ആറാം നൂറ്റാണ്ടിലെ യോദ്ധാവും കവിയുമായ അന്‍തറത്തിബ്‌നു ഷദ്ദാദിന്റെ ജീവിതവുമായി ബന്ധപ്പെട്ട ഒരു യഥാര്‍ത്ഥ കഥയെ അടിസ്ഥാനമാക്കിയുള്ളതാണ് സിനിമ. തടവിലാക്കപ്പെട്ടിട്ടും ജനഹൃദയങ്ങളില്‍ കുടിയേറിയ അല്‍തറ അറേബ്യന്‍ ചരിത്രത്തിലെ ഏറ്റവും പ്രശസ്തരായ കവികളിലൊരാളാണ്.
GMUP School Areacode: സംസ്ഥാനത്തെ മികച്ച പിടിഎ കമ്മിറ്റിക്കുള്ള അവാർഡ് നേടി അരീക്കോട് ജിഎംയുപി സ്കൂൾ
അടുത്ത വര്‍ഷം ആദ്യത്തില്‍ 12 ആഴ്ച നിയോമില്‍ ഷൂട്ടിങ് ഷെഡ്യൂള്‍ ചെയ്തിട്ടുണ്ട്. നിയോമിലെ ബജ്ദ സ്റ്റുഡിയോ ആയിരിക്കും പ്രധാന ഷൂട്ടിങ് കേന്ദ്രം. സമീപത്തുള്ള മനോഹരമായ ചെങ്കടല്‍ തീരത്തെ ചിത്രീകരണത്തിനായി ഉപയോഗപ്പെടുത്തുകയും ചെയ്യും. വടക്കുപടിഞ്ഞാറന്‍ സൗദി അറേബ്യയും ചെങ്കടല്‍ തീരപ്രദേശവും നിയോമിന്റെ മരുഭൂമിയും പര്‍വതപ്രദേശങ്ങളുമെല്ലാം പശ്ചാത്തലമാവും.
അലക്‌സാണ്ടര്‍ അമര്‍തേയ് ആണ് സഹനിര്‍മ്മാതാവ്. കില്ലിങ് ഈവ്, ബോണ്‍ എ കിങ്, ദി മാന്‍ ഹൂ ഫാള്‍ ടു എര്‍ത്ത് തുടങ്ങിയ പ്രൊജക്റ്റുകളിലൂടെ ശ്രദ്ധേയനായ എഴുത്തുകാരനും നിര്‍മ്മാതാവുമാണ് അലക്‌സാണ്ടര്‍ അമര്‍തേയ്. നിര്‍മ്മാതാവ് സ്റ്റുവര്‍ട്ട് സതര്‍ലാന്‍ഡും പണംമുടക്കുന്നുണ്ട്.
ഫീച്ചര്‍ ഫിലിമുകളും ടിവി നാടകങ്ങളും ഉള്‍പ്പെടെ വിവിധ പ്രൊഡക്ഷനുകള്‍ക്ക് നിയോമില്‍ 40 ശതമാനം ഇളവ് പ്രഖ്യാപിച്ചിരുന്നു. അത്യന്താധുനിക സൗണ്ട് സ്റ്റേജുകള്‍, സൗകര്യങ്ങള്‍, വിദഗ്ധ തൊഴിലാളികള്‍ എന്നിവ നല്‍കി സിനിമാ നിര്‍മാണത്തെ നിയോം പിന്തുണയ്ക്കും.
അന്‍തറത്തിബ്‌നു ഷദ്ദാദിന്റെ കഥ ബിഗ് സ്‌ക്രീനിലേക്കും ജനങ്ങളിലേക്കും കൊണ്ടുവരുന്നത് ഇതിഹാസ ജീവിതത്തെ അനുധാവനം ചെയ്യാന്‍ ജീവിതത്തില്‍ ഒരിക്കല്‍ മാത്രം ലഭിക്കുന്ന അവസരമായാണ് കാണുന്നതെന്ന് സംവിദായകന്‍ സൈമണ്‍ വെസ്റ്റ് പ്രസ്താവിച്ചു. ബനു അബ്ബാസ് ഗോത്രക്കാരുടെ മാതൃരാജ്യത്ത് സിനിമ ചെയ്യാനുള്ള അവസരത്തെ ചരിത്രത്തോട് നീതിപുലര്‍ത്താനുള്ള അവസരമായി വിനിയോഗിക്കിക്കുമെന്നും മേഖലയില്‍ വളര്‍ന്നുവരുന്ന ചലച്ചിത്ര വ്യവസായത്തെ അഭിവൃദ്ധിപ്പെടുത്താന്‍ സഹായിക്കുമെന്നും അദ്ദേഹം അഭിപ്രായപ്പെട്ടു.
