![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-360x180.jpg)
1. സുഖാസന (കാലുകള്‍ രണ്ടും ചമ്രം പടിഞ്ഞ് ഇരിക്കുന്നത്)
ഇതിനായി സാധാ നമ്മള്‍ മെഡിറ്റേഷന്‍ ചെയ്യുവാന്‍ ഇരിക്കുന്നത് പോലെ ഇരിക്കുക. നിങ്ങളുടെ വലത്തേ കൈകൊണ്ട് ഇടത്തേ കൈ പുറകിലൂടെ പിടിക്കുക. നിങ്ങളുടെ പുറം പുറകിലേയ്ക്ക് നന്നായി വളഞ്ഞ് വരികയും ഇത് ചെസ്റ്റ് വിരിഞ്ഞ് വരുന്നതിനും സഹായിക്കും. ഇത് ചെയ്തുകൊണ്ടിരിക്കുമ്പോള്‍ ശ്വസിക്കേണ്ടത് അനിവാര്യമായ കാര്യമാണ്. അതിനുശേഷം മുന്‍പിലോട്ടായി വളയുക. ഈ സമയത്ത് നിശ്വസിക്കാവുന്നതാണ്. ഇങ്ങനെ ചെയ്യുമ്പോള്‍ നിങ്ങളുടെ വലത്തെ നെറ്റി വലത്തേ കാല്‍മുട്ടില്‍ തൊടുവാന്‍ ശ്രമിക്കുക. അതിനുശേഷം ശ്വസിച്ച് പഴയപോലെ ഇരിക്കാവുന്നതാണ്. ഇത് റിപ്പീറ്റ് ചെയ്തുകൊണ്ടിരിക്കുക. അതുപോലെ, ഇപ്പോള്‍ വലത്തേ വശത്തെ നെറ്റിയാണ് മുട്ടിച്ചതെങ്കില്‍ അടുത്തത് ഇടത്തേ വശം മുട്ടിക്കുക.
ഇത് ചെയ്താലുള്ള ഗുണങ്ങള്‍
ശ്വാസകോശ പ്രശ്‌നം കുറയ്ക്കുവാന്‍ ഏറ്റവും നല്ല മാര്‍ഗ്ഗമാണ് സുഖാസന എന്നത്. ഇത് ശ്വാസകോശത്തിലേയ്ക്കുള്ള രക്തപ്രവാഹം കൂട്ടുന്നതിനും അതുപോലെ, അവിടെയുള്ള വിഷങ്ങളും മാലിന്യങ്ങളും നീക്കം ചെയ്യുകയും ചെയ്യുന്നു. ഇത് നിങ്ങളുടെ ശ്രദ്ധ കൂട്ടുന്നതിന് മാത്രമല്ല, ശ്വാസകോശത്തിലെ പ്രശ്‌നങ്ങള്‍ പരിഹരിക്കുന്നതിനും കഫക്കെട്ട് പോലുള്ള പ്രശ്‌നങ്ങള്‍ ഇല്ലാതാക്കുന്നതിനും വളരെയധികം സഹായിക്കുന്നുണ്ട്. കൂടാതെ, മാനസിക സമ്മര്‍ദ്ദം, അമിതമായിട്ടുള്ള ആകാംഷ എന്നിവ കുറയ്ക്കുവാനും ഇത് നല്ലതാണ്.
2. ഭുജംഗാസന (കോബ്ര പോസ്)
കമിഴ്ന്ന് നിലത്ത് കിടക്കുക. തല നിലത്ത് മുട്ടിച്ച് വേണം കിടക്കുവാന്‍. കൈകള്‍ രണ്ടും തോളിന്റെ ഭാഗത്തായി വയ്ക്കണം. അതിനുശേഷം കൈകളില്‍ കുത്തി നടുവളഞ്ഞ് മുന്‍ഭാഗം പൊന്തിച്ച് പുറകിലേയ്ക്ക് വളയുക. ഈ സമയത്ത് കൈകള്‍ വളഞ്ഞ് പോകാതെ ശ്രദ്ധിക്കണം. ഇത്തരത്തില്‍ മാക്‌സിമംവളയാവുന്നത്ര വളയുക. ഇതേ രീതിയില്‍ ഒരു 15 മുതല്‍ 30 സെക്കന്റ്് വരെ നില്‍ക്കാവുന്നതാണ്. അതിനുശേഷം ശ്വാസം വിട്ടുകൊണ്ട് പഴയപോലെ പോസിഷനില്‍ കിടക്കാവുന്നതാണ്.
