ഇരുന്നുകൊണ്ടുള്ള ജോലിയാണോ? ഇതാ 5 മികച്ച വ്യായാമങ്ങൾ

ചെസ്റ്റ് ഓപ്പണർ



ഈ വ്യായാമം പുറകിലെയും തോളിലെയും പേശികളെ ബലപ്പെടുത്താൻ സഹായിക്കുന്നു. നെഞ്ചിലെ പേശികളെ വലിച്ചുനീട്ടുന്നതിനും ഞെരുക്കത്തിന്റെ പ്രശ്നം കുറയ്ക്കുന്നതിനും ചെസ്റ്റ് ഓപ്പണർ വ്യായാമം മികച്ചതാണ്.

സ്റ്റെപ്പ് 1: പാദങ്ങൾ ഇടുപ്പിൻറെ നേരെ വെച്ച് നിവർന്ന് നിൽക്കുക, കൈകൾ നിങ്ങളുടെ പുറകിൽ നിന്ന് ഇടുപ്പിനോട് ചേർന്ന് ഇഴചേർക്കുക.

സ്റ്റെപ്പ് 2: നിങ്ങളുടെ ശരീരം വളച്ച്, അതേ സമയം ശരീരത്തിലേക്ക് ലംബമായി കൈകൾ ഉയർത്തുക. വിരലുകൾ സീലിംഗിനെ അഭിമുഖീകരിച്ച് നിൽക്കണം, കുറച്ച് നിമിഷങ്ങൾ ഇതേ പോസ് നിലനിർത്തിയ ശേഷം വിശ്രമിക്കുക.

Morning Walk: രാവിലെ നടക്കുന്നത് വെറുതേയാകില്ല, നേടാം ഈ ഗുണങ്ങൾ

ലഞ്ച് സ്ട്രെച്ച്



ഇരുന്നുകൊണ്ട് ജോലി ചെയ്യുന്നവർ ലഞ്ച് സ്ട്രെച്ചുകൾ ചെയ്യുന്നത് ഉപയോഗപ്രദമായിരിക്കും.

സ്റ്റെപ്പ് 1: നിവർന്നു നിൽക്കുക, നിങ്ങളുടെ പാദങ്ങൾ ഇടുപ്പ് വീതിയിൽ അകറ്റി വെച്ച്, ഇടുപ്പിൽ കൈകൾ അമർത്തി വയ്ക്കുക.

സ്റ്റെപ്പ് 2: നിങ്ങളുടെ വലതു കാൽ മുന്നോട്ട് നീക്കുക, നിങ്ങളുടെ ശരീരം നിങ്ങൾക്ക് കഴിയുന്നത്ര താഴ്ത്തുക. ബാലൻസ് ലഭിക്കുന്നതിനായി നിങ്ങളുടെ കാൽമുട്ടുകളിൽ കൈകൾ വയ്ക്കുക.

സ്റ്റെപ്പ് 3: കുറച്ച് നിമിഷങ്ങൾ ഇതേ രീതിയിൽ തുടരുക,ശേഷം സ്ട്രെച്ചിൽ നിന്ന് പുറത്തുവരിക. വീണ്ടും ഇത് പല തവണ ആവർത്തിക്കുക.

ഡൗൺ ഫേസിംഗ് ഡോഗ് പൊസിഷൻ



കഴുത്തിലെ ആയാസവും നടുവേദനയും കുറയ്ക്കുന്നതിനുള്ള മികച്ച യോഗാസനമാണ്. മുഖം താഴേക്ക് അഭിമുഖമായിരിക്കുന്ന രീതിയിലുള്ള വ്യായാമ രീതിയാണിത്.

സ്റ്റെപ്പ് 1: നേരെ നിവർന്നു നിന്ന ശേഷം കൈകൾ തറയിലേക്ക് പതിക്കുക. ഇത്തരത്തിൽ ശരീരത്തിൻറെ മധ്യ ഭാഗം ഉയർത്തി നിർത്താനും ശ്രദ്ധിക്കണം.

സ്റ്റെപ്പ് 2: ശേഷം ശ്വാസം ഉള്ളിലേക്ക് എടുത്ത് നിങ്ങളുടെ ഇടുപ്പ് മുകളിലേക്ക് ഉയർത്തുക, ഒപ്പം നിങ്ങളുടെ കൈമുട്ടുകളും കാൽമുട്ടും നേരെ വെച്ച് പിരമിഡ് രീതിയിലേക്ക് മാറുക.

