സന്ധിവാതമുള്ളവർക്കായി ചില സിംപിൾ വ്യായാമങ്ങൾ ഇതാ…

നിങ്ങൾക്ക് സന്ധിവാതം ബാധിക്കുമ്പോൾ ശരീരത്തിന്റെ അധിക ഭാരവും കഠിനമായ കൊഴുപ്പും കളയുക എന്നത് തികച്ചും ഒരു വെല്ലുവിളിയാണ്. ശരീരഭാരം കുറയ്ക്കാനുള്ള ഏറ്റവും സാധാരണമായ മാർഗ്ഗം കഠിനമായ വ്യായാമങ്ങൾ ചെയ്യുക എന്നതാണ്. എന്നാൽ നിങ്ങൾക്ക് അസ്ഥി സംബന്ധമായ രോഗമുണ്ടെങ്കിൽ അത് അസാധ്യമാണ്.

വാസ്തവത്തിൽ, ശരീരം അധികഭാരം വഹിക്കുന്നത് നിങ്ങളുടെ സന്ധികളിൽ സമ്മർദ്ദം സൃഷ്ടിക്കുകയും വേദന വർദ്ധിപ്പിക്കുകയും ചെയ്യും. അമിതമായ കൊഴുപ്പ് ഒഴിവാക്കുന്നതിലൂടെ സന്ധികളിലേക്ക് കൂടുതൽ ദ്രാവകം പുറന്തള്ളപ്പെടുകയും അവയിൽ നിന്ന് സമ്മർദ്ദം ഒഴിവാക്കുകയും ചെയ്യാൻ സാധിക്കും. ശരീരഭാരം കുറയ്ക്കുന്നതിലൂടെ രക്തത്തിലെ പഞ്ചസാരയുടെ അളവ് നിയന്ത്രിക്കുക, നല്ല കൊളസ്ട്രോൾ നിലനിർത്തുക തുടങ്ങിയ പല ഗുണങ്ങളും ഉണ്ട്. സന്ധിവാത രോഗികൾക്ക് ശരീരത്തിൽ നിന്ന് അമിതമായ കൊഴുപ്പ് കുറയ്ക്കാൻ അനുയോജ്യമായ ഈ 5 വ്യായാമങ്ങൾ പരീക്ഷിക്കുക.

നടത്തം

ഓട്ടവുമായി താരതമ്യപ്പെടുത്തുമ്പോൾ എല്ലാ ദിവസവും നടക്കുന്നത് നിങ്ങളുടെ സന്ധികളിൽ ഉണ്ടാവുന്ന സമ്മർദ്ദം കുറയ്ക്കുന്നു. നിങ്ങളുടെ കാൽമുട്ടിന് സാധ്യമായ ഏറ്റവും കുറഞ്ഞ സമ്മർദ്ദം ചെലുത്താൻ സുഗമവും നടപ്പാതകളുള്ളതുമായ സ്ഥലങ്ങളിലും പുൽമേടുകളിലും നടക്കുക.

യോഗ

ശരീരഭാരം കുറയ്ക്കാനും സന്ധികൾക്ക് ചുറ്റുമുള്ള വീക്കം കുറയ്ക്കാനും യോഗ വളരെയധികം സഹായിക്കുന്നു. ഇത് ചലനാത്മകത മെച്ചപ്പെടുത്തുകയും രോഗപ്രതിരോധ ശേഷി വർദ്ധിപ്പിക്കുകയും ചെയ്യുന്നു. കൂടാതെ, ശരീരത്തിന് വഴക്കവും മെച്ചപ്പെട്ട ചലനശേഷിയും കൈവരിക്കാൻ സഹായിക്കുന്നു.
കഷ്ടപ്പെട്ട് വേണ്ട, ഇഷ്ടപ്പെട്ട് ചെയ്യാം സുംബ ഡാൻസ്
തായ് ചി (Tai chi)

ചൈനീസ് ആയോധന മുറകളിൽ പ്രധാനപ്പെട്ട ഒരു തരമാണ് തായ് ചി. ശരീരഭാരം കുറയ്ക്കാൻ മാത്രമല്ല, സന്ധിവേദനയുമായി ബന്ധപ്പെട്ട വേദന കുറയ്ക്കാനും തായ് ചി നമ്മെ സഹായിക്കുന്നു. നിങ്ങളുടെ ശരീരത്തെ ശക്തിപ്പെടുത്തുന്ന വിധത്തിലുള്ള മന്ദഗതിയിലുള്ളതും സൗമ്യവുമായ ചലനങ്ങൾ ഇതിൽ ഉൾപ്പെടുന്നു.

സ്ട്രെച്ചിങ്

നിങ്ങളുടെ പേശികൾ വലിച്ചുനീട്ടുന്നത് വഴക്കം മെച്ചപ്പെടുത്താൻ സഹായിക്കുന്നു. കൈയും കാലും അനായാസം നീട്ടാൻ നിങ്ങൾക്ക് സ്ട്രെച്ചിംഗ് സ്ട്രാപ്പുകൾ ഉപയോഗിക്കാം. എന്നാൽ അതിരുകടക്കരുത്. കുറഞ്ഞ തീവ്രതയുള്ള സ്ട്രെച്ചിംഗ് വ്യായാമങ്ങൾ മാത്രം ചെയ്യുക.

കസേര വ്യായാമങ്ങൾ

ഒരു കസേര ഉപയോഗിച്ച് വ്യായാമം ചെയ്യുന്നത് നിങ്ങളുടെ സന്ധികളിൽ ബുദ്ധിമുട്ട് വരുത്താതെ ശരീരത്തിന്റെ ചലനശേഷി വർദ്ധിപ്പിക്കുവാൻ സഹായിക്കും. ഒരു കസേര ഉപയോഗിച്ച് ചെയ്യാൻ ഏറ്റവും എളുപ്പമുള്ള വ്യായാമം കാലുകൾ തറയിൽ വച്ച് അതിൽ ഇരിക്കുക, തുടർന്ന് എഴുന്നേറ്റു നിന്ന് കുറച്ച് നിമിഷങ്ങൾക്ക് ശേഷം വീണ്ടും ഇരിക്കുക എന്നതാണ്. എല്ലാ ദിവസവും ഒരു മിനിറ്റ് നേരം ഈ വ്യായാമം ചെയ്യുക.