ഇന്നത്തെ കാലത്തെ തിരക്കില്‍ അടുക്കളയില്‍ ചിലവാക്കാന്‍ അധികം സമയില്ലാത്തതിനാല്‍ തന്നെ പലരും എളുപ്പ വഴികളിലേയ്ക്കു തിരിയുന്നു. റെഡി ടു കുക്ക്, ഹാഫ് കുക്ക്ഡ് തുടങ്ങിയ പല വഴികളും ഇന്നത്തെ കാലത്ത് ഭക്ഷണത്തിലുണ്ട്. ഇതു പോലെ തയ്യാറാക്കി പായ്ക്കറ്റില്‍ വച്ച് ചൂടാക്കി കഴിയ്ക്കാവുന്ന തരം വിഭവങ്ങളും ലഭ്യമാണ്. ഇത്തരം ഭക്ഷണ വസ്തുക്കളില്‍ വെജും നോണ്‍ വെജും എല്ലാം തന്നെ പെടുന്നു. പലരുടേയും ഭക്ഷണ ശീലങ്ങളില്‍ പ്രധാനപ്പെട്ട ചപ്പാത്തിയും ഇതേ രീതിയില്‍ ലഭ്യമാകുന്നു.

ചപ്പാത്തി

പൊതുവേ ചപ്പാത്തി ആരോഗ്യത്തിന് നല്ലതാണെന്നു പറയും. പ്രത്യേകിച്ചും പ്രമേഹം പോലുള്ള രോഗമുളളവര്‍ അരി ഭക്ഷണം കുറയ്ക്കണം എന്ന രീതിയുള്ളപ്പോള്‍. ഇതു പോലെ തടി അധികം കൂടാതിരിയ്ക്കാന്‍ പലരും അരിയ്ക്കു പകരം ഗോതമ്പു ഭക്ഷണം ഉള്‍പ്പെടുത്തുന്നവരുണ്ട്. ഇതിനാല്‍ പലരുടേയും രാത്രി ഭക്ഷണവും ഉച്ച ഭക്ഷണത്തിലെ ഒരു പങ്കുമെല്ലാം തന്നെ ചപ്പാത്തിയാണ്. എന്നാല്‍ ഇതുണ്ടാക്കാന്‍ ഇപ്പോഴും അല്‍പം ബുദ്ധിമുട്ടായി കാണുന്നവരാണ് പലരും. ഇതിനുള്ള എളുപ്പ വഴി ഇപ്പോള്‍ മാര്‍ക്കറ്റില്‍ ലഭ്യമാണ്. റെഡി ടു കുക്ക് ചപ്പാത്തിയും പകുതി വേവിച്ച ചപ്പാത്തിയുമെല്ലാം ലഭ്യമാണ്.

​ഇത്തരം രീതി

ഇത്തരം രീതി ചപ്പാത്തി ഭക്ഷണം ശീലമാക്കിയവര്‍ പലരും ഉപയോഗിയ്ക്കുന്നുണ്ട്. എന്നാല്‍ പായ്ക്കറ്റില്‍ ലഭിയ്ക്കുന്ന ഇത്തരം ചപ്പാത്തി പല തരത്തിലെ ദോഷങ്ങള്‍ വരുത്തി വയ്ക്കുന്ന ഒന്നാണ്. ഇത്തരം ചപ്പാത്തി കൂടുതല്‍ കാലം കേടാകാതെ ഇരിയ്ക്കും. ഇതിനായി ഇതില്‍ ചില കെമിക്കലുകള്‍ ചേര്‍ക്കുന്നുണ്ട്. സോഡിയം ബെന്‍സോയേറ്റ്, സോഡിയം പ്രൊപ്പോണേറ്റ്, കാല്‍സ്യം പ്രൊപ്പോണേറ്റ്, ബെന്‍സോയിക് ആസിഡ് തുടങ്ങിയ പല കെമിക്കലുകളും ഇതില്‍ ചേര്‍ക്കുന്നുണ്ട്.

