സ്വന്തമായി വെന്റിലേറ്റര്‍ നിര്‍മ്മിച്ച് സൗദി; വര്‍ഷത്തില്‍ 6000 എണ്ണം നിര്‍മ്മിക്കും

Sumayya P | Lipi | Updated: 10 Jun 2021, 04:18:00 PM

ഒരിടത്ത് നിന്ന് മറ്റൊരുടത്തേക്ക് മാറ്റാവുന്നതും വീടുകളില്‍ വച്ച് സ്വന്തം നിലയ്ക്ക് ഉപയോഗിക്കാവുന്നതുമാണ് എന്ന സവിശേഷതയും ഇതിനുണ്ട്

ജിദ്ദ: കൊവിഡ് പ്രതിരോധ പ്രവര്‍ത്തനങ്ങള്‍ക്ക് ശക്തി പകരുന്നതിന്റെ ഭാഗമായി ഗുരുതര രോഗികളെ ചികില്‍സിക്കുന്നതിനുള്ള വെന്റിലേറ്റര്‍ സ്വന്തമായി നിര്‍മിച്ച് സൗദി അറേബ്യ. പിബി (പ്യൂരിറ്റാന്‍ ബെനെറ്റ്0 560 പോര്‍ട്ടബിള്‍ വെന്റിലേറ്ററാണ് റിയാദ് കേന്ദ്രമായി പ്രവര്‍ത്തിക്കുന്ന റുവാദ് ടെക്‌നോളജി നിര്‍മിച്ചത്. ഒരു വര്‍ഷം 6000 വെന്റിലേറ്ററുകള്‍ നിര്‍മിക്കാനാണ് പദ്ധതിയെന്ന് കമ്പനി അറിയിച്ചു. പിബി 560 വെന്റിലേറ്ററുകള്‍ അമേരിക്കന്‍-ഐറിഷ് മെഡിക്കല്‍ ടെക്‌നോളജി കമ്പനിയായ മെഡ്‌ട്രോണിക്കിന്റേതാണ്. എന്നാല്‍ കൊവിഡ് വ്യാപനത്തിന്റെ പശ്ചാത്തലത്തില്‍ വെന്റിലേറ്ററില്‍ ആഗോള തലത്തില്‍ കടുത്ത ക്ഷാമം നേരിട്ട പശ്ചാത്തലത്തില്‍ അതിന്റെ ഡിസൈന്‍ സ്‌പെസിഫിക്കേഷനുകളും സോഫ്റ്റ് വെയര്‍ കോഡും മറ്റ് കമ്പനികള്‍ക്ക് കൈമാറാന്‍ തയ്യാറാവുകയായിരുന്നു. ലോകത്തുള്ള ഏത് കമ്പനിക്കും ഇവ ഉപയോഗിച്ച തങ്ങളുടെ സ്വന്തം ഉല്‍പ്പന്നങ്ങള്‍ നിര്‍മിക്കാമെന്ന അപൂര്‍വ തീരുമാനം 2020 മാര്‍ച്ചിലായിരുന്നു മെഡ്‌ട്രോണിക്ക് കൈക്കൊണ്ടത്.

Also Read:

സിനോഫാം വാക്സിൻ സ്വീകരിച്ചവർക്ക് ബൂസ്റ്റർ ഡോസിൽ ആശങ്ക വേണ്ട: ബഹ്റൈന്‍

ഒന്‍പത് സൗദി കമ്പനികള്‍ വെന്റിലേറ്ററിന്റെ പ്രോട്ടോടൈപ്പുകള്‍ അംഗീകാരത്തിനായി സൗദി ഫുഡ് ആന്റ് ഡ്രഗ് അതോറിറ്റി മുമ്പാകെ ലഭിച്ചിരുന്നുവെങ്കിലും പിബി 560 നിര്‍മിക്കാനുള്ള അനുമതി റുവാദ് ടെക്‌നോളജി നേടിയെടുക്കുകയായിരുന്നു. എളുപ്പത്തില്‍ ഒരിടത്ത് നിന്ന് മറ്റൊരുടത്തേക്ക് മാറ്റാവുന്നതും വീടുകളില്‍ വച്ച് സ്വന്തം നിലയ്ക്ക് ഉപയോഗിക്കാവുന്നതുമാണ് എന്ന സവിശേഷതയും ഇതിനുണ്ട്.

അന്താരാഷ്ട്ര നിലവാരത്തിലുള്ള വെന്റിലേറ്ററാണ് സൗദിയില്‍ നിര്‍മിച്ചിരിക്കുന്നതെന്ന് സൗദി വ്യവസായ മന്ത്രി ബന്തര്‍ അല്‍ ഖുറൈഫ് പറഞ്ഞു.

കൊവിഡ് വ്യാപനം ആഗോള തലത്തില്‍ ആരോഗ്യ രംഗത്തുണ്ടാക്കിയ അടിയന്തര സാഹചര്യം പരിഗണിച്ചാണ് സൗദി ഇത്തരമൊരു ഉദ്യമത്തിന് മുതിര്‍ന്നതെന്നും അദ്ദേഹം അറിയിച്ചു. രാജ്യത്ത് മെഡിക്കല്‍ ടെക്‌നോളജി മേഖലയില്‍ കൂടുതല്‍ കമ്പനികള്‍ സ്ഥാപിക്കാന്‍ ലക്ഷ്യമിടുന്നതായും അദ്ദേഹം അറിയിച്ചു.

ഡ്യൂട്ടിക്കിടെ ഡാൻസ് കളിച്ച് പോലീസുകാര്‍; പിന്നാലെ പണികിട്ടി

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : saudi arabia to build 6000 ventilators a year to save covid-19 patients

Malayalam News from malayalam.samayam.com, TIL Network