സിബിഎസ്ഇ പന്ത്രണ്ടാം ക്ലാസ് പരീക്ഷ റദ്ദാക്കി; തീരുമാനം പ്രധാനമന്ത്രിയുടെ അധ്യക്ഷതയിൽ ചേ‍ര്‍ന്ന യോഗത്തിൽ

ന്യൂഡൽഹി: സിബിഎസ്ഇ പന്ത്രണ്ടാം ക്ലാസ് പരീക്ഷ റദ്ദാക്കി. പ്രധാനമന്ത്രിയുടെ നേതൃത്വത്തിൽ ചേർന്ന യോഗത്തിലാണ് തീരുമാനം. പരീക്ഷ നടക്കില്ലെങ്കിലും പന്ത്രണ്ടാം ക്ലാസ് ഫലം സമയബന്ധിതമായി പ്രസിദ്ധീകരിക്കും. മന്ത്രിമാരായ പ്രകാശ് ജാവഡേക്കർ, രാജ്നാഥ് സിങ് എന്നിവർ യോഗത്തിൽ പങ്കെടുത്തു.

പരാതിയുമായി എത്തുന്ന സ്ത്രീകളെ സിഐ അക്ബർ ചൂഷണം ചെയ്യുന്നു; ആരോപണവുമായി ആയിഷ സുൽത്താന

പരീക്ഷ മാറ്റിവെക്കാനുള്ള തീരുമാനം സ്വാഗതാർഹമാണെന്ന് സിബിഎസ്ഇ മാനേജ്മെന്റുകൾ അറിയിച്ചു. പ്ലസ് ടു മൂല്യനിർണ്ണയത്തിന് മാനദണ്ഡങ്ങൾ വേണമെന്ന് മാനേജ്മെന്റുകൾ ആവശ്യപ്പെട്ടു.

കൊവിഡ് പശ്ചാത്തലത്തിൽ പത്താം ക്ലാസ് പരീക്ഷകൾ റദ്ദാക്കുകയും പ്ലസ് ടു പരീക്ഷകൾ മാറ്റിവെക്കുകയും ചെയ്തിരുന്നു. മാറ്റിവെച്ച പരീക്ഷകൾ റദ്ദാക്കണമെന്ന് ആവശ്യം ഉയർന്നതിനെത്തുടർന്ന് വ്യാഴാഴ്ച മറുപടി നൽകണമെന്ന് കോടതി ആവശ്യപ്പെട്ടിരുന്നു. ഇതിന്റെ പശ്ചാത്തലത്തിലാണ് പ്രധാനമന്ത്രിയുടെ നേതൃത്വത്തിൽ യോഗം ചേർന്നത്.