സ്റ്റെപ്പ് 3: നിങ്ങളുടെ കൈ നിലത്ത് അമർത്തി കഴുത്ത് നേരെയാക്കുക. ശേഷം വയറിലേക്ക് നോട്ടം ഉറപ്പിച്ച് നിൽക്കുക.

സ്റ്റെപ്പ് 4: ഇങ്ങനെ കുറച്ച് നിമിഷങ്ങൾ നിന്ന ശേഷം പഴയ രീതിയിലേക്ക് മടങ്ങുക.

സ്കിപ്പിംഗ് ശീലമാക്കിക്കോളൂ, ആരോഗ്യവും ശരീര സൗന്ദര്യവും നേടാം

സ്പൈനൽ ട്വിസ്റ്റ്



നട്ടെല്ലിൻറെ ആരോഗ്യത്തെ മികച്ചതാക്കാൻ സഹായിക്കുന്നതാണ് സ്പൈനൽ ട്വിസ്റ്റ്. ഈ വ്യായാമരീതി പതിവാക്കുന്നത് ഇന്റർ-വെർട്ടെബ്രൽ സ്പേസ് കൃത്യമാക്കാൻ സഹായിക്കുന്നു. ഇത് നട്ടെല്ലിനെ നീട്ടുകയും നിങ്ങളുടെ തോളിലെയും കഴുത്തിലെയും പേശികളെ മികച്ചതാക്കുകയും ചെയ്യുന്നു.

സ്റ്റെപ്പ് 1: നിലത്ത് മലർന്നു കിടന്ന ശേഷം കൈകൾ ഇരു വശത്തേക്കും നിവർത്തി വെച്ച്, കാലുകൾ ശരിയായ രീതിയിൽ നേരെ വെയ്ക്കണം.

സ്റ്റെപ്പ് 2: ശേഷം പതിയെ മുട്ട് മടക്കി നിങ്ങളുടെ പാദങ്ങൾ നിലത്ത് കുത്തി ആദ്യം വലത് വശത്തേക്ക് ചെരിക്കുക. ഇടത് കാൽ മടക്കിയ രീതിയിൽ വെയ്ക്കുക.

സ്റ്റെപ്പ് 3: ഇങ്ങനെ കുറച്ച് നിമിഷങ്ങൾ താൽക്കാലികമായി നിർത്തുക, ശേഷം മറുവശത്ത് ഇതേ കാര്യം ആവർത്തിക്കുക.

റിവേഴ്സ് പ്ലാങ്ക്



കാലുകളിലെയും ശരീരത്തിൻറെ പിൻ വശത്തെയും പേശികളെ ബലപ്പെടുത്താൻ സഹായിക്കുന്നതാണ് റിവേഴ്സ് പ്ലാങ്ക്. നടുവേദന, നിതംബത്തിലെ മരവിപ്പ് എന്നിവയിൽ നിന്ന് ആശ്വാസം നൽകാൻ ഇത് സഹായിക്കും.

സ്റ്റെപ്പ് 1: ഇതിനായി നിങ്ങളുടെ കാലുകൾ മുന്നിലേക്ക് നീട്ടി, കൈപ്പത്തികൾ തറയിൽ ഉറപ്പിച്ച് ഒരു മാറ്റിൽ ഇരിക്കുക.

സ്റ്റെപ്പ് 2: നിങ്ങളുടെ ഇടുപ്പ് മുകളിലേക്ക് അമർത്തുക, കാലുകൾ ഒരുമിച്ച് വെച്ച് തറയിലേക്ക് നോക്കുക. നിങ്ങളുടെ നെഞ്ച് ഉയർന്നും നിങ്ങളുടെ ശരീരം ഒരു നേർരേഖയിൽ ആയിരിക്കുകയും വേണം.

സ്റ്റെപ്പ് 3: 5 മിനിറ്റ് ശ്വാസം പിടിച്ചു വെക്കുക, നിങ്ങളുടെ ശരീരത്തിന് വിശ്രമിക്കാൻ സമയമാകുമ്പോൾ ഇടുപ്പ് താഴ്ത്തുക. ഇത് തുടർച്ചയായി ചെയ്യുക.