ഭൂമി പരന്നത് എന്ന് തെളിയിക്കണം, നാവിക സേനയിൽ ചേർന്ന് ഒരു വിരുതൻ

ഭൂമി ഉരുണ്ടതാണ് എന്ന് ശാസ്ത്രം വ്യക്തമാക്കിയിട്ടുണ്ടെങ്കിലും ചിലരെ സംബന്ധിച്ച് ഈ ഇക്കാര്യം ഇപ്പോഴും വിശ്വാസയോഗ്യമല്ല. അവർ ഇപ്പോഴും വാദിക്കുന്നത് ഭൂമി പരന്നതാണ് എന്നാണ്. ഇത് തെളിയിക്കാൻ പല സിദ്ധാന്തങ്ങളും ഇവർക്കുണ്ട്. എന്നാൽ ഭൂമി പരന്നതാണ് എന്ന് തെളിയിക്കാൻ നാവിക സേനയിൽ ചേർന്ന ആരെയെങ്കിലും പറ്റി കേട്ടിട്ടുണ്ടോ?



വാക്‌സിനെടുത്തവർ കടക്ക് പുറത്ത്! ഇവിടെ നിങ്ങൾക്ക് ഭക്ഷണം വിളമ്പില്ല

ഒരു നാവിക ഓഫീസറാണ് റെഡ്‌ഡിറ്റിൽ ഇക്കാര്യം വെളിപ്പെടുത്തിയത്. തന്റെ സഹപ്രവർത്തകനാണ് ഭൂമി പരന്നതാണ് എന്ന സിദ്ധാന്തം തെളിയിക്കാനായി നാവികസേനയിൽ ചേർന്നത് എന്ന് ഉദ്യോഗസ്ഥൻ വെളിപ്പെടുത്തുന്നു. ഭൂമി പരന്നത് എന്ന് തെളിയിക്കുന്നതും നാവിക സേനയിൽ ചേരുന്നതും തമ്മിൽ എന്ത് ബന്ധം എന്ന് ന്യായമായും ചിന്തിക്കാം. നാവിക സേനയുടെ കപ്പലിൽ യാത്ര ചെയ്യുമ്പോൾ കടലിലൂടെ ഒരിക്കൽ ഭൂമിയുടെ അറ്റത്തെത്തും എന്ന പ്രതീക്ഷയിലാണത്രെ കക്ഷി സേനയിൽ ചേർന്നത്. ഇതോടെ തന്റെ സിദ്ധാന്തത്തിന് തെളിവ് ലഭിക്കും എന്നാണത്രെ സഹപ്രവർത്തകൻ വിചാരിച്ചത്.

7 കിലോഗ്രാം സദ്യ, 1 മണിക്കൂറിൽ കഴിക്കണം! വെല്ലുവിളി ഏറ്റെടുക്കുന്നോ?

“എല്ലാ ദിവസവും അദ്ദേഹം കപ്പലുകളുടെ സ്ഥാനം, വേഗത, ദിശ മുതലായവ പല തവണ രേഖപ്പെടുത്തും” എന്ന് ഉദ്യോഗസ്ഥൻ റെഡിറ്റിൽ കുറിച്ചു. എന്നാൽ ദിവസങ്ങൾ കഴിഞ്ഞതോടെ കപ്പൽ പോകുന്ന വഴിയിലൂടെ ഭൂമി പരന്നതാണെന്ന് തെളിയിക്കാൻ സാധിക്കില്ല എന്ന് അദ്ദേഹത്തിന് മനസ്സിലായി. ഒടുവിൽ, മറ്റൊരു ഓഫീസർ ആ മനുഷ്യന് ഒരു ജോടി ബൈനോക്കുലർ നൽകി ചക്രവാളത്തിലേക്ക് വിരൽ ചൂണ്ടി, ഭൂമി പരന്നതാണെന്നും ബൈനോക്കുലറിലൂടെ ലക്ഷ്യസ്ഥാനം കാണാൻ കഴിയുമെന്നും പറഞ്ഞു. പക്ഷെ “അദ്ദേഹത്തിന് ചക്രവാളത്തിൽ നിന്ന് ഒന്നും കാണാൻ കഴിഞ്ഞില്ല. ഇതോടെ കക്ഷി ശ്രമം ഉപേക്ഷിച്ചു,” റെഡിറ്റ് വിവരം വ്യക്തമാക്കുന്നു.

നൂറുകണക്കിന് കമന്റുകളുമായി നാവിക ഓഫീസറുടെ പോസ്റ്റ് ഇപ്പോൾ വൈറലായിക്കഴിഞ്ഞു.