![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-360x180.jpg)
ശരീരഭാരം കുറയ്ക്കാന്‍
പല കാരണങ്ങള്‍ കൊണ്ട് ഒരു വ്യക്തിയില്‍ അമിതമായി ശരീരഭാരം വര്‍ദ്ധിക്കാം. നിങ്ങള്‍ക്ക് പിസിഒഡി, തൈറോയ്ഡ് പ്രശ്‌നങ്ങള്‍ ഉണ്ടെങ്കില്‍ അത് ശരീരഭാരം വര്‍ദ്ധിക്കാന്‍ കാരണമാകുന്നുണ്ട്. അതുപോലെ, വ്യായാമം ചെയ്യാതിരിക്കുന്നത്, അമിതമായി കൊഴുപ്പടങ്ങിയ ആഹാരങ്ങള്‍ കഴിക്കുന്നതെല്ലാം തന്നെ നിങ്ങളുടെ ശരീരഭാരം വര്‍ദ്ധിക്കാന്‍ കാരണങ്ങളാണ്.
ഈ ശരീരഭാരം കുറയ്ക്കാന്‍ ആപ്പിള്‍ സൈഡര്‍ വിനിഗര്‍ ഒരു പരിധിവരെ സഹായിക്കുന്നുണ്ട് എന്നത് സത്യമാണ്. നിങ്ങളുടെ വിശപ്പ് കുറയക്കാനും അമിതമായി ആഹാരം കഴിക്കുന്നത് കണ്‍ട്രോള്‍ ചെയ്യാനും ശരീരത്തില്‍ നിന്നും കൊഴുപ്പ് നീക്കം ചെയ്യാനും ഇത് വളരെയധികം സഹായിക്കുന്നുണ്ട്.
വ്യായാമം ഇല്ലാതെ ശരീരഭാരം കുറയ്ക്കാന്‍
ശരീര ഭാരം കുറക്കാൻ ഉപയോഗിക്കാം ഈ ടിപ്സ്
കഴിക്കേണ്ട ശരിയായ വിധം
ആപ്പിള്‍ സൈഡര്‍ വിനിഗര്‍ ഒരിക്കലും നേരിട്ട് കഴിക്കാന്‍ പാടില്ല. ഇതിന് അസിഡിറ്റി സ്വഭാവം ആയതിനാല്‍ ഇത് ദഹന പ്രശ്‌നങ്ങള്‍ സൃഷ്ടിക്കാനും, ചര്‍മ്മം വരണ്ട്് പോകുന്നതിനും കാരണമാണ്. ഇത് മാത്രമല്ല, പല്ലുകലുടെ ആരോഗ്യം നശിപ്പിക്കുകയും നെഞ്ചെരിച്ചില്‍ പോലെയുള്ള പ്രശ്‌നങ്ങള്‍ വര്‍ദ്ധിപ്പിക്കുകയും ചെയ്യുന്നു. അതിനാല്‍, ഒരു ഗ്ലാസ്സ് വെള്ളത്തില്‍ ഒരു ടീസ്പൂണ്‍ ആപ്പിള്‍ സൈഡര്‍ വിനിഗര്‍ ചേര്‍ത്ത് മിക്‌സ് ചെയ്ത് കഴിക്കാവുന്നതാണ്.
രാവിലെ വെറും വയറ്റില്‍ കഴിക്കുന്നതിനേക്കാള്‍ നല്ലത് ആഹാരം കഴിക്കുന്നതിന് മുന്‍പ് കഴിക്കുന്നതാണ്. ഇത്തരത്തില്‍ കഴിക്കുന്നത് വിശപ്പ് കുറയ്ക്കാനും ആഹാരം അമിതമായി കഴിക്കുന്നത് നിയന്ത്രിക്കാനും സഹായിക്കും. വെറും വയറ്റില്‍ പരമാവധി ഇത് കഴിക്കരുത്. കഴിച്ചാല്‍ ചിലപ്പോള്‍ നെഞ്ചെരിച്ചില്‍ പോലെയുള്ള പ്രശ്‌നങ്ങള്‍ വരാന്‍ സാധ്യതയുണ്ട്. അതുപോലെ പതിവായി കുറേ നാള്‍ ഇത് കഴിച്ചാല്‍ അതും ചര്‍മ്മ പ്രശ്‌നങ്ങളും ആരോഗ്യ പ്രശ്‌നങ്ങളും നിങ്ങളിലേയ്ക്ക് എത്തിക്കുന്നു.
അതുപോലെ ഒരു ദിവസം മാക്‌സിമം 2 ടീസ്പൂണ്‍ ആപ്പിള്‍ സൈഡര്‍ വിനിഗര്‍ ഉപയോഗിച്ചാല്‍ മതി. അതില്‍ കൂടുതലാകുന്നതും ആരോഗ്യ പ്രശ്‌നങ്ങളിലേയ്ക്ക് നയിക്കും. അതിനാല്‍ ഉപയോഗിക്കുമ്പോള്‍ ശ്രദ്ധിച്ച് മാത്രം ഉപയോഗിക്കാം.
