രണ്ടാം വന്ദേ ഭാരതിന് തിരൂരിൽ സ്റ്റോപ്? ദിവസവും പതിനായിരത്തിലധികം യാത്രക്കാർ, ഇടപെടൽ കാത്ത് യാത്രക്കാർ
Edited by ജിബിൻ ജോർജ് | Samayam Malayalam | Updated: 4 Sep 2023, 8:57 pm
കേരളത്തിന് ഓണസമ്മാനമായി അനുവദിച്ച രണ്ടാമത്തെ വന്ദേ ഭാരത് ട്രെയിൻ എപ്പോൾ വരുമെന്ന കാര്യത്തിൽ ആശയക്കുഴപ്പം നിലനിൽക്കെ തിരൂരിൽ ട്രെയിനിന് സ്റ്റോപ് അനുവദിക്കണമെന്ന ആവശ്യം ശക്തം
ഹൈലൈറ്റ്:
- പുതിയ വന്ദേ ഭരതിന് മലപ്പുറം തിരൂരിൽ സ്റ്റോപ് അനുവദിക്കണമെന്ന ആവശ്യം ശക്തം.
- സ്റ്റോപ് അനുവദിക്കാൻ ജനപ്രതിനിധികൾ ഇടപെടണമെന്ന് യാത്രക്കാർ.
- കൂടുതൽ യാത്രക്കാർ എത്തുമെന്ന് യാത്രക്കാർ.
തിരക്കുള്ള തിരൂർ റെയിൽവേ സ്റ്റേഷനിൽ നിന്ന് ദിവസവും പതിനായിരത്തോളം യാത്രക്കാർ വിവിധ ട്രെയിനുകളിൽ കയറുന്നുണ്ടെന്നാണ് കണക്ക്. ഇതുവഴി മാത്രം മുപ്പത് കോടിയിലേറെ രൂപയുടെ വരുമാനമാണ് റെയിൽവേയ്ക്ക് ലഭിക്കുന്നത്. വന്ദേ ഭാരത് ട്രെയിനിന് സ്റ്റോപ് അനുവദിച്ചാൽ കൂടുതൽ യാത്രക്കാർ എത്തുമെന്നും തിരൂർ സ്റ്റേഷനിൽ നിന്ന് കൂടുതൽ വരുമാനം റെയിൽവേയ്ക്ക് ലഭിക്കുമെന്നും യാത്രക്കാർ അവകാശപ്പെടുന്നു.
Aranmula Vallasadya: ആറന്മുള അഷ്ടമി രോഹിണി സമൂഹ സദ്യക്കുള്ള ഒരുക്കങ്ങൾ ആരംഭിച്ചു
അതേസമയം, ഓണസമ്മാനമായി കേരളത്തിന് അനുവദിച്ച രണ്ടാമത്തെ വന്ദേ ഭാരത് ട്രെയിൻ എന്നുമുതൽ സർവീസ് നടത്തും എന്നതടക്കമുള്ള കാര്യങ്ങളിൽ ഇതുവരെയും സ്ഥിരീകരണം ഉണ്ടായിട്ടില്ല. ദക്ഷിണ റെയിൽവേക്ക് അനുവദിച്ച പുതിയ വന്ദേ ഭാരത് റോക്ക് ഇതുവരെയും ചെന്നൈ വിട്ടിട്ടില്ല. ബേസിൻ ബ്രിഡ്ജിലെ റെയിൽവേ യാർഡിൽ നിർത്തിയിട്ടിരിക്കുന്ന ട്രെയിൻ ഗോവയിലേക്ക് കൊണ്ടു പോകാനുള്ള നീക്കം നടക്കുന്നതായും റിപ്പോർട്ടുണ്ട്.
ഇലക്ട്രിക്കൽ ജോലികൾ പൂർത്തിയായെങ്കിലും റെയിൽവേയിൽ നിന്നുള്ള അന്തിമ നിർദേശം ലഭിക്കാത്തതാണ് പുതിയ വന്ദേ ഭാരത് റോക്ക് ചെന്നൈയിൽ തുടരാൻ കാരണമെന്നാണ് റിപ്പോർട്ട്. പുതിയ വന്ദേ ഭാരത് ട്രെയിനുകളുടെ ഉദ്ഘാടന ചടങ്ങിന് പ്രധാനമന്ത്രി നരേന്ദ്ര മോദി തീയതി നൽകാത്തതും തീരുമാനം വൈകാൻ കാരണമാകുന്നുണ്ട്. അതിനാൽ ഡിസൈനിൽ മാറ്റം വരുത്തിയ ആദ്യ വന്ദേ ഭാരത് ട്രെയിൻ തന്നെ കേരളത്തിന് ലഭിക്കുമോ എന്നതിൽ ഇതുവരെ സ്ഥിരീകരണം ഉണ്ടായിട്ടില്ല.
Read Latest Kerala News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക