മലയാളി യുവതി കുവെെറ്റിൽ കെട്ടിടത്തിൽ നിന്ന് വീണ് മരിച്ചനിലയിൽ

Also Read: പരിധിയിൽ കവിഞ്ഞ പണ ഇടപാട്; ഇഖാമ പുതുക്കാനായി ശ്രമിച്ച മലയാളിയുടെ അപേക്ഷ നിരസിച്ച് ജവാസത്ത്

സോഷ്യൽ മീഡി കർശനമായി നിരീക്ഷിക്കും: കുവെെറ്റ് ആഭ്യന്തര മന്ത്രാലയം

കുവെെറ്റ്: കുവെെറ്റിൽ സോഷ്യൽ മീഡിയ കർശനമായി നിരീക്ഷിക്കാൻ തീരുമാനവുമായി ആഭ്യന്തര മന്ത്രാലയം രംഗത്ത്. രാജ്യത്തിന്റെ പൊതു ധാർമികത ലംഘിക്കുകയോ, ഉദ്യോഗസ്ഥർ ഉൾപ്പെടെയുള്ള സിവിൽ സർവിസുകാരെ അപകീർത്തിപ്പടുത്തുകയോ ചെയ്യുന്നവർക്കെതിരെ ശക്തമായ നടപടി സ്വീകരിക്കും. സോഷ്യൽ മീഡിയ വഴി ഇത്തരത്തിലുള്ള എന്തെങ്കിലും പ്രവർത്തികൾ ചെയ്താൽ ശക്താമായ നടപടികൾ സ്വീകരിക്കും. ഇതിന് വേണ്ടി പ്രത്യേക സംഘത്തെ ചുമതലപ്പെടുത്തിയിട്ടുണ്ട്.

ഉദ്യോഗസ്ഥർക്കും സുരക്ഷാ സംവിധാനങ്ങൾക്കും അവരുടെ ജോലി ചെയ്യാൻ വേണ്ടി ഇത്തരത്തിലുള്ള പരാമർശങ്ങളിൽ നിന്ന് മാറി നിൽക്കണം. അവർക്ക് ജോലി ചെയ്യാൻ വേണ്ടിയുള്ള സൗകര്യങ്ങൾ ഒരുക്കണം. ജനറൽ ഡയറക്ടറേറ്റ് ഓഫ് സെക്യൂരിറ്റി റിലേഷൻസ് ആൻഡ് മീഡിയ ആണ് ഇക്കാര്യം അറിയിച്ചത്. ഡിപ്പാർട്മെന്റ് ഓഫ് ഇലക്‌ട്രോണിക് ആൻഡ് സൈബർ ക്രൈം ഇത്തരം സോഷ്യല്‍ മീഡിയ അക്കൗണ്ടുകള്‍ക്കെതിരെ തെളിവുകൾ ശേഖരിച്ചു വരുകയാണ്. സോഷ്യൽ മീഡിയകൾ ഇതിന്റെ ഭാഗമായി ശക്തമായി നിരീക്ഷിച്ചു കൊണ്ടിരിക്കുന്നുണ്ട്. സമൂഹ മാധ്യമ ഉപയോക്താക്കളോട് നിയമവും പൊതുധാർമികതയും പാലിക്കാന്‍ അധികൃതർ സ്വദേശികൾക്കും വിദേശികൾക്കും നിർദ്ദേശം നൽകിയിട്ടുണ്ട്.

രാജ്യത്തെയും പൊതുസമൂഹത്തേയും അവഹേളിക്കുന്ന തരത്തിലാണ് പലപ്പോഴും സോഷ്യൽ മീഡിയയിൽ ചിത്രങ്ങളും ചർച്ചകളും നടക്കുന്നത്. ഇത്തരം പ്രവർത്തികൾക്കെതിരെ ശക്തമായ നടപടി സ്വീകരിക്കും. രാജ്യത്തിനകത്തുനിന്നുള്ള സമൂഹ മാധ്യമ അക്കൗണ്ടുകള്‍ വഴി എന്തെങ്കിലും തെറ്റായ പ്രചാരണം നടന്നിട്ടുണ്ടെങ്കിലും ശക്തമായ നടപടി സ്വീകരിക്കും. സംശയാസ്പദമായ അക്കൗണ്ടുകള്‍ കർശനമായി പരിശോധിക്കും. അത്തരത്തിലുള്ള അകൗണ്ടുകളിൽ നിന്നും പോകുന്ന വിവരങ്ങൾ നിരീക്ഷിക്കും. നടപടിയെടുക്കുമെന്നും അധികൃതർ അറിയിച്ചു.