പലര്‍ക്കും പലപ്പോഴും അനുഭവപ്പെടുന്ന പ്രശ്‌നമാണ് തൊണ്ട അടഞ്ഞതു പോലെയുളള ഒരു തോന്നല്‍. ഇതിന് കോള്‍ഡ് പോലുള്ള കാരണങ്ങള്‍ ഇല്ലെങ്കില്‍ പോലും ഇത്തരം തോന്നല്‍ പലര്‍ക്കും ഉണ്ടാകാറുണ്ട്. ചിലപ്പോള്‍ വലിഞ്ഞു മുറുകുന്ന പോലെയും തോന്നും. ഇത് പലപ്പോഴും രോഗത്തിന്റെ ഭാഗമാണോയെന്നറിയാന്‍ പലരും ചികിത്സ തേടാറുമുണ്ട്. എപ്പോഴും ഉമിനീരും ഇറക്കാന്‍ തോന്നും. ഇതിന് ഗ്ലോബസ് സെന്‍സേഷന്‍ എന്നു പറയുന്നു. മനുഷ്യരില്‍ 46 ശതമാനത്തിനും ഇതുണ്ടായിട്ടുണ്ടെന്നതാണ് പഠനങ്ങള്‍ പറയുന്നത്. പുരുഷന്മാരെ അപേക്ഷിച്ച് സ്ത്രീകള്‍ക്കാണ് ഇത്തരം പ്രശ്‌നമുണ്ടാകാനുളള സാധ്യത കൂടുതല്‍ . പ്രത്യേകിച്ചും 20-40 വരെ പ്രായമുള്ള സ്ത്രീകളില്‍. ഇതിന്റെ കാരണം, ഇതിനുള്ള പരിഹാരം അറിയൂ.

തൊണ്ടയില്‍

തൊണ്ടയിലെ മസിലുകള്‍ക്കുണ്ടാകുന്ന വ്യത്യാസമാണ് ഇതിന് കാരണം. ഇത് രോഗകാരണമാകണം എന്നില്ല. സ്‌ട്രെസ് പോലുള്ള പ്രശ്‌നങ്ങളെങ്കില്‍ ഇതുണ്ടാകാം. എന്നാല്‍ വെള്ളം കുടിയ്ക്കാനോ ഭക്ഷണമിക്കാനോ ബുദ്ധിമുട്ടുണ്ടാകില്ല. അമിതമായ ടെന്‍ഷന്‍ കാരണം ഇതുണ്ടാകാം. ഇതല്ലാതെ ഹോര്‍മോണ്‍ പ്രശ്‌നങ്ങള്‍ കാരണമുണ്ടാകാം. ഇതാണ് സ്ത്രീകളില്‍ ഇതുണ്ടാകാന്‍ സാധ്യത കൂടുതല്‍. തൈറോയ്ഡ് പ്രശ്‌നങ്ങളെങ്കില്‍ ഇതുണ്ടാകാന്‍ സാധ്യതയുണ്ട്. ഇതു പോലെ അസിഡിറ്റിയുമായി ബന്ധപ്പെട്ടും ഇതുണ്ടാകും. ആമാശയത്തിലെ കോശങ്ങളുടെ ഒരു നിര തൊണ്ടയിലും വളരാന്‍ സാധ്യതയുണ്ട്. ഇങ്ങനെയെങ്കിലും ഈ പ്രശ്‌നമുണ്ടാകാം. ഇതുപോലെ ഹയാറ്റഡ് ഹെര്‍ണിയ പോലുളള അവസ്ഥയെങ്കിലും ഇതുണ്ടാകാം. ഈ അവസ്ഥയിലെല്ലാം തൊണ്ടയ്ക്ക് ഈ അവസ്ഥയുണ്ടാകാം. പ്രത്യേകിച്ചും ഉറക്ക സമയത്ത് തൊണ്ടയില്‍ ഇത്തരം അസ്വസ്ഥതകളുണ്ടാകാം. ചിലപ്പോള്‍ വെളുത്ത നിറത്തിലെ കഫമുണ്ടാകാം.

​സ്‌ട്രെസ്

സ്‌ട്രെസ് ഏറുമ്പോള്‍ കഴുത്തിലെ മസിലുകള്‍ വലിഞ്ഞു മുറുകുമ്പോള്‍ ഈ അവസ്ഥയുണ്ടാകും. തൊണ്ടയിലെ അണുബാധ, ഒച്ചയെടുത്ത് സംസാരിക്കേണ്ടി വരിക, ഏറെ നേരം ശബ്ദം ഉപയോഗിയ്‌ക്കേണ്ട ജോലി ചെയ്യുന്നവര്‍, സെര്‍വിക്കല്‍ സ്‌പോണ്ടിലൈറ്റിസ്, ഫൈബ്രോമയാള്‍ജിയ എന്നിവയെല്ലാം തന്നെ തൊണ്ടയിലെ ഇത്തരം അസ്വസ്ഥതയ്ക്ക് കാരണമാകുന്നു. ഗ്ലോബല്‍ സെന്‍സേഷന്‍ എന്നത് തൊണ്ടയില്‍ മീന്‍മുള്ളു കുത്തിയാല്‍ പോലുമുണ്ടാകാം. മുള്ളില്ലെങ്കിലും അതവിടെ ഇരിയ്ക്കുന്ന പോലത്തെ തോന്നലാണ് ഇത്. തൊണ്ടയ്ക്കുണ്ടാകുന്ന മുറിവാണ് ഇവിടെ കാരണം.

