടി വളർത്താൻ മാത്രമല്ല ചെങ്കണ്ണ് മാറ്റാനും ആവണക്കെണ്ണ ഉപയോഗിക്കാം. ഇതിൽ റിസിനോളിക് എന്ന ശക്തമായ ആൻറി ഇൻഫ്ലമേറ്ററി സംയുക്തം അടങ്ങിയിട്ടുണ്ട്. ആവണ്ണക്കെണ്ണയുടെ കുറച്ച് തുള്ളികൾ കണ്ണുകളിൽ ഒഴിക്കുന്നത് കണ്ണുകൾക്ക് ഈർപ്പം പകരുകയും വീക്കം കുറയ്ക്കുകയും ചെയ്യും. ഇത് സാധാരണയായി നന്നായി പ്രവർത്തിക്കുമെങ്കിലും, സങ്കീർണതകൾ ഒഴിവാക്കാൻ ഒരു ഡോക്‌ടറുടെ നി‍ർദേശപ്രകാരം മാത്രം ഉപയോഗിക്കാൻ ശ്രമിക്കുക.