റിസള്‍ട്ട് എന്തായിരിക്കും
വളരെ പെട്ടെന്ന് ശരീരഭാരവും വയറും കുറയാന്‍ ആഗ്രഹിക്കുന്നവരാണെങ്കില്‍ അവര്‍ക്ക് പറ്റിയ മാര്‍ഗ്ഗം തന്നെയാണ് ആപ്പിള്‍ സൈഡര്‍ വിനിഗര്‍ ഉപയോഗിക്കുക എന്നത്. എന്നാല്‍, ദീര്‍ഘകാലത്തേയ്ക്ക് ശരീരഭാരം കുറയ്ക്കാന്‍ ആഗ്രഹിക്കുന്ന ആളാണ് നിങ്ങള്‍ എങ്കില്‍ നിരാശയായിരിക്കും ഫലം. കാരണം, ഇതിന്റെ ഉപയോഗം നിര്‍ത്തി കഴിഞ്ഞാല്‍ വീണ്ടും പഴയപോലെ വണ്ണം വയ്ക്കുന്നതിന് കാരണമാണ്.
ഇതിന്റെ ഉപയോഗം നിര്‍ത്താതെ പതിവായി കഴിക്കാനാണ് നിങ്ങള്‍ ഉദ്ദേശിക്കുന്നതെങ്കില്‍ നിങ്ങളുടെ ചര്‍മ്മം വരണ്ട് പോകുന്നതിന് ഇത് കാരണമാകുന്നു. അതുപോലെ ദഹന പ്രശ്‌നങ്ങള്‍ നിങ്ങളെ വിടാതെ പിന്തുടരും. ഇത് മറ്റ് ആരോഗ്യ പ്രശ്‌നങ്ങളിലേയ്ക്ക് നയിക്കുന്നതാണ്. അതിനാല്‍, ശരിയായ വിധത്തില്‍ ശരീരഭാരം കുറയ്ക്കാന്‍ ശ്രദ്ധിക്കാവുന്നതാണ്.
ശരിയായ വിധത്തില്‍ ശരീരഭാരം കുറയ്ക്കാന്‍
നിങ്ങള്‍ ശരീരഭാരം കുറയ്ക്കാന്‍ ആപ്പിള്‍ സൈഡര്‍ വിനിഗര്‍ ഉപയോഗിക്കുമ്പോള്‍ നല്ല ഹെല്‍ത്തിയായി ദീര്‍ഘകാലത്തേയ്ക്ക് ഫലം ലഭിക്കാന്‍ ഇതിന്റെ കൂടെ നല്ല ഹെല്‍ത്തി ഡയറ്റ് പിന്തുടരേണ്ടത് അനിവാര്യമാണ്. പ്രോട്ടീന്‍ അടങ്ങിയ ആഹാരങ്ങള്‍ ഡയറ്റില്‍ ഉള്‍പ്പെടുത്താന്‍ മറക്കരുത്. അതുപോലെ പോഷകങ്ങള്‍ അടങ്ങിയ ആഹാരങ്ങളും ഡയറ്റില്‍ ഉള്‍പ്പെടുത്താന്‍ ശ്രദ്ധിക്കണം. ആപ്പിള്‍ സൈഡര്‍ വിനിഗര്‍ അടുപ്പിച്ച് ഉപയോഗിക്കാതെ ഗ്യാപ്പിട്ട് ഉപയോഗിക്കുന്നത് നല്ലതാണ്. ഇല്ലെങ്കില്‍, ഇത് ശരീരത്തിലേയ്ക്ക് പോഷകങ്ങള്‍ എത്തുന്നത് തടയുന്നതിനും ഒരു കാരണമാണ്.
ദീര്‍ഘകാലത്തേയ്ക്ക് നല്ല ഫലത്തോടെ ശരീരഭാരം കുറച്ച് നിലനിര്‍ത്തണമെങ്കില്‍ നല്ല ഡയറ്റിന്റെ കൂടെ തന്നെ നിങ്ങള്‍ നല്ലപോലെ വ്യായാമവും ചെയ്യേണ്ടത് അനിവാര്യമാണ്. വ്യായാമം ചെയ്തില്ലെങ്കില്‍ അത് പേശികള്‍ക്കും എല്ലുകള്‍ക്കും ബലം കുറയുന്നതിന് കാരണമാകുന്നു. ഇത് എല്ല് തേയ്മാനം പോലെയുള്ള ആരോഗ്യ പ്രശ്‌നങ്ങളിലേയ്ക്കും നിങ്ങളെ തള്ളി വിടാം. അതിനാല്‍ വ്യായാമവും ഡയറ്റും ഒപ്പം ആപ്പിള്‍ സൈഡര്‍ വിനിഗര്‍ ഹെല്‍ത്തിയായി ഉപയോഗിച്ചാല്‍ നല്ലരീതിയില്‍ തന്നെ നിങ്ങള്‍ക്ക് ശരീരഭാരം കുറച്ചെടുക്കാന്‍ സാധിക്കുന്നതാണ്.
ഡോക്ടറുടെ അഭിപ്രായം
പലര്‍ക്കും വ്യത്യസ്ത കാരണങ്ങളാല്‍ ശരീരഭാരം വര്‍ദ്ധിക്കാം. ചിലപ്പോള്‍ ചില ആരോഗ്യ പ്രശ്‌നങ്ങള്‍ അല്ലെങ്കില്‍ മരുന്നുകളുടെ ഉപയോഗം ശരീരഭാരം വര്‍ദ്ധിക്കാന്‍ കാരണമാണ്. അതിനാല്‍, നിങ്ങള്‍ ഒരു ഡോക്ടറെ കണ്ട്, എന്തുകൊണ്ടാണ് ശരീഭാരം വര്‍ദ്ധിക്കുന്നത് എന്ന് മനസ്സിലാക്കി ഡോക്ടറുടെ അഭിപ്രായത്തോടെ ആപ്പിള്‍സൈഡര്‍ വിനിഗര്‍ ഉപയോഗിക്കാന്‍ ശ്രദ്ധിക്കുക.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-120x86.jpg)