അവസ്ഥ

ഇതിന് കാരണമാകുന്ന അവസ്ഥ ചികിത്സിച്ചു മാറ്റുകയെന്നതാണ് അടിസ്ഥാനമായ കാര്യം. ഉദാഹരണമായി ഹോര്‍മോണ്‍ പ്രശ്‌നമെങ്കില്‍ അതു മാറ്റുക. മറ്റു രോഗങ്ങളെങ്കില്‍ അതിന് ചികിത്സ തേടുക. അസിഡിറ്റി, സ്‌ട്രെസ് എന്നിവയെങ്കില്‍ ഇതിന് പരിഹാരം കണ്ടു പിടിയ്ക്കുക. ഇത്തരം പ്രശ്‌നമുള്ളവര്‍ ചെറുതായി ചുമച്ച് തൊണ്ടയിലെ അസ്വസ്ഥത മാറ്റാന്‍ നോക്കരുത്. അതായത് മുരടനക്കുന്ന സ്വഭാവം വേണ്ട. ഇതു പോലെ ബ്രീത്തിംഗ് വ്യായാമങ്ങള്‍ ചെയ്യുന്നത് നല്ലതാണ്. ശ്വാസം പൂര്‍ണമായി ഉള്ളിലേയ്‌ക്കെടുത്ത് പിടിച്ച് പിന്നീട് പുറത്തേയ്ക്കു വിടുന്ന രീതിയാണ് ഏറ്റവും സിംപിളായത്. ഇത് ശ്വാസകോശാരോഗ്യത്തിനും തൊണ്ടയിലെ മസിലുകള്‍ക്കുമെല്ലാം നല്ലതാണ്.

​ധാരാളം വെള്ളം

ധാരാളം വെള്ളം കുടിയ്ക്കണം. മൂന്നു ലിറ്റര്‍ വെള്ളം ദിവസം കുടിയ്ക്കുക. ഇത് കോശങ്ങളെ റിലാക്‌സ് ചെയ്യിക്കുന്നു. നല്ലതു പോലെ വെള്ളം കുടിയ്ക്കുമ്പോള്‍ ഈ അസ്വസ്ഥത കുറഞ്ഞു വരുന്നതായി കണ്ടു വരുന്നു. കാപ്പി, ചായ, സോഫ്റ്റ് ഡ്രിങ്കുകള്‍ എന്നിവയുടെ ഉപയോഗം കുറയ്ക്കുക. ഇത്തരം അസ്വസ്ഥതയെങ്കില്‍ പലരും ചായ, കാപ്പി കുടിയ്ക്കും. എന്നാല്‍ താല്‍ക്കാലിക ആശ്വാസം നല്‍കുമെങ്കിലും ഇത് ദോഷമേ വരുത്തു. ഇതു പോലെ തൊണ്ടയ്ക്ക് പ്രശ്‌നമെങ്കില്‍ തൊണ്ടയിലെ മസിലുകള്‍ക്കുളള വ്യായാമം ചെയ്യാം. ആദ്യമായി താടിയെല്ല് നെഞ്ചില്‍ മുട്ടിയ്ക്കുക. പത്തു സെക്കന്റെ വച്ച ശേഷം പതുക്കെ തല നിവര്‍ത്താം. ഇത് ആവര്‍ത്തിയ്ക്കാം. ഇതു പോലെ കൈ തലയുടെ നിറു ഭാഗത്ത് ഉയര്‍ത്തി വയ്ക്കുക. ആ വശത്തേയ്ക്ക് തല ചരിച്ച് ഷോള്‍ഡറില്‍ മുട്ടും വിധം വയ്ക്കുക. അല്‍പം കഴിഞ്ഞ് നേരെയാക്കാം. പിന്നീട് ഇതു മറു വശത്തും ചെയ്യാം. ഇത് ആവര്‍ത്തിയ്ക്കാം. ഇതു പോലെ ച്യൂയിംഗ് ഗം ചവയ്ക്കുന്നതും ഏറെ ഗുണകരമാണ്. ഇതു പോലെ നാവു കൊണ്ട് മോണയില്‍ എല്ലാ ഭാഗത്തും ഒ്ാടിയ്ക്കുക. ഇതും മസിലുകള്‍ക്ക് നല്ലതാണ്.പാക്കറ്റിലെ ചപ്പാത്തി നന്നല്ല, കാരണംപാക്കറ്റിലെ ചപ്പാത്തി നന്നല്ല, കാരണം