മുടി നീളത്തില്‍ വളരാനും പൊട്ടിപ്പോകുന്നത് തടയാനും 3 ജ്യൂസുകള്‍
C-saritha Pv | Samayam Malayalam | Updated: 5 Sep 2023, 10:17 pm
മുടി നീളത്തില്‍ വേഗം വളരാനും പൊട്ടിപ്പോകുന്നത് തടയാനും സഹായിക്കുന്നതിനും ചില പ്രത്യേക ജ്യൂസുകള്‍ ഗുണം ചെയ്യുന്നു. ഇത്തരത്തിലെ ചിലതിനെ കുറിച്ചറിയൂ.
നെല്ലിക്കാ ജ്യൂസ്
ഇത്തരത്തില്‍ മുടി വളര്‍ത്തുന്ന ഒന്നാണ് നെല്ലിക്കാ ജ്യൂസ്. ഇത് അധികം വേണ്ടതില്ല. ഒരു നെല്ലിക്ക ഉപയോഗിച്ച് ജ്യൂസ് അടിച്ച് കുടിയ്ക്കാം. ഇതില്‍ വൈറ്റമിന്‍ സി ഏറെ അടങ്ങിയിട്ടുണ്ട്. ഇതില്‍ ആന്റിഓക്‌സിഡന്റുകള്‍ അടങ്ങിയിട്ടുണ്ട്. ഇത് മുടി നീളത്തില്‍ വളരാനും പൊട്ടിപ്പോകുന്നതിന് പരിഹാരമാകാനും സഹായിക്കുന്നു. ശരീരത്തിലെ പ്രോട്ടീന്‍ ശരീരം വേണ്ട രീതിയില്‍ ഉപയോഗപ്പെടുത്താന്‍ ഇത് സഹായിക്കുന്നു..
ചുണ്ടുകളുടെ നിറം വീണ്ടെടുക്കാൻ വീട്ടുവൈദ്യം
ചുണ്ടുകളുടെ നിറം വീണ്ടെടുക്കാൻ വീട്ടുവൈദ്യം
ക്യാരറ്റ്
അടുത്തത് ക്യാരറ്റ് ജ്യൂസാണ്. ഇത് വൈറ്റമിന്‍ എ സമ്പുഷ്ടമാണ്. മുടിയുടെ ആരോഗ്യത്തിന് ഇതേറെ ഗുണം നല്‍കുന്നു. രക്തപ്രവാഹം വര്‍ദ്ധിപ്പിയ്ക്കുന്ന, ശരീരത്തിന് കൂടുതല്‍ ഓക്‌സിജന്‍ ലഭ്യമാക്കുന്ന ഒന്നാണിത്. വൈറ്റമിന്‍ ബിയും ഇതിലുണ്ട്. ഇതില്‍ അടങ്ങിയിട്ടുള്ള ആന്റി ഓക്‌സിഡന്റുകളും മുടിയുടെ ആരോഗ്യത്തിന് നല്ലതാണ്.
ചീര ജ്യൂസ്
ചീര ജ്യൂസ് മുടിയുടെ ആരോഗ്യത്തിന് സഹായിക്കുന്ന ഒന്നാണ്. ചീര വേവിച്ച് സൂപ്പാക്കിയോ ജ്യൂസാക്കിയോ കഴിയ്ക്കണം. പച്ച ജ്യൂസ് അല്ല. ഫോളേറ്റ്, വൈറ്റമിന്‍ സി, അയേണ്‍, കാല്‍സ്യം തുടങ്ങിയ പല പോഷകങ്ങളും ഇതില്‍ അടങ്ങിയിട്ടുണ്ട്. ഇത് മുടിയുടെ വളര്‍ച്ചയ്ക്കും മുടി നര അകറ്റുന്നതിനുമെല്ലാം ഏറെ ഗുണകരമാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക