മദീന പള്ളിയിലെ പ്രഭാത പ്രാര്‍ഥന വൈകി; ഇമാമിനും മുഅദ്ദിനും ജോലി പോയി

Sumayya P | Lipi | Updated: 13 Jun 2021, 01:34:00 PM

സുബഹ് നമസ്‌ക്കാരം നിശ്ചിത സമയത്തേക്കാള്‍ മുക്കാല്‍ മണിക്കൂര്‍ വൈകിയതാണ് നടപടിക്ക് കാരണമെന്ന് പ്രാദേശിക പത്രങ്ങള്‍ റിപ്പോര്‍ട്ട് ചെയ്തു.

മദീന: പുണ്യ നഗരിയായ മദീനയിലെ പ്രവാചക ഭവനമായ മസ്ജിദുന്നബവില്‍ പ്രഭാത പാര്‍ഥന (സുബഹ്) വൈകിയതിനെ തുടര്‍ന്ന് മുതിര്‍ന്ന ഇമാമിനെയും വാങ്ക് വിളിക്കുന്ന മുഅദ്ദിനെയും സൗദി അധികൃതര്‍ ജോലിയില്‍ നിന്ന് പിരിച്ചുവിട്ടു. ഇമാംകാര്യ വകുപ്പിലെ തലവനെയും മുഅദ്ദിന്‍ കാര്യ വകുപ്പിലെ ഡെപ്യൂട്ടി തലവനെയുമാണ് ചീഫ് ഓഫ് ജനറല്‍ പ്രസിഡന്‍സി അബ്ദുല്‍ റഹ്മാന്‍ അല്‍ സുദൈസ് പിരിച്ചുവിട്ടതായി ഉത്തരവിട്ടത്.

Also Read:

ഇന്ത്യന്‍ പ്രവാസിയെ തല്ലുന്ന വൈറല്‍ വീഡിയോ; ബഹ്‌റൈന്‍ യുവാവും കൂട്ടാളികളും അറസ്റ്റില്‍

ഉത്തരവാദിത്തത്തില്‍ വീഴ്ച വരുത്തിയതിനാണ് നടപടിയെന്ന് ഉത്തരവില്‍ പറയുന്നു. വീഴ്ച വരുത്തിയ ആളുകള്‍ക്കെതിരേ ശക്തമായ നടപടി സ്വീകരിക്കും. സുബഹ് നമസ്‌ക്കാരം നിശ്ചിത സമയത്തേക്കാള്‍ മുക്കാല്‍ മണിക്കൂര്‍ വൈകിയതാണ് നടപടിക്ക് കാരണമെന്ന് പ്രാദേശിക പത്രങ്ങള്‍ റിപ്പോര്‍ട്ട് ചെയ്തു.

ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ ഓരോ നമസ്‌ക്കാരത്തിനും രണ്ട് ഇമാമുമാരെയും വാങ്ക് വിളിക്കുന്നതിന് മൂന്നു പേരെയും നിയമിച്ചുകൊണ്ട് ഉത്തരവിടുന്നതായും അദ്ദേഹം അറിയിച്ചു. മസ്ജിദുന്നബവിക്കു പുറമെ, മക്കയിലെ ഗ്രാന്റ് മസ്ജിദിനും ഇത് ബാധകമാണ്.

രാജ്യത്ത് 100 കടന്ന് ഡീസല്‍ വില

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : saudi officials fired over fajr prayer delay at prophet mosque

Malayalam News from malayalam.samayam.com, TIL Network