പശ്ചിമേഷ്യയിലെയും വടക്കന്‍ ആഫ്രിക്കയിലെയും (എംഇഎന്‍എ) മാധ്യമ വ്യവസായത്തിന്റെ കേന്ദ്രമായി നിയോമിനെ ഉയര്‍ത്തിക്കൊണ്ടുവരികയെന്ന ലക്ഷ്യത്തിലേക്കുള്ള വലിയ ചുവടുവയ്പാണിതെന്ന് നിയോം മീഡിയ ഇന്‍ഡസ്ട്രീസ്, എന്റര്‍ടൈന്‍മെന്റ്, ആന്റ് കള്‍ച്ചര്‍ മാനേജിങ് ഡയറക്ടര്‍ വെയ്ന്‍ ബോര്‍ഗ് പറഞ്ഞു. പ്രാദേശികമായി തൊഴില്‍ വര്‍ധിപ്പിക്കുന്നതിനും എംഇഎന്‍എ മേഖലയിലെ മാധ്യമ വ്യവസായത്തിന്റെ കേന്ദ്രമായി നിയോമിനെ സ്ഥാപിക്കുന്നതിനും ‘അന്‍തറ’ പോലുള്ള അന്തര്‍ദേശീയ സിനിമ നിര്‍മാണങ്ങള്‍ വളരെ പ്രധാനമാണെന്നും അദ്ദേഹം ചൂണ്ടിക്കാട്ടി.
നിയോമില്‍ ഇതിനകം നിരവധി പ്രൊഡക്ഷനുകള്‍ പൂര്‍ത്തിയാക്കുകയും പുതിയ ചിത്രീകരണങ്ങള്‍ നടന്നുവരികയും ചെയ്യുന്നുണ്ട്. എംബിസിയുടെ ടിവി നാടക പരമ്പരയായ എക്‌സപ്ഷണല്‍, അബ്ദുല്‍ അസീസ് അല്‍ഷ്‌ലാഹിയുടെ സൗദി ചലച്ചിത്രം ഹോബല്‍ എന്നിവ ഇവിടെ ചിത്രീകരിക്കുന്നുണ്ട്. നിലവില്‍ രണ്ട് ഫീച്ചറുകളുടെ ചിത്രീകരണം നടന്നുവരികയാണ്. വരും മാസങ്ങളില്‍, രണ്ട് റിയാലിറ്റി പരമ്പരകളുടെയും നിരവധി പരസ്യങ്ങളുടെയും ചിത്രീകരണത്തിന് നിയോം സാക്ഷ്യംവഹിക്കും.
ആന്റണി മാക്കിയും സര്‍ ബെന്‍ കിങ്‌സ്‌ലിയും അഭിനയിച്ച റൂപര്‍ട്ട് വ്യാറ്റിന്റെ ഡെസേര്‍ട്ട് വാരിയര്‍ ഉള്‍പ്പെടെ, കഴിഞ്ഞ 18 മാസത്തിനിടെ 30ലധികം നിര്‍മ്മാണങ്ങള്‍ക്ക് നിയോം പശ്ചാത്തലമൊരുക്കിയിട്ടുണ്ട്. ഷാരൂഖ് ഖാനെ നായകനാക്കി രാജ്കുമാര്‍ ഹിരാനി സംവിധാനം ചെയ്ത ബോളിവുഡ് ഫീച്ചറും ടിവി നാടകമായ റൈസ് ഓഫ് ദി വിച്ചസും ഇതില്‍ ഉള്‍പ്പെടും.