​ഫുഡ് സേഫ്റ്റി ആക്ട് പ്രകാരം

ഫുഡ് സേഫ്റ്റി ആക്ട് പ്രകാരം ചേര്‍ക്കാന്‍ സാധിയ്ക്കുന്ന ഒന്ന് സോര്‍ബിക് ആസിഡ് മാത്രമാണ്. മറ്റുള്ളവ അനുവദനീമായതല്ലെന്നര്‍ത്ഥം. എന്നാല്‍ സോര്‍ബിക് ആസിഡ് ചേര്‍ത്തുണ്ടാക്കുന്ന ചപ്പാത്തി ഏറിയാല്‍ 15 ദിവസം വരെ മാത്രമേ കേടാകാതിരിയ്ക്കൂ. മാത്രമല്ല, ഇവയോരോന്നും പൊതിഞ്ഞു വയ്ക്കുകയും ഫ്രിഡ്ജില്‍ വയ്ക്കുകയും വേണം. അല്ലെങ്കില്‍ കേടാകും.എന്നാല്‍ പലതും ഇത്തരം രീതിയില്‍ സൂക്ഷിയ്ക്കില്ല. ചപ്പാത്തിയില്‍ യീസ്റ്റ്, പൂപ്പല്‍ എന്നിവയുണ്ടാകാന്‍ സാധ്യതയേറെയാണ്. ഇതു കൊണ്ടുത ന്നെ ഇ കോളി, സാല്‍മൊണെല്ല തുടങ്ങിയ രോഗങ്ങളുണ്ടാക്കുന്ന പല ബാക്ടീരികളും ഇതില്‍ ഉണ്ടാകുന്നു. പല തരത്തിലെ വയര്‍ സംബന്ധമായ പ്രശ്‌നങ്ങള്‍ക്കു ഇവയെല്ലാം തന്നെ വഴിയൊരുക്കുന്നു.

ചപ്പാത്തി തയ്യാറാക്കുമ്പോള്‍

ഇത്തരം ചപ്പാത്തി തയ്യാറാക്കുമ്പോള്‍ ഇത് മൃദുവാകാന്‍ പല വസ്തുക്കളും ഇതില്‍ ചേര്‍ക്കുന്നു. പൊതുവേ വാങ്ങുന്ന ഇത്തരം ചപ്പാത്തികള്‍ തയ്യാറാക്കുമ്പോള്‍ നല്ലതു പോലെ പൊന്തി വരുന്നതും മൃദുവാകുന്നതുമെല്ലാം സാധാരണയാണ്. ഇത്തരം ചപ്പാത്തിയുണ്ടാക്കുന്ന മാവില്‍ ചേര്‍ക്കുന്ന ബേക്കിംഗ് സോഡ, ഹൈഡ്രോജെനേറ്റഡ് ഫാറ്റ് എന്നിവയാണ് ഇത്തരത്തില്‍ ഇത് മൃദുവാകാന്‍ ഉപയോഗിയ്ക്കുന്നത്. ഇതൊന്നും ആരോഗ്യത്തിന് ഗുണകരമല്ല. ഇവ തടി കുറയ്ക്കുക എന്ന ഉദ്ദേശത്തോടെ കഴിയ്ക്കുന്നവരുടെ തടി കൂട്ടുകയാണ് ചെയ്യുന്നത്. മാത്രമല്ല, ഇവ കൊളസ്‌ട്രോള്‍ വര്‍ദ്ധിപ്പിയ്ക്കുകയും ചെയ്യുന്നു. മാത്രമല്ല, ടൈപ്പ് 2 പ്രമേഹം, സ്‌ട്രോക്ക് തുടങ്ങിയ പ്രശ്‌നങ്ങള്‍ക്കും ഇവ കാരണമാകും.

​ഇത്തരം ചില ചപ്പാത്തികളില്‍

ഇത്തരം ചില ചപ്പാത്തികളില്‍ കാല്‍സ്യം പ്രൊപ്പണേറ്റ് ചേര്‍ക്കും. അത് വയറിന്റെ ലൈനിംഗിനെ ബാധിയ്ക്കുന്ന ഒന്നാണ്. ഗ്യാസ്‌ട്രൈറ്റിസ്, അള്‍സര്‍ തുടങ്ങിയ പല രോഗങ്ങള്‍ക്കും ഇതു കാരണമാകുന്നു. ഇതില്‍ ചേര്‍ക്കുന്ന സോഡിയം പ്രൊപ്പണേറ്റ് എന്ന ഒന്ന് വയറിന് അസ്വസ്ഥത, ഗ്യാസ്, മനംപിരട്ടല്‍ തുടങ്ങിയ അവസ്ഥകളും ഉണ്ടാക്കുന്നു. ഇവയില്‍ അനുവദിച്ചിരിയ്ക്കുന്ന ബെന്‍സോയിക് ആസിഡ് പോലും അല്‍പ ദിവസം അടുപ്പിച്ച് കഴിച്ചാല്‍ കണ്ണിന് അസ്വസ്ഥത, ആസ്തമ, ചര്‍മത്തിന് അലര്‍ജി തുടങ്ങിയ പ്രശ്‌നങ്ങളുണ്ടാക്കുന്നു. ഇത് ലിവര്‍ ആരോഗ്യത്തിനും നല്ലതല്ല. ചുരുക്കിപ്പറഞ്ഞാല്‍ ചപ്പാത്തി കഴിച്ചാല്‍ ലഭിയ്ക്കുന്ന ഗുണങ്ങള്‍ ഇത്തരം പായ്ക്കറ്റ് ചപ്പാത്തികളില്‍ നിന്നും ലഭിയ്ക്കുന്നില്ലെന്നു മാത്രമല്ല, ദോഷം വരുത്തുകയും ചെയ്യുന്നു. ഗര്‍ഭകാലത്തു നെയില്‍ പോളിഷ് ഇടരുത്