ഇത് ചെയ്താലുള്ള ഗുണങ്ങള്‍
മനസ്സിന് നല്ല സമാധാനം കിട്ടുവാന്‍ സഹായിക്കുന്ന ഒരു യോഗാസനമാണിത്. ഇത് മനസ്സിനെ ബലപ്പെടുത്തുവാനും അതുപോലെതന്നെ ശ്വാസകോശത്തേയും നെഞ്ചിനേയും ബലപ്പെടുത്തുന്നു. വാതവേദന കുറയ്ക്കുന്നതിനും ആസ്മ പോലുള്ള പ്രശ്‌നങ്ങള്‍ കുറയ്ക്കുവാനും സഹായിക്കുന്നുണ്ട്.
3. മത്സ്യ ആസന (ഫിഷ് പോസ്)
മലര്‍ന്ന് കിടക്കുക. കൈകള്‍ രണ്ടും ശരീരത്തോട് ചേര്‍ന്ന് പുറകിലാക്കി വയ്ക്കുക. അതിനുശേഷം നെഞ്ചിന്റെ ഭാഗം മുകളിലേയ്ക്ക് ഉയര്‍ത്തുക. ഭാക്കി ഉള്ള ഭാഗം പൊന്താതെ നോക്കണം. ഇത്തരത്തില്‍ ചെയ്ത് ബോഡി ബാലന്‍സ് നേടുക. കൈമുട്ടുകളില്‍ ബോഡിയെ ബാലന്‍സ് ചെയ്യുവാന്‍ സാധിക്കണം. നിങ്ങള്‍ക്ക് എത്ര സമയത്തോളം ഇത്തരത്തില്‍ ചെയ്യുവന്‍ സാധിക്കുമോ അത്രത്തോളം നില്‍ക്കാം.
ഇത് ചെയ്താലുള്ള ഗുണം
ഒട്ടുമിക്ക അസുഖങ്ങളേയും ഇല്ലാതാക്കുവാന്‍ ശേഷി ഉള്ളതാണ് ഈ പോസ്. ഇത് നല്ലരീതിയില്‍ ശ്വസനം നടക്കുന്നതിനും അതുപോലെ, ശ്വാസകോശം ബലപ്പെടുത്തുന്നതിനും സഹായിക്കുന്നു. ഇത് നല്ലപോലെ ബോഡി ബാലന്‍സ് നേടുവാന്‍ സഹായിക്കുന്നതാണ്.
4. പത്മ സര്‍വ്വഗാസന ( ലോട്ടസ് ഷോള്‍ഡര്‍ സ്റ്റാന്റ്)
ഇത് പ്രധാനമായും തലയിലാണ് ബാലന്‍സ് ചെയ്ത് നിലനിര്‍ത്തുന്നത്. അതായത്, കാലുകള്‍ രണ്ടും ക്രോസ് ചെയ്ത് ഷോള്‍ഡര്‍ ഭാഗം മുഴുവന്‍ മുകളിലോട്ട് പൊന്തിക്കും. നടുഭാഗത്ത് കൈകള്‍കൊണ്ട് സപ്പോര്‍ട്ടും നല്‍കും. ഈ പൊസിഷനില്‍ കുറച്ച് നേരം നില്‍ക്കണം. ഈ സമയത്ത് നന്നായി ശ്വസിക്കുകയും നിശ്വസിക്കുകയും ചെയ്യണം. നിങ്ങള്‍ക്ക് എത്രനേരം ഈ പോസില്‍ നില്‍ക്കുവാന്‍ സാദിക്കുമോ അത്രയും നേരം നില്‍ക്കാവുന്നതാണ്.അതിനുശേഷം സാവധാനത്തില്‍ പഴയപടി ആവുക.
ഇത് ചെയ്താലുള്ള ഗുണങ്ങള്‍
ഈ പോസ് ചെയ്യുന്നതിലൂടെ നെഞ്ച് നന്നായി വിരിഞ്ഞ് വരുന്നതിനും ഇത് എയര്‍ സര്‍ക്കുലേഷന്‍ വേഗത്തിലാക്കുന്നതിനും എളുപ്പമാക്കുന്നതിനും സഹായിക്കുകയും ചെയ്യുന്നുണ്ട്. ഇത് നമ്മളുടെ ആന്തരിക അവയവങ്ങള്‍ക്ക് ഒരു മസാജ് നല്‍കുന്നതിന് സമമാണ് എന്നാണ് പറയുന്നത്. ഇത് നല്ല ബാലന്‍സ് കിട്ടുവാനും സഹായിക്കും.
