രഹസ്യബന്ധമുണ്ടെന്ന സംശയം; ഒരുമിച്ച് മദ്യപിക്കുന്നതിനിടെ യുവാവ് ഭാര്യയെ അടിച്ചുകൊന്നു

ബെംഗളൂരൂ: ഒരുമിച്ച് മദ്യപിക്കുന്നതിനിടെ യുവാവ് ഭാര്യയെ അടിച്ച് കൊന്നു. ബെംഗളൂരു ബി.ടി.എം ലേഔട്ടിലെ താമസക്കാരായ സാനിയ (20) ആണ് കൊല്ലപ്പെട്ടത്. സംഭവത്തിൽ യുവതിയുടെ ഭർത്താവ് അജിത്ത് (25) അറസ്റ്റിലായി. ഭാര്യയ്ക്ക് രഹസ്യബന്ധമുണ്ടെന്ന സംശയത്തെ തുടർന്നുണ്ടായ തർക്കം കൊലപാതകത്തിൽ കലാശിക്കുകയായിരുന്നുവെന്ന് പോലീസ് വ്യക്തമാക്കി.



കാസര്‍കോട് 14കാരി പീഡനത്തിനിരയായി; പ്രദേശവാസികളായ 3 പേര്‍ അറസ്റ്റില്‍

ജൂൺ 28നാണ് കേസിനാസ്പദമായ സംഭവം ഉണ്ടായത്. ഒരുമിച്ച് മദ്യപിക്കുന്നതിനിടെ അജിത്ത് സാനിയയുമായി വഴക്കിട്ടു. രഹസ്യബന്ധമുണ്ടെന്ന് ആരോപിച്ച യുവാവ് ഭാര്യയെ മർദ്ദിച്ചു. ഇതിനിടെ പ്ലൈവുഡ് കഷണം ഉപയോഗിച്ച് അജിത്ത് സാനിയയെ ക്രൂരമായി മർദ്ദിച്ചു. തലയിലടക്കം അടിയേറ്റതോടെ യുവതി തളർന്നുവീണു. മർദ്ദനമേറ്റ് ആരോഗ്യനില ഗുരുതരമായിട്ടും അടുത്ത ദിവസം രാവിലെയാണ് അജിത്ത് ഭാര്യയെ ആശുപത്രിയിൽ എത്തിച്ചത്.

ഭാര്യയ്ക്ക് അപസ്മാരം ആണെന്നും തറയിൽ വീണ് പരിക്കേൽക്കുകയായിരുന്നുവെന്നും അജിത് ഡോക്ടറോട് പറഞ്ഞു. വിശദമായ പരശോധനയിൽ യുവതി മർദ്ദനത്തിന് ഇരയായിട്ടുണ്ടെന്ന് വ്യക്തമായതോടെ ആശുപത്രി അധികൃതർ വിവരം പോലീസിനെ അറിയിച്ചു. ഇതിനിടെ യുവതിയുടെ മരണം സംഭവിച്ചു. തലയ്ക്കേറ്റ അടിയാണ് യുവതിയുടെ മരണത്തിന് കാരണമായതെന്ന പോസ്റ്റ്മോർട്ടം റിപ്പോർട്ടം പുറത്തുവന്നതോടെ യുവാവിനെ പോലീസ് കസ്റ്റഡിയിലെടുത്തു.

ആറുവയസുകാരിയെ കെട്ടിത്തൂക്കിയത്; മരണവാ‍ര്‍ത്ത അറിഞ്ഞ് പൊട്ടിക്കരഞ്ഞ് ‘കൊലയാളി’; കൊല പീഡനത്തിനിടെ

വിശദമായ ചോദ്യം ചെയ്യലിൽ ഭാര്യയെ ക്രൂരമായി മർദ്ദിച്ചുവെന്ന് അജിത്ത് പോലീസിനോട് വ്യക്തമാക്കി. ഇടയ്ക്കിടെ ഭാര്യ വീട്ടിൽ നിന്നും പുറത്ത് പോകാറുണ്ടായിരുന്നുവെന്നും ഇതിനെ തുടർന്ന് ഭാര്യയെ സംശയമുണ്ടായിരുന്നു. ഇതുമായി ബന്ധപ്പെട്ട തർക്കം മർദ്ദനത്തിൽ കലാശിക്കുകയായിരുന്നുവെന്നും യുവാവ് പോലീസിനോട് പറഞ്ഞു. സംഭവദിവസം ഒരുമിച്ച് മദ്യപിച്ചിരുന്നതായും ഇയാൾ പോലീസിനോട് വ്യക്തമാക്കി.