​തൃക്കാക്കരയിലെ ഓണ വിശേഷവും അമ്പല ചരിത്രവും​

​തൃക്കാക്കര വാമനമൂര്‍ത്തി ക്ഷേത്രം​

എറണാകുളം ജില്ലയിലെ തൃക്കാക്കരയില്‍ സ്ഥിതിചെയ്യുന്ന ക്ഷേത്രമാണ് തൃക്കാക്കര വാമന മൂര്‍ത്തി ക്ഷേത്രം. കേരളത്തിലെ തന്നെ വാമനമൂര്‍ത്തി പ്രതിഷ്ഠയുള്ള ഒരേഒരു ക്ഷേത്രമെന്ന നിലയിലും ഐതിഹ്യപരമായി ചരിത്രം ഉറങ്ങുന്ന അമ്പലം എന്ന നിലയിലും തൃക്കാക്കര വളരെ പ്രശസ്തമാണ്. വാമനന് മാത്രമല്ല, മഹാബലിയ്ക്കും അതുപോലെ മഹാബലിയുടെ ആരാധ്യദൈവമായ ശിവനും ഈ അമ്പലത്തില്‍ പ്രധാനപ്പെട്ട സ്ഥാനം തന്നെയാണ് ഉള്ളത്. അതുകൊണ്ട് തന്നെ ഓണം ഇത്രയധികം ആഘോഷിക്കപ്പെടുന്നതും ബന്ധപ്പെടുന്നതുമായ ഒരു ക്ഷേത്രം കേരളത്തില്‍ തന്നെയില്ല.

പപ്പടം തോരന്‍

​

​

​പേരും ഐതിഹ്യവും​

മാഹാവിഷ്ണു വാമനരൂപത്തില്‍ എത്തിയ സ്ഥലമാണ് തൃക്കാക്കര എന്നറിയപ്പെടുന്നത്. വാനമന്റെ കാല്‍പാദം പതിഞ്ഞ ഈ മണ്ണിനെ ആദ്യം ‘തിരുകാല്‍ക്കര’ എന്നാണ് ആദ്യം വിശേഷിപ്പിച്ചിരുന്നത്. പിന്നീട് പറഞ്ഞ് പറഞ്ഞ് തൃക്കാക്കരയായി മാറുകയായിരുന്നു എന്നതാണ് ഒരു കഥ. ഇത് കൂടാതെ, കപില മഹര്‍ഷിയുമായി ബന്ധപ്പെട്ട് ഒരു കഥയുണ്ട്. തൃക്കാക്കര ദേശത്തിന്റെ മഹത്വം കേട്ടറിഞ്ഞ് കപില മഹര്‍ഷി തപസ്സ് ചെയ്ത് മഹാവിഷ്ണുവിനെ പ്രത്യക്ഷപ്പെടുത്തുകയും, ഈ സ്ഥലത്ത് മഹാവിഷ്ണുവിനോട് കുടികൊള്ളാമെന്ന് വരമായി ആവശ്യപ്പെട്ടു. ഭക്തന്റെ ആഗ്രഹപ്രകാരം ഭഗവാന്‍ തൃക്കാക്കരയില്‍ കുടികൊള്ളുകയും ചെയ്‌തെന്നും. അതിനാലാണ് ഈ പേര് ലഭിച്ചതെന്നും മറ്റൊരു ഐതിഹ്യം.

​തൃക്കാക്കരയിലെ ഓണം​

​ക്ഷേത്രവും ആഘോഷവും​

തൃക്കാക്കര ക്ഷേത്രത്തിലെ ശിവപ്രതിഷ്ഠയ്ക്കും ചില പ്രത്യേകതകളുണ്ട്. മഹാബലി ആരാധിച്ചിരുന്ന ശിവലിംഗമാണ്‌ക്ഷേത്രത്തില്‍ ഉള്ളത് എന്നാണ് കരുതപ്പെടുന്നത്. അതിനാല്‍ തന്നെ ക്ഷേത്രത്തില്‍ തൊഴാന്‍ പോകുന്നവര്‍ ആദ്യം ശിവനെ തൊഴുത് വന്ദിച്ചതിന് ശേഷം മാത്രമാണ് വാനമൂര്‍ത്തിയെ വണങ്ങുന്നത്. അതുപോലെ ശിവ ക്ഷേത്രത്തിന്റെ മുന്‍പിലായിട്ടാണ് മഹാബലിയെ പ്രതിഷ്ഠിച്ചിരിക്കുന്നത്.