താരനും മുടി കൊഴിച്ചിലും അകറ്റാൻ കറ്റാർ വാഴ ഹെയർ മാസ്ക്

വർഷങ്ങളായി പരീക്ഷിച്ചു വിജയിച്ച പ്രകൃതിദത്ത ഔഷധമാണ് കറ്റാർ വാഴ. ഇത് പല വിധത്തിലുള്ള പ്രയോജനങ്ങൾ വാഗ്ദാനം ചെയ്യുന്ന ഒരു അത്ഭുത ഘടകമാണെന്ന് ഇതിനകം തെളിയിക്കപ്പെട്ടിട്ടുണ്ട്. പൂന്തോട്ടം മുതൽ ചെറിയ ചെടിച്ചട്ടിയിൽ വരെ വളരുന്ന കറ്റാർ വാഴ ഏത് സമയത്തും വളരുന്ന സസ്യമാണ്. ധാരാളം ജലസമൃദ്ധമായ ഈ ചെടിയെ ആരും ഇഷ്ടപ്പെടും, കാരണം താരൻ, മുടി കൊഴിച്ചിൽ തുടങ്ങിയ മുടിയുടെ ആശങ്കകൾ പരിഹരിക്കാനുള്ള ഉത്തമ ഒറ്റമൂലിയാണിത്. പ്രകൃതിദത്ത കറ്റാർ വാഴ ജെൽ ഉപയോഗിച്ച് നിങ്ങളുടെ മുടി ആരോഗ്യകരവും കേടുപാടുകൾ കൂടാതെ നിലനിർത്തുന്നതുമാക്കി മാറ്റുവാൻ സാധിക്കുന്നതാണ്.



ഈ പ്രകൃതിദത്ത ഘടകം നിങ്ങളുടെ കേശ സംരക്ഷണ ദിനചര്യയുടെ ഭാഗമാക്കുന്നതിന് മുമ്പ് ഒരു പാച്ച് ടെസ്റ്റ് പരിശോധന നടത്താൻ എല്ലായ്‌പ്പോഴും ഓർക്കുക. വിറ്റാമിൻ, ഫോളിക് ആസിഡ്, പ്രോട്ടിയോലൈറ്റിക് എൻസൈമുകൾ എന്നിവപോലുള്ള അത്ഭുതങ്ങൾ നിറഞ്ഞ ഒരു സസ്യമാണ് കറ്റാർ വാഴ. ഇത് മുടിക്ക് ഈർപ്പമുണ്ടാക്കാനും മുടിയുടെ കേടുപാടുകൾ പരിഹരിക്കാനും മുടിയുടെ വളർച്ചയെ ഉത്തേജിപ്പിക്കാനും സഹായിക്കുന്നു. കേശ സംരക്ഷണത്തിന് കറ്റാർ വാഴ ഉപയോഗിച്ച് തയ്യാറാക്കാവുന്ന പ്രകൃതിദത്ത കേശ സംരക്ഷണ കൂട്ടുകൾ ഇതാ.

താരൻ അകറ്റാൻ മാസ്ക്



നിങ്ങൾക്ക് ആവശ്യമായ ചേരുവകൾ:

മൂന്ന് ടേബിൾ സ്പൂൺ കറ്റാർ വാഴ ജെൽ

രണ്ട് ടേബിൾ സ്പൂൺ തൈര്

രണ്ട് വിറ്റാമിൻ ഇ ഗുളികകൾ

ചെയ്യേണ്ട വിധം:

1. ക്യാപ്‌സൂളുകൾ തുറന്ന് വിറ്റാമിൻ ഇ എണ്ണ എടുത്ത് മറ്റ് എല്ലാ ചേരുവകളും ചേർത്ത് മിശ്രിതമാക്കുക.

2. ഇത് തലയിലും മുടിയിലും തുല്യമായി പുരട്ടുക.

3. 20 മിനിറ്റ് നേരം വച്ചതിനു ശേഷം, ഇളം ചൂടുള്ള വെള്ളത്തിൽ തല കഴുകുക.

കറ്റാർ വാഴ ഹെയർ കണ്ടീഷണർ



നിങ്ങൾക്ക് ആവശ്യമായ ചേരുവകൾ:

മൂന്ന് ടേബിൾ സ്പൂൺ കറ്റാർ വാഴ ജെൽ

ഒരു ടേബിൾ സ്പൂൺ ഒലിവ് ഓയിൽ

രണ്ട് ടേബിൾ സ്പൂൺ നെല്ലിക്ക ജ്യൂസ്

ചെയ്യേണ്ട വിധം:

1. മേൽപ്പറഞ്ഞ ചേരുവകൾ സംയോജിപ്പിച്ച കൂട്ട് ശിരോചർമ്മത്തിലും മുടിയിലും നന്നായി പുരട്ടുക.

2. ഏകദേശം 20 മിനിറ്റിനു ശേഷം ഇത് കഴുകുക.

3. മുടിയുടെ പോഷണം വർദ്ധിപ്പിക്കാനും തിളക്കം നൽകാനും ആഴ്ചയിൽ രണ്ടുതവണ ഇത് ആവർത്തിക്കുക.

മുടി വളരാനുള്ള കറ്റാർ വാഴ മാസ്ക്



നിങ്ങൾക്ക് ആവശ്യമായ ചേരുവകൾ:

മൂന്ന് ടേബിൾ സ്പൂൺ കറ്റാർ വാഴ ജെൽ

ഒരു ടേബിൾ സ്പൂൺ ഉലുവപ്പൊടി

ഒരു ടേബിൾ സ്പൂൺ വെളിച്ചെണ്ണ

ചെയ്യേണ്ട വിധം:

1. ഉലുവ ഒരു രാത്രി മുഴുവൻ വെള്ളത്തിൽ മുക്കി വയ്ക്കുക.

2. മിക്സറിൽ ഇട്ട് മിനുസമാർന്ന പൊടിയായി മാറ്റുക.

3. എല്ലാ ചേരുവകളും ഒരുമിച്ച് ചേർത്ത് ശിരോചർമ്മത്തിലും മുടിയിലും നന്നായി പുരട്ടുക.

4. തല മസാജ് ചെയ്ത് 20 മിനിറ്റ് നേരം വിശ്രമിക്കുക.

5. ശേഷം, ഇളം ചൂടുള്ള വെള്ളത്തിൽ ഇത് കഴുകുക.