5. അര്‍ദ്ധ മത്സ്യേന്ദ്രാസന (സിറ്റിംഗ് ഹാഫ് സ്‌പൈനല്‍ ട്വിസ്റ്റ്)
നേരെ ഇരിക്കുക. അതിനുശേഷം വലത്തേ കാല് വളച്ച് അതിന്റെ കാല്‍പാദം ഇടത്തേ കാലിന്റെ തുടയുടെ അപ്പുറത്തായി പിടിക്കുക. ഈ സമയത്ത് ഇടത്തേ കാല് വലത്തേകാലിന് അഭിമുഖമായി വളച്ച് വയ്ക്കണം. അതിനുശേഷം വലത്തോട്ട് ഷോള്‍ഡറും കഴുത്തും തിരിയ്ക്കുക. ഇങ്ങനെ കുറേ നേരം ഇരിക്കുക. ഈ സമയത്ത് നന്നായി ശ്വസിക്കണം. സാവധാനത്തില്‍ പഴയപോലെ ആയി വീണ്ടും അടുത്ത വശവും ഇതുപോലെ ചെയ്യുക.
ഇത് ചെയ്താലുള്ള ഗുണങ്ങള്‍
ഇത് ശ്വസിക്കാനുള്ള ബുദ്ധിമുട്ട് കുറയ്ക്കുവാന്‍ സഹായിക്കും. സ്‌ട്രെസ്സ് കുറയ്ക്കും, ടെന്‍ഷന്‍ കുറയ്ക്കും. നന്നായി ബ്രീത്ത് ചെയ്യുവാന്‍ സഹായിക്കുകയും ചെയ്യും. ഇത് ശ്വാസകോശത്തിന്റെ മസില്‍സിനെ ബലപ്പെടുത്തുവാനും നല്ലപോലെ ഓക്‌സിജന്‍ ലഭിക്കുവാനും സഹായിക്കുന്നു.
പ്രാണായാമം
യോഗയില്‍ പ്രാണ എന്നതുകൊണ്ട് അര്‍ത്ഥമാക്കുന്നത് പ്രകാശം, ചൂട്, ആകര്‍ഷണം, ഊര്‍ജം എന്നീ ബാഹ്യശക്തികളെയാണ്. അതുകൊണ്ടുതന്നെ പ്രാണായാമ പ്രാക്ടീസ് നമ്മളുടെ ബ്രീത്ത് നിയന്ത്രിക്കുന്നതിനും മാനസിക ആരോഗ്യം മെച്ചപ്പെടുത്തുന്നതിനും സഹായിക്കുന്നുണ്ട്.
നമ്മള്‍ നന്നായി ശ്വസിക്കുമ്പോള്‍ നമ്മളുടെ ശരീരത്തിലെ വിഷമെല്ലാം പുറംതള്ളപ്പെടുന്നു.
1. അനുലോം വിലോം
അതായത് ഒരു ശ്വാസനാളത്തിലൂടെ ശ്വസിക്കുമ്പോള്‍ മറ്റേത് അടച്ച് പിടികുക. അതിനുശേഷം ഉള്ളിലേയ്‌ക്കെടുത്ത ശ്വാസം പൊത്തിപിടിച്ച ശ്വാസനാളത്തിലൂടെ പുറത്തേയ്ക്ക വിടുക. ഈ സമയത്ത് മറ്റേ ശ്വാസനാളം അടച്ചുപിടിക്കണം. ഇനി ശ്വാസം വിട്ട അതേ ശ്വാസനാളത്തിലൂടെ വീണ്ടും ശ്വസിച്ച് അടച്ചുപിടിച്ച ശ്വാസനാളത്തിലൂടെ നിശ്വസിക്കണം. ഇത്തരത്തില്‍ റിപ്പീറ്റ് ചെയ്യുക. ഇത് ക്ഷ കൂട്ടുന്നതിനും അതുപോലെ, സ്‌ട്രെസ്സ് കുറയ്ക്കുന്നതിനും തലച്ചോറിന്റെ പ്രവര്‍ത്തനത്തിനുമെല്ലാം വളരെ നല്ലതാണ്.
2. നാടി ശുദ്ധി ക്രിയ
അതായത്, ഇതില്‍ ഓരോ ശ്വാസനാളത്തിലൂടെ തന്നെ ശ്വസിക്കുകയും നിശ്വസിക്കുകയും ചെയ്യുന്നു. ഈ സമയത്ത് മറ്റേ ശ്വാസനാളം അടച്ചു പിടിച്ചിരിക്കുകയായിരിക്കും. ഇതേപോലെ അടുത്തതും ചെയ്യുക. ഇത്തരത്തില്ഡ ഇടയ്ക്ക് ചെയ്യുകയും പിന്നീട് സാധാരണ ഗതിയില്‍ ശ്വസിക്കുകയും ചെയ്യുക.
![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-120x86.jpg)
