Viral video: 24 മണിക്കൂറിൽ 23,060 മരങ്ങൾ നട്ട് റെക്കോർഡ് സ്വന്തമാക്കി 23കാരൻ

മനുഷ്യരുടെ പ്രവൃത്തികള്‍ കാരണം വലിയ പാരിസ്ഥിതിക പ്രശ്‌നങ്ങള്‍ നിലവില്‍ ലോകത്തില്‍ ഉണ്ടായി കൊണ്ടിരിക്കുന്നത്. എന്നാല്‍ ഈ കാലഘട്ടത്തിലും വേറിട്ട ചിന്തിക്കുന്ന ചിലരെങ്കിലുമുണ്ട് നമുക്ക് ചുറ്റും. അത്തരത്തിലൊരും 23കാരനാണ് ഇപ്പോള്‍ സോഷ്യല്‍ മീഡിയയില്‍ ഇടം പിടിച്ചിരിക്കുന്നത്. 24 മണിക്കൂറിനിടെ 23,000ലധികം മരങ്ങള്‍ നട്ട് ഗിന്നസ് ലോക റെക്കോര്‍ഡ് നേടിയിരിക്കുകയാണ് 23 കാരനായ കനേഡിയന്‍ യുവാവ് ആന്റ്വയിന്‍ മോസ്.

നോര്‍വേയുടെ മുന്‍ പരിസ്ഥിതി മന്ത്രി എറിക് സോള്‍ഹോം ആണ് യുവാവ് മരങ്ങള്‍ നടന്നതിന്റെ വീഡിയോ ട്വിറ്ററിലൂടെ പങ്കുവെച്ചത്. 24 മണിക്കൂറില്‍ ഏറ്റവും കൂടുതല്‍ മരങ്ങള്‍ നടുന്ന യുവാവ് എന്ന റെക്കോര്‍ഡാണ് ഈ 23കാരന്‍ സ്വന്തമാക്കിയത്. കാലാവസ്ഥ വ്യതിയാനങ്ങള്‍ക്ക് എതിരെയാണ് യുവാവിന്റെ പോരാട്ടം. കഴിഞ്ഞ വര്‍ഷമായിരുന്നു യുവാവിന് റെക്കോര്‍ഡ് ലഭിച്ചത്. 15 സെക്കന്‍ഡുള്ള വീഡിയോ 1.7 മില്യണ്‍ ആളുകളാണ് ഇതുവരെ കണ്ടത്.

Also Read: Viral video: ആവേശത്തോടെ ട്രാക്കിന് അരികിലൂടെ ഓടി അൻഷിഫ്; കൈയ്യടിയും സമ്മാനവും, വൈറലായി വീഡിയോ

‘അത്ഭുതം ! ഒരു 23കാരന്‍ വെറും 24 മണിക്കൂറില്‍ 23,060 മരങ്ങള്‍ നട്ട് പുതിയ ലോക റെക്കോര്‍ഡ് കുറിച്ചിരിക്കുന്നത്. അദ്ദേഹത്തിന് ഒരു മിനിറ്റില്‍ 16 മരങ്ങള്‍ നടാന്‍ കഴിയും എന്നാണ് ആന്റ്വയിന്‍ മോസ് പറയുന്നത്. അതായത് ഒരു സെക്കന്‍ഡില്‍ 3.75 മരങ്ങള്‍ വീതം’ എന്നാണ് മുൻ മന്ത്രി എറിക് സോള്‍ഹൈം ട്വിറ്ററില്‍ കുറിച്ചത്.

2021ല്‍ പുറത്ത് വന്ന വീഡിയോ വീണ്ടും വൈറലായിരിക്കുകയാണ്. നിരവധി പേരാണ് വീഡിയോയ്ക്ക് താഴെ യുവാവിനെ അഭിനന്ദിച്ച് കമന്റുകളുമായി എത്തിരിയിക്കുന്നത്. പ്രകൃതിയെ സംരക്ഷിക്കാന്‍ വേണ്ടി ഇറങ്ങി തിരിച്ച ഈ യുവാവിന്റെ കഠിനാധ്വാനത്തെ ആണ് എല്ലാവരും പുകഴ്ത്തുന്നത്.